Shannon a fumbikwa pasimaneko
Konima sho olutu lwe lwa kala mombila uule woomwedhi dhontumba, omukiintu ngoka a dhipagwa edhipago tali limbilike okwa fumbikwa mehuliloshiwike lya piti.
LEANDREA LOUW
WALVIS BAY
Nakusa Shannon Wasserfall (21) okwa fumbikwa mondoolopa yaMbaye mOlyomakaya ga piti, kengathithi lyaalilisa mboka ye mu pe esimaneko lya hugunina.
Wasserfall okwa kana momwedhi Apilili momvula yo 2020 nolutu lwe olwa adhika lwa fumbikwa melambo momasiku gahamano gaKotomba popepi noNarraville.
Aafekelwa yaali Azaan Madisia (28) oshowo omumwayinamati, Steven Mulundu (22) – oya tulwa miipandeko na otaya tamanekeklwa oshipotha shedhipago nokuya moshipala iilonga yuuyuki.
Ohungi yokudhimbuluka nakusa oya ningwa mEtitano pokapale kaNarraville Rugby Stadium.
Yina yaShannon, Poppie Wasserfall, okwa ti kape na iitya tayi vulu okuholola shoka uuvite.
“Ngoye owa li uuyelele monkalamwenyo yandje, emanya lyandje. Onkalamwenyo oya talala na itayi ka kala ya faathana sho ka ndi ku na. onda hala andola twa kalele pamwe ethimbo ele. Omwenyo gwandje otagu luluma noonkondo. Uululume itawu hulu, na onda mono ehekeleko mOmumwa oshowo eimemeho lyokamati koye-Junior.”
He, Tega Mathews, okwa popi kutya Shannon okwa li oonte dhe dhetango. Okwa pandula woo keyambidhidho ndyoka ya mono okuza moshigwana. Omupeha minista gwoshikondo shomauyelele, Emma Theofelus, okwa popi kutya onkalamwenyo yaShannon oya tetulwa.Theofelus okwa popi kutya omwenyo gwaShannon ogwa hulithwapo okupitila momiyonena dhoka tadhi tsikile moshilongo, na kehe esiku ota galikana andola edhipago lye olyo li kale lya hugunina, ihe omiyonena dhoka onkene tadhi tsikile.
Shannon okwa fumbikwa mOlyomakaya okuzilila mongeleka yaCatholic moKuisebmond.
Omuvali gwopambepo gwaShannon, ngoloneya gwoshitopolwa shErongo, Neville Andre, okwa popi kutya itaka mona we ompito yokumumona monkalamwenyo ye.
Okwali a pyakudhukwa okukala monkalamwenyo ye nokumu mona ta piti ouniversiti oshowo oku mu gandja pethimbo lyohango ye, ihe shoka itashi ka ningwa we molwaashoka ngashiingeyi okwa thikama poshiketha she te mu laleke.
WALVIS BAY
Nakusa Shannon Wasserfall (21) okwa fumbikwa mondoolopa yaMbaye mOlyomakaya ga piti, kengathithi lyaalilisa mboka ye mu pe esimaneko lya hugunina.
Wasserfall okwa kana momwedhi Apilili momvula yo 2020 nolutu lwe olwa adhika lwa fumbikwa melambo momasiku gahamano gaKotomba popepi noNarraville.
Aafekelwa yaali Azaan Madisia (28) oshowo omumwayinamati, Steven Mulundu (22) – oya tulwa miipandeko na otaya tamanekeklwa oshipotha shedhipago nokuya moshipala iilonga yuuyuki.
Ohungi yokudhimbuluka nakusa oya ningwa mEtitano pokapale kaNarraville Rugby Stadium.
Yina yaShannon, Poppie Wasserfall, okwa ti kape na iitya tayi vulu okuholola shoka uuvite.
“Ngoye owa li uuyelele monkalamwenyo yandje, emanya lyandje. Onkalamwenyo oya talala na itayi ka kala ya faathana sho ka ndi ku na. onda hala andola twa kalele pamwe ethimbo ele. Omwenyo gwandje otagu luluma noonkondo. Uululume itawu hulu, na onda mono ehekeleko mOmumwa oshowo eimemeho lyokamati koye-Junior.”
He, Tega Mathews, okwa popi kutya Shannon okwa li oonte dhe dhetango. Okwa pandula woo keyambidhidho ndyoka ya mono okuza moshigwana. Omupeha minista gwoshikondo shomauyelele, Emma Theofelus, okwa popi kutya onkalamwenyo yaShannon oya tetulwa.Theofelus okwa popi kutya omwenyo gwaShannon ogwa hulithwapo okupitila momiyonena dhoka tadhi tsikile moshilongo, na kehe esiku ota galikana andola edhipago lye olyo li kale lya hugunina, ihe omiyonena dhoka onkene tadhi tsikile.
Shannon okwa fumbikwa mOlyomakaya okuzilila mongeleka yaCatholic moKuisebmond.
Omuvali gwopambepo gwaShannon, ngoloneya gwoshitopolwa shErongo, Neville Andre, okwa popi kutya itaka mona we ompito yokumumona monkalamwenyo ye.
Okwali a pyakudhukwa okukala monkalamwenyo ye nokumu mona ta piti ouniversiti oshowo oku mu gandja pethimbo lyohango ye, ihe shoka itashi ka ningwa we molwaashoka ngashiingeyi okwa thikama poshiketha she te mu laleke.
Comments
Namibian Sun
No comments have been left on this article