Pohamba ta nkondopeke aakiintu
ILENI NANDJATO
Omunyekadhi nale gwaNamibia, Penehupifo Pohamba okwa popi kutya ekondjo lyokuyambulapo aakiintu oli li oshinakugwanithwa shomuntu kehe.
Penehupifo Pohamba Community Trust (PPCT) otayi kongo kuume gwopangeshefa moshikondo shokulonga iinima yokwiimumaamumitha komalutu, opo ya totepo ofakitoli yokulonga iilongomwa mbyoka mondoolopa yEenhana.
Mwene gwehangano ndyoka, Penehupifo Pohamba, okwa tseyitha ngaaka mEtitatu lyoshiwike shika mEenhana omanga a tambula omagano okuza kaanangeshefa AaChina. Aanangeshefa mboka oya gandja omagano giikwanipangitho yomoombelewa gongushu yooN$15 130.
Chinam Agriculture Development, Jerson Audio Manufactures, B.H. Complex China oshowo Sport Man Complex China Shop oya gandja omagano ngoka oshowo ekutu li na oshimaliwa taku fekelwa shooN$4 000, ihe omwaalu gwolela inagu tseyithwa.
Erickson Mwanyangapo okwa gandja omagano gomiti mbali dha nuninwa oombelewa dhehangano ndyoka lyomunyekadhi nale.
Omunambelewa Omukuluntu gwOndoolopa yEenhana, Walde Ndevashiya oshowo Omunashipundi gwehangano ndyoka, Vilho Nghipondoka oya kala poshituthi shoka she gandjo lyomagano.
Pohamba okwa popi kutya ombelewa yoPPCT oya patululwa omvula ya piti, ihe kayi na iikwathitho yomombelewa.
Oya pula nduno ekwatho okuza kookume kawo AaChina mboka ya yamukula.
Pohamba okwa popi kutya elelo lyondoolopa ndjoka, olya gandja ehala mpoka tapu tungwa ofakitoli ndjoka onkene otaya kongo nduno ookume mongeshefa opo ondjodhi ndjoka yi ninge yoshili yo ya vule okutidhila kokule oluhepo nokutotapo oompito dhiilonga.
Pohamba okwa tsikile kutya oshi li oshinakugwanithwa shomuntu kehe opo a yambulepo aakiintu omolwa einekelo kutya ngele okwa nkondopekwa aakiintu nena okwa nkondopekwa oshigwana.
Okwa ti elalakano kali shi we shilwe kashi shi okuyambulapo oonkalo dhaakwashigwana paliko naashoka osho shi li oshilalakanena shotango shehangano lyawo.
Iizemo ya hugunina okukwashilipaleka kutya aathigona oshowo aakiintu oya mona oompito ombwaanawa nokumona omauwanawa okupitila moonzo dhopaushitwe.
Okwa pula woo opo ya pewe omayambidhidho opo ya manithe ombelewa yawo.
ILENI NANDJATO
Omunyekadhi nale gwaNamibia, Penehupifo Pohamba okwa popi kutya ekondjo lyokuyambulapo aakiintu oli li oshinakugwanithwa shomuntu kehe.
Penehupifo Pohamba Community Trust (PPCT) otayi kongo kuume gwopangeshefa moshikondo shokulonga iinima yokwiimumaamumitha komalutu, opo ya totepo ofakitoli yokulonga iilongomwa mbyoka mondoolopa yEenhana.
Mwene gwehangano ndyoka, Penehupifo Pohamba, okwa tseyitha ngaaka mEtitatu lyoshiwike shika mEenhana omanga a tambula omagano okuza kaanangeshefa AaChina. Aanangeshefa mboka oya gandja omagano giikwanipangitho yomoombelewa gongushu yooN$15 130.
Chinam Agriculture Development, Jerson Audio Manufactures, B.H. Complex China oshowo Sport Man Complex China Shop oya gandja omagano ngoka oshowo ekutu li na oshimaliwa taku fekelwa shooN$4 000, ihe omwaalu gwolela inagu tseyithwa.
Erickson Mwanyangapo okwa gandja omagano gomiti mbali dha nuninwa oombelewa dhehangano ndyoka lyomunyekadhi nale.
Omunambelewa Omukuluntu gwOndoolopa yEenhana, Walde Ndevashiya oshowo Omunashipundi gwehangano ndyoka, Vilho Nghipondoka oya kala poshituthi shoka she gandjo lyomagano.
Pohamba okwa popi kutya ombelewa yoPPCT oya patululwa omvula ya piti, ihe kayi na iikwathitho yomombelewa.
Oya pula nduno ekwatho okuza kookume kawo AaChina mboka ya yamukula.
Pohamba okwa popi kutya elelo lyondoolopa ndjoka, olya gandja ehala mpoka tapu tungwa ofakitoli ndjoka onkene otaya kongo nduno ookume mongeshefa opo ondjodhi ndjoka yi ninge yoshili yo ya vule okutidhila kokule oluhepo nokutotapo oompito dhiilonga.
Pohamba okwa tsikile kutya oshi li oshinakugwanithwa shomuntu kehe opo a yambulepo aakiintu omolwa einekelo kutya ngele okwa nkondopekwa aakiintu nena okwa nkondopekwa oshigwana.
Okwa ti elalakano kali shi we shilwe kashi shi okuyambulapo oonkalo dhaakwashigwana paliko naashoka osho shi li oshilalakanena shotango shehangano lyawo.
Iizemo ya hugunina okukwashilipaleka kutya aathigona oshowo aakiintu oya mona oompito ombwaanawa nokumona omauwanawa okupitila moonzo dhopaushitwe.
Okwa pula woo opo ya pewe omayambidhidho opo ya manithe ombelewa yawo.
ILENI NANDJATO
Comments
Namibian Sun
No comments have been left on this article