Talent in oorvloed
Leerlinge stel hul talente by die Namibiese kampioenskap vir die uitvoerende kunste ten toon.
Jeanette Diergaardt
Die twee sterre, Marrellee Ferreira en Anri Brynard van Gimnasium Hoërskool, het helder by die 2021 Namibiese kampioenskap vir die uitvoerende kunste geskyn.
Anri het altesaam 16 toekennings opgeraap terwyl Marrelle met 11 toekennings weggestap het.
Anri het nie net nege goue medaljes in solo-opvoerings ingepalm nie, maar ook vir beide haar duetoptredes. Dit het haar 11 goue medaljes besorg.
Die kampioenskap is in verskeie kategorieë opgedeel waar die leerlinge hul kreatiwiteit ten toon kon stel.
Deelnemers kon deelneem aan dans, sang, modelleerwerk, drama en instrumentele musiek.
“Die deelnemers het verskeie kategorieë om van te kies en dit gee almal die geleentheid om in hul spesifieke gebied deel te neem,” sê Lomine Vermeulen, een van die organiseerders.
Die deelnemers wat goud ontvang het, kan volgende jaar aan die Suid-Afrikaanse kampioenskap vir die uitvoerende kunste deelneem.
Die Wêreldkampioenskap vind in Julie volgende jaar plaas waar suksevolle Namibiërs hulle talente ten toon sal kan stel op die verhoog in Los Angeles.
Dié kampioenskap het in 2017 begin en het al drie regstreekse optredes – voor die Covid-19 pandemie – gehou. Vanjaar en verlede jaar het die kompetisies aanlyn plaasgevind. Die deelnemers het hul video-opnames aan die organiseerders gestuur. Vanjaar se sluitingsdatum was op 30 September en die toekenningseremonie is op 26 November by Zets Bistro in die hoofstad aangebied.
Volgens Lomine het leerlinge van Windhoek Afrikaanse Privaatskool, Windhoek Gimnasium en die SOS-kinderhuis in Windhoek asook ander hoërskole deelgeneem.
Daar was ook inskrywings van Swakopmund, Walvisbaai, Gobabis, Okahandja en Keetmanshoop. Vanjaar se inskrywings was minder as gewoonlik met net 100.
“Ons wil Namibiërs wys daar is ’n plek in die samelewing vir die uitvoerende kunste. Dis ’n regte werk en almal het ’n plek in die wêreld. Dis belangrik om jou drome uit te leef,” sê Lomine. Die kompetisie is ook oop vir ouer mense en is nie net beperk tot die jonger geslag nie.
Goue medalje-wenners:
Drama
Sang
Dans
Modelleerwerk
Instrumentele musiek
Marellee Ferreira (klassiek, TV en ope)
Jean Jacques Coffee (country, gospel)
Brynard Anri (ballet, jazz, lirieke, musical, ope, x 2 duets)
Anri Brynard (formeel, fotogenies, swemdrag)
Kitt Hayden (klassiek, rock)
Anri Brynard (komedie)
Luca Coffee (country, gospel)
Muller Danielle (kontemporêre dans)
Anya Kitt (fotogenies)
Jacques Cronje (Pop)
Andre Scriven (drama)
Tielman Neethling (pop, R&B/Soul/jazz)
Carla Celliers (kontemporêre dans, musical, ope)
Kristofina Kambobo (swemdrag)
Ferreira Marellee (Rock
Hennis (duet)
The High (Ope)
Die twee sterre, Marrellee Ferreira en Anri Brynard van Gimnasium Hoërskool, het helder by die 2021 Namibiese kampioenskap vir die uitvoerende kunste geskyn.
Anri het altesaam 16 toekennings opgeraap terwyl Marrelle met 11 toekennings weggestap het.
Anri het nie net nege goue medaljes in solo-opvoerings ingepalm nie, maar ook vir beide haar duetoptredes. Dit het haar 11 goue medaljes besorg.
Die kampioenskap is in verskeie kategorieë opgedeel waar die leerlinge hul kreatiwiteit ten toon kon stel.
Deelnemers kon deelneem aan dans, sang, modelleerwerk, drama en instrumentele musiek.
“Die deelnemers het verskeie kategorieë om van te kies en dit gee almal die geleentheid om in hul spesifieke gebied deel te neem,” sê Lomine Vermeulen, een van die organiseerders.
Die deelnemers wat goud ontvang het, kan volgende jaar aan die Suid-Afrikaanse kampioenskap vir die uitvoerende kunste deelneem.
Die Wêreldkampioenskap vind in Julie volgende jaar plaas waar suksevolle Namibiërs hulle talente ten toon sal kan stel op die verhoog in Los Angeles.
Dié kampioenskap het in 2017 begin en het al drie regstreekse optredes – voor die Covid-19 pandemie – gehou. Vanjaar en verlede jaar het die kompetisies aanlyn plaasgevind. Die deelnemers het hul video-opnames aan die organiseerders gestuur. Vanjaar se sluitingsdatum was op 30 September en die toekenningseremonie is op 26 November by Zets Bistro in die hoofstad aangebied.
Volgens Lomine het leerlinge van Windhoek Afrikaanse Privaatskool, Windhoek Gimnasium en die SOS-kinderhuis in Windhoek asook ander hoërskole deelgeneem.
Daar was ook inskrywings van Swakopmund, Walvisbaai, Gobabis, Okahandja en Keetmanshoop. Vanjaar se inskrywings was minder as gewoonlik met net 100.
“Ons wil Namibiërs wys daar is ’n plek in die samelewing vir die uitvoerende kunste. Dis ’n regte werk en almal het ’n plek in die wêreld. Dis belangrik om jou drome uit te leef,” sê Lomine. Die kompetisie is ook oop vir ouer mense en is nie net beperk tot die jonger geslag nie.
Goue medalje-wenners:
Drama
Sang
Dans
Modelleerwerk
Instrumentele musiek
Marellee Ferreira (klassiek, TV en ope)
Jean Jacques Coffee (country, gospel)
Brynard Anri (ballet, jazz, lirieke, musical, ope, x 2 duets)
Anri Brynard (formeel, fotogenies, swemdrag)
Kitt Hayden (klassiek, rock)
Anri Brynard (komedie)
Luca Coffee (country, gospel)
Muller Danielle (kontemporêre dans)
Anya Kitt (fotogenies)
Jacques Cronje (Pop)
Andre Scriven (drama)
Tielman Neethling (pop, R&B/Soul/jazz)
Carla Celliers (kontemporêre dans, musical, ope)
Kristofina Kambobo (swemdrag)
Ferreira Marellee (Rock
Hennis (duet)
The High (Ope)
Comments
Namibian Sun
No comments have been left on this article