Mielie-oes van slegs 20 000 ton geskat (AGRI MONITOR)
Reën kom te laat
Ondanks die swak opbrengs wat in die Mieliedriehoek voorspel word, word verwag dat mieliemeel vir die Namibiese verbruiker nie veel duurder gaan raak nie.
Weens die swak en sporadiese reënval in die Mieliedriehoek, is vooruitskattings vir vanjaar se mielie-oes 70 000 ton minder as twee jaar gelede.
Dawie Kok, ‘n bestuurslid van die Akkerbouprodusente-vereniging, het aan Agri Monitor gesê tydens ‘n onlangse bestuursvergadering is kommer uitgespreek, omdat die vooruitsigte vir mielieboere nie goed lyk nie.
“Ons het die laaste paar weke reën in die Mieliedriehoek gehad, maar dit reën kol-kol en dit het baie laat begin reën,”het Kok aan Agri Monitor gesê.
“Verlede jaar is 64 000 ton mielies geoes, die vorige seisoen 90 000 ton, maar vir vanjaar se oes word slegs 20 000 ton voorspel.”
Die rede volgens Kok vir die swak oesvooruitskatting is dat baie van die droëlandprodusente nie mielies geplant het nie.
“Weens die droogte kon van die boere nie plant nie. Die gebrek aan winsgewendheid speel ook ‘n rol, want die insetkoste raak te hoog,” het Kok verduidelik.
Aangesien akkerbouers se insetkoste skerp gestyg het, is hul risiko hoër. Diesel is veel duurder asook insette soos kunsmis.
Kok het bevestig insetkoste vir droëland-mielieboere beloop tans sowat N$9 500 per hektaar.
Hy sê besproeiingsboere in die Kavangostreke van AgriBusDev en die groen skemas gaan wel mielies produseer, maar dit is nie gelykstaande aan die produksie van die Mieliedriehoek nie.
In die omgewing van Summerdown is daar mielieboere wat ook nie glad nie geplant het nie.
“Hulle het eerder grondboontjies as mielies geplant, wat goeie wisselbou is,” het Kok gesê.
Die oesvooruitskatting beteken dat meer mielies van Suid-Afrika ingevoer moet word waar voldoende mielies is.
Kok sê die goeie nuus is egter dat die huidige mielieprys in die buurland van so aard is dat mieliemeel vir die Namibiese verbruiker nie veel duurder gaan raak.
“Op hierdie stadium is die prys van mieliemeel nie juis ‘n groot probleem vir die verbruiker nie. Hulle behoort nie veel meer te betaal as normaalweg nie,”het hy gepaai.
Volgens die Buro vir Meteorologie duur die El Niño-verskynsel voort in die tropiese Stille Oseaan. Modelvoorspellings en waarnemings dui daarop dat see-oppervlaktemperature in die sentrale tropiese Stille Oseaan 'n hoogtepunt bereik het en nou daal. See-oppervlaktemperature in die tropiese Stille Oseaan sal na verwagting terugkeer na neutrale El Niño-Suidelike Ossillasie- (Enso) vlakke in die suidelike halfrond die herfs van vanjaar. - [email protected]
Dawie Kok, ‘n bestuurslid van die Akkerbouprodusente-vereniging, het aan Agri Monitor gesê tydens ‘n onlangse bestuursvergadering is kommer uitgespreek, omdat die vooruitsigte vir mielieboere nie goed lyk nie.
“Ons het die laaste paar weke reën in die Mieliedriehoek gehad, maar dit reën kol-kol en dit het baie laat begin reën,”het Kok aan Agri Monitor gesê.
“Verlede jaar is 64 000 ton mielies geoes, die vorige seisoen 90 000 ton, maar vir vanjaar se oes word slegs 20 000 ton voorspel.”
Die rede volgens Kok vir die swak oesvooruitskatting is dat baie van die droëlandprodusente nie mielies geplant het nie.
“Weens die droogte kon van die boere nie plant nie. Die gebrek aan winsgewendheid speel ook ‘n rol, want die insetkoste raak te hoog,” het Kok verduidelik.
Aangesien akkerbouers se insetkoste skerp gestyg het, is hul risiko hoër. Diesel is veel duurder asook insette soos kunsmis.
Kok het bevestig insetkoste vir droëland-mielieboere beloop tans sowat N$9 500 per hektaar.
Hy sê besproeiingsboere in die Kavangostreke van AgriBusDev en die groen skemas gaan wel mielies produseer, maar dit is nie gelykstaande aan die produksie van die Mieliedriehoek nie.
In die omgewing van Summerdown is daar mielieboere wat ook nie glad nie geplant het nie.
“Hulle het eerder grondboontjies as mielies geplant, wat goeie wisselbou is,” het Kok gesê.
Die oesvooruitskatting beteken dat meer mielies van Suid-Afrika ingevoer moet word waar voldoende mielies is.
Kok sê die goeie nuus is egter dat die huidige mielieprys in die buurland van so aard is dat mieliemeel vir die Namibiese verbruiker nie veel duurder gaan raak.
“Op hierdie stadium is die prys van mieliemeel nie juis ‘n groot probleem vir die verbruiker nie. Hulle behoort nie veel meer te betaal as normaalweg nie,”het hy gepaai.
Volgens die Buro vir Meteorologie duur die El Niño-verskynsel voort in die tropiese Stille Oseaan. Modelvoorspellings en waarnemings dui daarop dat see-oppervlaktemperature in die sentrale tropiese Stille Oseaan 'n hoogtepunt bereik het en nou daal. See-oppervlaktemperature in die tropiese Stille Oseaan sal na verwagting terugkeer na neutrale El Niño-Suidelike Ossillasie- (Enso) vlakke in die suidelike halfrond die herfs van vanjaar. - [email protected]
Comments
Namibian Sun
No comments have been left on this article