Omaso miiponga yomoondjila oga shonopola
Okweehamekwa miiponga yomoondjila okwa shonopala moomvula ntano dha piti
Omutumba guule womasiku gatatu otagu kambadhala okunkondopeka egameno lyomoondjila moNamibia.
Namibia okwa ndhindhilike okushonopola kwiiponga yomoondjila noopelesenda ne momukokomoko gwoomvula ntano dha piti.
Minista yIiyenditho nIilonga John Mutorwa okwa ti eshuno pevi lyiiponga yomoondjila otali ulike okante kuuyelele nonkalo tayi mbilipalele aahingi naafaalelwa Aanambia nosho aayenda(aakwiilongo) momalweendotalelepo moshilongo.
Mutorwa okwa tseyitha omiyalu ndhika mEtitatu moshipopiwa she sha leshwa peha lye kwamushanga omukuluntu muumisteli, Jonas Sheelongo, pethimbo lyomutumba gwokomumvo omutimugoyi gwegameno lyomoondjila gu li metifa mOngwediva.
Omaso
Okwa ti okuyeleka omaso niiponga yomoondjila, omaso oga shonopala, okuza poopelesenda 18 mo2019 okuya poopelesenda 14 mo2023.
“Oshikwawo, omaso otaga shonopola, okwa ndhindhilikwa eshonopalo noopelesenda 30 okuza poonakusa 609 mo2019 okuya poonakusa 423 mo2023. Omaso kehe miiyenditho 10 000 oga shonopala wo noopelesenda 32, okuza poopelesenda 15.2 mo2019 okuya poopelesenda 10.3 mo2023,” Sheelongo a ti.
Okwa geedha po kutya okweehamekwa maantu 100 000 kehe okwa shuna pevi noopelesenda 59 okuza paantu 250.5 mo2019 okuya paantu 101.5 mo2023.
Oshoka egameno lyomondjila pankalo yalyo olya pamba iikondo oyindji, nali ungaungiwe nalyo kaakuthimbinga ayehe, mwa kwatelwa epangelo, oshikondo shopaumwene, noshigwana, Sheelongo a ti.
“Opo tu kwashilipaleke kutya oonkambadhala dhegameno moondjila odhi li pamalandu gwomifango dhopaigwana omiwanawa, omapekapeko nomakonakono oga pumbiwa mokweetapo ontseyo nuunongo tau opalele moshimpungu shika,” okwa ti, ta gwedha po kutya omilandu, oompango nomalandulathano nadhi kale muukuumwe nonkalo yongashingeyi opo dhi longe nawa.
Elongelokumwe
Omunashipundi gwonational road safety council Eliphas !Owos-Ôab okwa ti omutumba guule womasiku gatatu otagu kambadhala okunkondopeka onkalo yiilonga nokuninga omatalulo ku humithwe komeho okulonga nawa.
!Owos-Ôab okwa ti omutumba gwokomumvo gwegameno lyomoondjila ogwa simana mOshikako shOmimvo Omulongo 2021-2030 dhiilonga yEgameno lyomondjila moNamibia, shoka tashi lalakanene okuhanganitha aakuthimbinga ayehe ya konakone eyokomeho lyoondungethaneko dha simana dhoongudhi oonene dhopolohalama ndjika.
Okwa ti iiponga yomoondjila oyo omutenge gwopaliko ngoka gu thike poopelesenda 3 dheliko lyoshilongo( GDP) miilongo oyindji, oshikwawo ekanitho enene lyiiyemo nokukanitha oomwenyo nomaliko ongoohandimwe noofamili dha gumwa kiiponga mbika yomoondjila. Omutumba gwomasiku gatatu otagu hulu mEtitano.
Minista yIiyenditho nIilonga John Mutorwa okwa ti eshuno pevi lyiiponga yomoondjila otali ulike okante kuuyelele nonkalo tayi mbilipalele aahingi naafaalelwa Aanambia nosho aayenda(aakwiilongo) momalweendotalelepo moshilongo.
Mutorwa okwa tseyitha omiyalu ndhika mEtitatu moshipopiwa she sha leshwa peha lye kwamushanga omukuluntu muumisteli, Jonas Sheelongo, pethimbo lyomutumba gwokomumvo omutimugoyi gwegameno lyomoondjila gu li metifa mOngwediva.
Omaso
Okwa ti okuyeleka omaso niiponga yomoondjila, omaso oga shonopala, okuza poopelesenda 18 mo2019 okuya poopelesenda 14 mo2023.
“Oshikwawo, omaso otaga shonopola, okwa ndhindhilikwa eshonopalo noopelesenda 30 okuza poonakusa 609 mo2019 okuya poonakusa 423 mo2023. Omaso kehe miiyenditho 10 000 oga shonopala wo noopelesenda 32, okuza poopelesenda 15.2 mo2019 okuya poopelesenda 10.3 mo2023,” Sheelongo a ti.
Okwa geedha po kutya okweehamekwa maantu 100 000 kehe okwa shuna pevi noopelesenda 59 okuza paantu 250.5 mo2019 okuya paantu 101.5 mo2023.
Oshoka egameno lyomondjila pankalo yalyo olya pamba iikondo oyindji, nali ungaungiwe nalyo kaakuthimbinga ayehe, mwa kwatelwa epangelo, oshikondo shopaumwene, noshigwana, Sheelongo a ti.
“Opo tu kwashilipaleke kutya oonkambadhala dhegameno moondjila odhi li pamalandu gwomifango dhopaigwana omiwanawa, omapekapeko nomakonakono oga pumbiwa mokweetapo ontseyo nuunongo tau opalele moshimpungu shika,” okwa ti, ta gwedha po kutya omilandu, oompango nomalandulathano nadhi kale muukuumwe nonkalo yongashingeyi opo dhi longe nawa.
Elongelokumwe
Omunashipundi gwonational road safety council Eliphas !Owos-Ôab okwa ti omutumba guule womasiku gatatu otagu kambadhala okunkondopeka onkalo yiilonga nokuninga omatalulo ku humithwe komeho okulonga nawa.
!Owos-Ôab okwa ti omutumba gwokomumvo gwegameno lyomoondjila ogwa simana mOshikako shOmimvo Omulongo 2021-2030 dhiilonga yEgameno lyomondjila moNamibia, shoka tashi lalakanene okuhanganitha aakuthimbinga ayehe ya konakone eyokomeho lyoondungethaneko dha simana dhoongudhi oonene dhopolohalama ndjika.
Okwa ti iiponga yomoondjila oyo omutenge gwopaliko ngoka gu thike poopelesenda 3 dheliko lyoshilongo( GDP) miilongo oyindji, oshikwawo ekanitho enene lyiiyemo nokukanitha oomwenyo nomaliko ongoohandimwe noofamili dha gumwa kiiponga mbika yomoondjila. Omutumba gwomasiku gatatu otagu hulu mEtitano.
Comments
Namibian Sun
No comments have been left on this article