Mbumba lok beleggers vir groen ammoniak
Afrika Kunsmis- en Grondgesondheidsberaad in Nairobi
Pres. Nangolo Mbumba sê Namibië sal jaarliks sowat drie miljoen metrieke ton groen ammoniak vir streek- en wêreldmarkte produseer.
President Nangolo Mbumba het ’n beroep op potensiële beleggers gedoen om geleenthede in ammoniak- en kunsmisproduksie in Namibië en ander Afrikalande te ondersoek.
Hy was verlede week ’n spreker by die amptelike opening van die Afrika Kunsmis- en Grondgesondheidsberaad in Nairobi, Kenia.
Mbumba het gefokus op Namibië se ontluikende groenwaterstofsektor wat groen ammoniak as byproduk lewer. Ammoniak is ’n bestanddeel van kunsmis.
Kunsmispryse het die hoogte ingeskiet ná Rusland se inval in die Oekraïne.
Mbumba het gesê Namibië sal jaarliks sowat drie miljoen metrieke ton groen ammoniak vir streek- en wêreldmarkte produseer.
Verhoogde plaaslike produksie van groen ammoniak kan Afrika se voedselproduksie aanvul met kunsmisgebruik.
Hy het gesê ongeveer 70% van Namibiërs is afhanklik van landbou vir hul lewensbestaan.
“Al is die landbousektor se bydrae tot ons land se bruto binnelandse produk tans slegs 8%, ondersteun gewas- en veeboerdery die meerderheid Namibiërs, van wie baie in landelike gebiede woon. ’n Groot persentasie van ons boere beoefen steeds bestaansboerdery, reëngevoede landbou en veeboerdery.
“Verder, gegewe Namibië se dorre tot semi-droë omgewing, word grootskaalse kommersiële landbou deur waterskaarste beperk.”
Die belangrikste gewasse onder besproeiing sluit mielies, koring, groente en voer in.
SUBSIDIES VIR KUNSMIS
Die adjunkminister van landbou, water en grondhervorming, Anna Shiweda, het beklemtoon dat Namibië ongelukkig onder die lande val wat nie die kunsmisverbruiksvlak van 50 kg/ha bereik het soos in die Abuja-verklaring bepaal is nie.
“In hierdie verband het Namibië ’n kabinetsbesluit geneem om kunsmis te subsidieer ten einde die gebruik van kunsmis per hektaar te stimuleer en te verhoog. Daarbenewens is Namibië ook in die proses om beide chemiese en organiese kunsmisproduksie in die land te bevorder deur middel van openbare private vennootskappe,” het Shiweda gesê.
“Ons is ook ingelig dat Afrika elke jaar ongeveer 30 miljoen metrieke ton kunsmis produseer. Ongeveer 90 persent van die kunsmis wat in Afrika suid van die Sahara verbruik word, word egter ingevoer – meestal van buite die vasteland.
“Dit weerspieël ondoeltreffendheid in verskepings- en hawehanteringskoste, verspreidingskettings, beskikbaarheid van inligting en ander handelskwessies.”
Volgens Shiweda is daar derhalwe ’n behoefte aan gesamentlike pogings deur Afrikalande om die afwykings in die handelstelsel reg te stel om te verseker dat voldoende kunsmis beskikbaar en toeganklik vir die boere is.
Afrika-staatshoofde het die Nairobi-verklaring oor kunsmis en grondgesondheid bekragtig, wat die deurslaggewende verbintenisse beklemtoon om die voedingsbalans van die vasteland se uitgeputte grond te laat herleef.
Onder die tema, “Listen to the Land, het afgevaardigdes die huidige toestand van Afrika se grond ondersoek in ’n poging om dringende en toepaslike herstelmaatreëls te implementeer.
– [email protected]
Hy was verlede week ’n spreker by die amptelike opening van die Afrika Kunsmis- en Grondgesondheidsberaad in Nairobi, Kenia.
Mbumba het gefokus op Namibië se ontluikende groenwaterstofsektor wat groen ammoniak as byproduk lewer. Ammoniak is ’n bestanddeel van kunsmis.
Kunsmispryse het die hoogte ingeskiet ná Rusland se inval in die Oekraïne.
Mbumba het gesê Namibië sal jaarliks sowat drie miljoen metrieke ton groen ammoniak vir streek- en wêreldmarkte produseer.
Verhoogde plaaslike produksie van groen ammoniak kan Afrika se voedselproduksie aanvul met kunsmisgebruik.
Hy het gesê ongeveer 70% van Namibiërs is afhanklik van landbou vir hul lewensbestaan.
“Al is die landbousektor se bydrae tot ons land se bruto binnelandse produk tans slegs 8%, ondersteun gewas- en veeboerdery die meerderheid Namibiërs, van wie baie in landelike gebiede woon. ’n Groot persentasie van ons boere beoefen steeds bestaansboerdery, reëngevoede landbou en veeboerdery.
“Verder, gegewe Namibië se dorre tot semi-droë omgewing, word grootskaalse kommersiële landbou deur waterskaarste beperk.”
Die belangrikste gewasse onder besproeiing sluit mielies, koring, groente en voer in.
SUBSIDIES VIR KUNSMIS
Die adjunkminister van landbou, water en grondhervorming, Anna Shiweda, het beklemtoon dat Namibië ongelukkig onder die lande val wat nie die kunsmisverbruiksvlak van 50 kg/ha bereik het soos in die Abuja-verklaring bepaal is nie.
“In hierdie verband het Namibië ’n kabinetsbesluit geneem om kunsmis te subsidieer ten einde die gebruik van kunsmis per hektaar te stimuleer en te verhoog. Daarbenewens is Namibië ook in die proses om beide chemiese en organiese kunsmisproduksie in die land te bevorder deur middel van openbare private vennootskappe,” het Shiweda gesê.
“Ons is ook ingelig dat Afrika elke jaar ongeveer 30 miljoen metrieke ton kunsmis produseer. Ongeveer 90 persent van die kunsmis wat in Afrika suid van die Sahara verbruik word, word egter ingevoer – meestal van buite die vasteland.
“Dit weerspieël ondoeltreffendheid in verskepings- en hawehanteringskoste, verspreidingskettings, beskikbaarheid van inligting en ander handelskwessies.”
Volgens Shiweda is daar derhalwe ’n behoefte aan gesamentlike pogings deur Afrikalande om die afwykings in die handelstelsel reg te stel om te verseker dat voldoende kunsmis beskikbaar en toeganklik vir die boere is.
Afrika-staatshoofde het die Nairobi-verklaring oor kunsmis en grondgesondheid bekragtig, wat die deurslaggewende verbintenisse beklemtoon om die voedingsbalans van die vasteland se uitgeputte grond te laat herleef.
Onder die tema, “Listen to the Land, het afgevaardigdes die huidige toestand van Afrika se grond ondersoek in ’n poging om dringende en toepaslike herstelmaatreëls te implementeer.
– [email protected]
Comments
Namibian Sun
No comments have been left on this article