PDM ta gandja uusama kopolisi
Ongundu yoPopular Democratic Movement (PDM) oya popi kutya edhipago lyokanona komimvo 9, Cheryl Avihe Ujaha oli li edhipago etihetatu moshilongo moka inaku monika natango aalongi yiimbuluma mbyoka, na otayi gandja uusama kopolisi.
Oshilyo shongundu yoPDM Nico Smit, osha popi kutya omadhipago ngoka otaga ulike kutya ope na aadhipagi taya longo moNamibia, nonkalo ndjoka sho oonakulonga iimbuluma mbyoka itaya kwatwa, otashi gandja ethano lyompumbwe yuunongo nontseyo mokati kaanambelewa aakonaakoni mopolisi yaNamibia. Okwa popi kutya opolisi otayi vulu okukala noshiputudhilo shomakonaakono giimbuluma dhopombanda shi na iikwaniilongitho oshowo iinima ayihe tayi pumbiwa ihe ngele aanambelewa aakonaakoni kaye na oonkondo nuunongo wokulongitha omauyelele ngoka nena iipotha otayi kala owala itayi manithwa.
Pahapu dhaSmit, omadhipago ngoka ongaashi lyaMagdalena Stoffels, Natangwe Shikoyeni, Sana //Garoës, Melanie Janse, Juanita Mabula, Viola Swartbooi, oshowo yakwawo yalwe. “Onkalo kutya opolisi otayi dhilaadhila kutya iilonga yawo okupula owala oshigwana opo shi gandje omauyelele ngoka taga vulu okutulitha miipandeko oonakulonga omiyonena ndhoka, nena otashi holola kutya oshipotha shoka otashi ka wayimina omusholondondo omule gwiipotha yomadhipago mbyoka inayi manithwa natango.
Smit okwa popi kutya oshi li oshinakugwanithwa shopolisi opo shi konaakone ihe haku kala owala ya tegelela omauyelele tage ya nuupu nokutula miipandeko aantu andola mboka taya adhika ye na oombele momake pehala lyiiningwanima.
Omunapaliamende ngoka okwa popi kutya okwa pumbwa okukatukwa oonkatu, na otaka ka ningila ominista yoshikondo shopolisi omapulaapulo.
Okwa popi kutya okwa kala oolopota miikundaneki kombinga yiipotha yiimbuluma mbyoka tayi kuthwa mo moompangululo omolwa omakonaakono gopolisi ga nkundipala nenge omapeko ngoka taga kana.
Opolisi oshiwike shika ya popi kutya kape na natango ngoka a tulwa miipandeko omolwa edhipago lyaCheryl, na oya tula po olupandu lyoshimaliwa shooN$100 000 kwaangoka taka gandja uuyelele tawu vulu okutulitha miipandeko oonakulonga nenge nakulonga oshimbuluma shoka.
ELLANIE SMIT
Oshilyo shongundu yoPDM Nico Smit, osha popi kutya omadhipago ngoka otaga ulike kutya ope na aadhipagi taya longo moNamibia, nonkalo ndjoka sho oonakulonga iimbuluma mbyoka itaya kwatwa, otashi gandja ethano lyompumbwe yuunongo nontseyo mokati kaanambelewa aakonaakoni mopolisi yaNamibia. Okwa popi kutya opolisi otayi vulu okukala noshiputudhilo shomakonaakono giimbuluma dhopombanda shi na iikwaniilongitho oshowo iinima ayihe tayi pumbiwa ihe ngele aanambelewa aakonaakoni kaye na oonkondo nuunongo wokulongitha omauyelele ngoka nena iipotha otayi kala owala itayi manithwa.
Pahapu dhaSmit, omadhipago ngoka ongaashi lyaMagdalena Stoffels, Natangwe Shikoyeni, Sana //Garoës, Melanie Janse, Juanita Mabula, Viola Swartbooi, oshowo yakwawo yalwe. “Onkalo kutya opolisi otayi dhilaadhila kutya iilonga yawo okupula owala oshigwana opo shi gandje omauyelele ngoka taga vulu okutulitha miipandeko oonakulonga omiyonena ndhoka, nena otashi holola kutya oshipotha shoka otashi ka wayimina omusholondondo omule gwiipotha yomadhipago mbyoka inayi manithwa natango.
Smit okwa popi kutya oshi li oshinakugwanithwa shopolisi opo shi konaakone ihe haku kala owala ya tegelela omauyelele tage ya nuupu nokutula miipandeko aantu andola mboka taya adhika ye na oombele momake pehala lyiiningwanima.
Omunapaliamende ngoka okwa popi kutya okwa pumbwa okukatukwa oonkatu, na otaka ka ningila ominista yoshikondo shopolisi omapulaapulo.
Okwa popi kutya okwa kala oolopota miikundaneki kombinga yiipotha yiimbuluma mbyoka tayi kuthwa mo moompangululo omolwa omakonaakono gopolisi ga nkundipala nenge omapeko ngoka taga kana.
Opolisi oshiwike shika ya popi kutya kape na natango ngoka a tulwa miipandeko omolwa edhipago lyaCheryl, na oya tula po olupandu lyoshimaliwa shooN$100 000 kwaangoka taka gandja uuyelele tawu vulu okutulitha miipandeko oonakulonga nenge nakulonga oshimbuluma shoka.
ELLANIE SMIT
Comments
Namibian Sun
No comments have been left on this article