Oyendji ya shunithwa ko molwa omavundakano momahogololo gowina

Iilyo yimwe yomoshikondo shegameno nepopilo noshowo aaniilonga yomomeya oya holoka momwaalu omunene komahogololo gowina moshilongo ashihe ohela, ashike oya shunithwa ko oshoka aahona yawo oya ndopa okugandja omadhina gawo kOkakomisi kOmahogololo moNamibia, shoka tashi holola kutya otaya longo mo27 Novemba. Shika osha kolekwa kaanambelewa yomahogololo yopaitopolwa, ngaashi Amon-Oiva Haimbangu gomOshana, ngoka a koleke kutya aaniilonga yomomeya oyendji oya shunithwa ko omolwaashoka kaye na omikanda dhi ihwa po. Koshitaasi shokuhogololela pOpolisi yaHangwena, Omunambelewa gwomahogololo Frans Ndafonghoshi okwa hokolola oshiningwanima sha faathana, ta ti aapolisi yamwe inaya pitikwa ya hogolole, oshoka omadhina gawo kage mo nomusholondondo gwaahogololi yowina. Omahogololo gowina giilyo yOmutumba gwoPashigwana nogopaupresitende mo2024 ogo odhekelwa owala iilyo yonoshikondo shegameno nepopilo naaniilonga yomomeya mboka taya longo mo27 Novemba, noshowo Aanamibia ye li pondje yoshilongo. Haimbangu okwa ti aagandji yiilonga yamwe oya ndopa okutuma omadhina gaamboka ya tegelelwa ya hogolole momahogololo gowina nokukoleka kutya aanambelewa mboka otaya longo 27 Novemba. “Otwa yakula owala omisholondondo ndatu dha za komahangano haga kwata oohi, omanga omahangano gamwe otaga tumu natango omisholondondo dhago,” okwa ti ohela pomutenya. Okuhogolola okwesiku limwe alike.Iilonga tayi ende nawa Okuya pometaaha ohela, aanambelewa yegameno nepopilo noshowo aaniilonga yomomeya ayehe kumwe 400 oya hogololele piitaasi iyali yokuhogololela moshitopolwa shaShana – pOpolisi yaShakati nopOsaala yiigongi mOluno moshikandjohogololo Ondangwa Urban. Lwopotundi 12:00, konyala aahogololi 200 oya hogololele pOpolisi pOmuthiya mOshitopolwa shaShikoto. Ndafonghoshi okwa ti gamwe gomomashongo ya tsakaneke ongaashi" otableta ndjoka ya li tayi idhimi olundji, ashike ngashingeyi otu na otableta onkwawo naandjoka ya li tayi idhimi otayi longo nawa ngashingeyi.” Omunambelewa gwomahogololo poshitaashi shokuhogololela mOluno, Immanuel Kalla, nOmunambelewa gwomahogololo pOpolisi yEenhana, Frieda Nakanyala nOmunambelewa gwomahogololo pOpolisi yaMuthiya Alina Veiko, ayehe oya ti ayihe oye enda nawa pwaa na omaupyakadhi gasha.Evundakano moKhomas MOshitopolwa shaKhomas, otaku hokololwa mwa li uupyakadhi, nonkalo oya nayipala poshitaashi shokuhogololela poprimaskola yaVan Rhyn Primary School mOvenduka, nopo apeke pwa hogololelwa moshitopolwa ashihe shaKhomas, naahogololi oyendji oya holoka. Ongundu yoAffirmative Reposition (AR) oya pititha omukanda tagu pe ombedhi Okakomisi kOmahogololo moNamibia sho ka ndopa okukwashilipaleka kutya iitaasi yokuhogololela oya gwana nawa, opo ayihe ye ende nawa. “Endopo lyOkakomisi kOmahogololo moNamibia okuunganeka nawa omahogololo otashi ulike natango evundakano nokwaa longa nawa,” omukanda gwoAR gwa lesha. “Oshiyemateka okutala ehangano, li inekelelwa oshinakugwanithwa oshinene sha tya ngaaka, ihe olya ndopa okukwashilipaleka omahogololo oge li pauyuuki notaga ende nawa moshilongo,” AR a gwedha po. Omupopiliko gwOkakomisi kOmahogololo moNamibia De Wet Siluka okwa lombwele Namibian Sun kutya omwaalu gwiitaasi yokuhogololela ohagu uthwa komwaalu gwaahogololi yowina mboka ya tegelelwa ya holoke, ngaashi sha kolekwa kaagandji yiilonga. Shika osha popiwa manga omunashipundi gwOkakomisi kOmahogololo moNamibia Dr Elsie Nghikembua inaa koleka kutya aahogololi oyendji oya holoka shi vulithe pwaamboka ya li ya tegelelwa, naandhika okwe dhi popi moshigongi niikundaneki ohela komatango mOvenduka. “Nonande tatu pandula okuholoka huka momwaalu omunene, otwa dhimbulula kutya aahogololi oyendji oye ya pomahala gamwe ye vulithe pwaamboka twa li twa tegelela,” Nghikembua a ti. “Onda hala okushilipakeka oshigwana kutya Okakomisi kOmahogololo moNamibia oka li ka tegelela kutya otashi vulika onkalo yi ka kale ngaaka nomeendelelo oka ningi po sha,” okwa gwedha po. “Pomahala mpoka omwaalu gwaahogololi gwa pitilile pwaamboka ya li ya tegelelwa, neulumo otwa kutha omateriala ga gwedhwa po kiitaasi yokuhogololela yopopepi, opo tu kwashilipaleke kutya omuhogololi kehe okwa mona ompito yokuhogolola pwaa na omakatasho gasha inaaga pumbiwa.” Iizemo Pokati mpoka, iizemo yaahogololi Aanamibia ye li miilongo ngaashi Japan, China naMalaysia inayi pita mbala ohela, moka ongundu yoSwapo nokandidate yawo yopaupresidente, Netumbo Nandi-Ndaitwah, oyo ya li komeho. Olugodhi lwa kindja olwa li moMalaysia, moka ongundu tayi pangele ya hogololwa nomawi 10, omanga oongundu dhoompilameno odha hogololwa nomawi omugoyi, gomomawi 19 giilyo yOmutumba gwoPashigwana. KoChina, hoka aahogololi 38 ya hogolola, Nandi-Ndaitwah okwa hogolololwa kaahogololi 25, omanga Panduleni Itula gwongundu yoIndependent Patriots for Change okwa mono omawi gahamano, a landulwa kuJob Amupanda gwongundu yoAR e na omawi gane. MoJapan, aahogololi ayehe 10 oya hogolola Nandi-Ndaitwah ongomupresidente. Omanga moparliamente, yaheyali oya hogolola oSwapo, omanga yatatu ya hogolola ongundu yoAffirmative Repositioning. kenya@nmh-hub.com.natuyeimo@nmh-hub.com.na#NamibiaDecides2024

Oyendji ya shunithwa ko molwa omavundakano momahogololo gowina

Comments

Namibian Sun 2024-11-25

Please login to leave a comment

Oyendji ya shunithwa ko molwa omavundakano momahogololo gowina

Comments

Namibian Sun 2024-11-25

Please login to leave a comment

Login