Simbine ‘n voorbeeld vir baie
Atletiek
Met 'n indrukwekkende persoonlike beste tyd van 9.82 sekondes oor 100 meter, is Akani Simbine die derde vinnigste Afrika-naelloper in die geskiedenis, maar wat hom in ewe groot mate op die internasionale baan definieer, is sy bestendigheid.
Die 31-jarige Suid-Afrikaanse ster het in elke kalenderjaar van die afgelope dekade jaarliks die 100 meter vinniger as 10 sekondes afgelê.
Sy eerste werklike groot internasionale medalje van sy loopbaan het hy by die 2024 Olimpiese Spele in Parys, Frankryk, gewen toe hy en sy 4x100-aflosmaats die silwer ná Amerika opgeraap het.
Dit was sy eerste Olimpiese medalje, ná twee vierde plekke in die 100 m (2021 Tokio en 2024 Parys) plus 'n vyfde plek by die 2016 Rio de Janeiro Spele.
Telkens het hy die groot podiums met net die kleinste breukdele van 'n sekonde misgeloop. In media-onderhoude het hy laat blyk hoe platgeslaan en depressief hy ná sy Tokio-teleurstelling was, maar dat terapie hom gehelp het om homself weer te vind.
Die stil krag in die wêreld van naellope het egter nog veel meer wat hy hoop om te bereik.
Simbine het gesê: "Ek het redelik laat in my lewe as 'n 19-jarige tiener met atletiek kennis gemaak. Dit was ‘n geweldige leerskool hoe dinge gedoen word en hoe dit werk.
“Ek was in die diepkant ingegooi en gesê swem. Ek dink dis hoekom ek nie so oud in die sport voel nie.
“Van nature praat ek nie baie nie. Ek is baie teruggetrokke. Ek het baie respek vir almal wat toustaan, tonne respek, want ek weet wat jy insit om hier te wees. Ek dink my vertonings op die atletiekbaan en my werklike werk wat ek insit, spreek harder as wat ek op sosiale media sou kon bereik.
“Afrika-atlete is meer bekend vir langafstande en nie noodwendig vir die spoeditems nie. Om deel te wees van 'n klein groepie atlete wat (Afrika-)naellope na die wêreld neem, is ek trots op die feit dat ek aan die spits kon wees om die volgende generasie te motiveer om goed en beter te vaar ... om te wil kom nael, om in verskillende lande in die wêreld te wil gaan hardloop en te wys hoe vinnig jy is.
“Wat ek vir my land gedoen het, is goed, maar wat ek vir myself in atletiek gedoen het, is regtig ongelooflik. Ek het nooit hiervan gedroom nie.
“Ek het nooit daarvan kon droom om oral in verskillende lande te hardloop, of om sub-10-tye te hardloop nie – dit was nie eens deel van my plan as tiener nie.
“Ek gaan nie gou atletiek vaarwel roep nie. Ek sal daar wees totdat ek voel ek het genoeg gehad en ek is gereed om aan te beweeg.”
• Net twee Afrikane se vinnigste 100-metertye oortref Simbine se haastigste vertoning van 9.82 wat hy in April 2021 in Pretoria gehardloop het (windspoed +2.8).
Ferdinand Omanyala van Kenia se 9.77 in September 2021 by die Kip Keino Classic in Nairobi (windspoed +1.2) en die Nigeriër Favour Ashe (9.79 in April 2022 in Los Angeles, met windspoed +4.8) is die enigstes voor hom op die lys.
– [email protected]
Die 31-jarige Suid-Afrikaanse ster het in elke kalenderjaar van die afgelope dekade jaarliks die 100 meter vinniger as 10 sekondes afgelê.
Sy eerste werklike groot internasionale medalje van sy loopbaan het hy by die 2024 Olimpiese Spele in Parys, Frankryk, gewen toe hy en sy 4x100-aflosmaats die silwer ná Amerika opgeraap het.
Dit was sy eerste Olimpiese medalje, ná twee vierde plekke in die 100 m (2021 Tokio en 2024 Parys) plus 'n vyfde plek by die 2016 Rio de Janeiro Spele.
Telkens het hy die groot podiums met net die kleinste breukdele van 'n sekonde misgeloop. In media-onderhoude het hy laat blyk hoe platgeslaan en depressief hy ná sy Tokio-teleurstelling was, maar dat terapie hom gehelp het om homself weer te vind.
Die stil krag in die wêreld van naellope het egter nog veel meer wat hy hoop om te bereik.
Simbine het gesê: "Ek het redelik laat in my lewe as 'n 19-jarige tiener met atletiek kennis gemaak. Dit was ‘n geweldige leerskool hoe dinge gedoen word en hoe dit werk.
“Ek was in die diepkant ingegooi en gesê swem. Ek dink dis hoekom ek nie so oud in die sport voel nie.
“Van nature praat ek nie baie nie. Ek is baie teruggetrokke. Ek het baie respek vir almal wat toustaan, tonne respek, want ek weet wat jy insit om hier te wees. Ek dink my vertonings op die atletiekbaan en my werklike werk wat ek insit, spreek harder as wat ek op sosiale media sou kon bereik.
“Afrika-atlete is meer bekend vir langafstande en nie noodwendig vir die spoeditems nie. Om deel te wees van 'n klein groepie atlete wat (Afrika-)naellope na die wêreld neem, is ek trots op die feit dat ek aan die spits kon wees om die volgende generasie te motiveer om goed en beter te vaar ... om te wil kom nael, om in verskillende lande in die wêreld te wil gaan hardloop en te wys hoe vinnig jy is.
“Wat ek vir my land gedoen het, is goed, maar wat ek vir myself in atletiek gedoen het, is regtig ongelooflik. Ek het nooit hiervan gedroom nie.
“Ek het nooit daarvan kon droom om oral in verskillende lande te hardloop, of om sub-10-tye te hardloop nie – dit was nie eens deel van my plan as tiener nie.
“Ek gaan nie gou atletiek vaarwel roep nie. Ek sal daar wees totdat ek voel ek het genoeg gehad en ek is gereed om aan te beweeg.”
• Net twee Afrikane se vinnigste 100-metertye oortref Simbine se haastigste vertoning van 9.82 wat hy in April 2021 in Pretoria gehardloop het (windspoed +2.8).
Ferdinand Omanyala van Kenia se 9.77 in September 2021 by die Kip Keino Classic in Nairobi (windspoed +1.2) en die Nigeriër Favour Ashe (9.79 in April 2022 in Los Angeles, met windspoed +4.8) is die enigstes voor hom op die lys.
– [email protected]
Comments
Namibian Sun
No comments have been left on this article