WAP vier Kersfees saam met jong pasiënte
Op 18 November het die 2018-leerlingraad van die Windhoek Afrikaanse Privaatskool (WAP) geskenke gaan aflewer vir al die kinders en babas in die Windhoek Sentrale Hospitaal om saam met hulle 'n bietjie Kersfees te vier. Saam met dit het hulle ook geskenkies vir die ouetehuis in Okahandja gestuur.
Die projek het twee weke terug by die skool begin toe leerlinge van hierdie wonderlike projek ingelig is. Kinders is gevra om geskenkpakkies te maak vir 'n seun, dogter, ouma of oupa en die leerlinge was gretig om deel van hierdie liefdadigheidsprojek te wees.
Daar is altesaam 180 geskenkies ingesamel: 31 vir seuns, 46 vir dogters, 8 vir babas en nog 'n bussie vol met 95 geskenke al die pad na Okahandja.
“Dit het goed gevoel om soveel kindertjies só gelukkig te maak. Hulle was almal so vriendelik en opgewonde.
Dit was mooi om te sien, dit maak mens ongelooflik nederig,” vertel Luna de Bruyn, hoofmeisie. Hulle het die kinders ook vermaak deur vir hulle 'n bietjie te sing en kitaar te speel.
Onder leiding van juf. Ariska van Vuuren het die verrigtinge altesaam sowat 'n uur geduur totdat almal eindelik moes groet.
“Dit was 'n baie verrykende ervaring,” vertel onderhoofmeisie Arina van Rensburg: “Die vreugde wat jy daaruit kry om vir ander te gee, is onskatbaar. Die blydskap op die kindertjies se gesigte sal altyd by my bly.”
Ruan du Preez was in beheer van die projek en alles het glad verloop. As 'n aanloop tot die projek is sommige lede ingespan om vroeg by die skool te wees om die leerlinge te verras met 'n groot versierde Kersfeesboom. “Ons wou leerlinge bewus maak van hoe ongelooflik bevoorreg ons is en dat ons in die wonderlike posisie geplaas is om te kan gee,” sê onderhoofseun Jurgen-Leigh Human.
“Christus se liefde is vir ons gegee om te deel,” vertel Danie van der Merwe, hoofseun.
Dit was vir almal 'n voorreg om die genade wat ons elke dag van ons Hemelse Vader ontvang, met ander te kon deel.
Die leerlingraad wil net dankie sê aan die leerlinge van die skool wat so gewillig was om 'n verskil in kinders se lewe te maak en ook aan Windhoek Sentrale Hospitaal wat alles help reël het.
Die projek het twee weke terug by die skool begin toe leerlinge van hierdie wonderlike projek ingelig is. Kinders is gevra om geskenkpakkies te maak vir 'n seun, dogter, ouma of oupa en die leerlinge was gretig om deel van hierdie liefdadigheidsprojek te wees.
Daar is altesaam 180 geskenkies ingesamel: 31 vir seuns, 46 vir dogters, 8 vir babas en nog 'n bussie vol met 95 geskenke al die pad na Okahandja.
“Dit het goed gevoel om soveel kindertjies só gelukkig te maak. Hulle was almal so vriendelik en opgewonde.
Dit was mooi om te sien, dit maak mens ongelooflik nederig,” vertel Luna de Bruyn, hoofmeisie. Hulle het die kinders ook vermaak deur vir hulle 'n bietjie te sing en kitaar te speel.
Onder leiding van juf. Ariska van Vuuren het die verrigtinge altesaam sowat 'n uur geduur totdat almal eindelik moes groet.
“Dit was 'n baie verrykende ervaring,” vertel onderhoofmeisie Arina van Rensburg: “Die vreugde wat jy daaruit kry om vir ander te gee, is onskatbaar. Die blydskap op die kindertjies se gesigte sal altyd by my bly.”
Ruan du Preez was in beheer van die projek en alles het glad verloop. As 'n aanloop tot die projek is sommige lede ingespan om vroeg by die skool te wees om die leerlinge te verras met 'n groot versierde Kersfeesboom. “Ons wou leerlinge bewus maak van hoe ongelooflik bevoorreg ons is en dat ons in die wonderlike posisie geplaas is om te kan gee,” sê onderhoofseun Jurgen-Leigh Human.
“Christus se liefde is vir ons gegee om te deel,” vertel Danie van der Merwe, hoofseun.
Dit was vir almal 'n voorreg om die genade wat ons elke dag van ons Hemelse Vader ontvang, met ander te kon deel.
Die leerlingraad wil net dankie sê aan die leerlinge van die skool wat so gewillig was om 'n verskil in kinders se lewe te maak en ook aan Windhoek Sentrale Hospitaal wat alles help reël het.
Comments
Namibian Sun
No comments have been left on this article