Oshipotha shuulingilingi shoB1 City shuundulilwa komeho
?
Oshipotha moka aanangeshefa yatatu taya tamanekelwa oshipotha shuulingilingi oshowo iikengelela, shi na sha ekwatathano nopoloyeka yeyambulepo lyoB1 City osha undulilwa komvula twa taalela.
Oshipotha shoka okwa tegelela shi ka kwatelwe komeho kOmupanguli mOmpangu yoPombanda, Christie Liebenberg okutameka momasiku 3 Juni 2019 sigo omasiku 19 gaJuli 2019. Omukalelipo gwepangelo moshipotha shoka, Ezekiel Iipinge oshowo aakalelipo yopaveta yoonakutamanekwa Slysken Makando, Kadhila Amoomo oshowo Silas Kishi Shakumu – oya tsu kumwe kombinga yesiku moka tamu tameka oshipotha shoka, mEtitatu lyoshiwike sha piti.
Oonakutamanekwa omukomeho nale gwoRoads Contractor Company (RCC), Kelly Nghixulifwa (58), Hafeni Nghinamwaami (50), oshowo Anna Ndoroma (49).
Esiku taku tamekithwa oshipotha shoka olya tothwa mo, konima sho momasiku 17 gaKotomba nuumvo ompangu ya ekelehi eindilo ndyoka lya ningwa kuNghixulifwa. Okwa li a hala ompangu yi gandje elombwelo opo epangelo li gandje uuyelele wiihwapo kutya RCC okwa li oshiputudhilo shepangelo, pethimbo kwa longwa uulingilingi mboka.
Mboka otaya tamanekelwa iipotha ngaashi uulingilingi, uufuthi oshowo eholeko lyoonzo dhiiyemo.
Mboka otaya tamanekelwa ekuthombinga lyawo muulingilingi shi na sha nopoloyeka yoRCC yoB1 City tayi adhika polwaamba noshipangelo shepangelo shaKatutura momvula yo 2005 no 2006.
RCC okwa li ta longele kumwe nehangano lyo/Ae //Gams Engineering.
Okwa hololwa kutya Nghixulifwa okwa li omuniipambuliko mo/Ae //Gams Engineering oshowo Cradle Investments, ihe okwa holeke uumwene we mboka nokuwu tula kedhina lyaNdoroma. Omanga omunambelewa omukuluntu gwoRCC, Nghixulifwa okwa pula iifuta okuza kehangano lyoRCC oshowo Cradle Investments shi na sha nopoloyeka ndjoka.
Elelo lyoRCC kalya li lya tseyithilwa ekuthombinga lyaNghixulifwa momahangano ngoka.
Ayehe mboka oye li pondje yondholongo koshimaliwa shooN$60 000.
David Imbili okwa li a mangululwa okuza kiipotha mbyoka.
Oshipotha moka aanangeshefa yatatu taya tamanekelwa oshipotha shuulingilingi oshowo iikengelela, shi na sha ekwatathano nopoloyeka yeyambulepo lyoB1 City osha undulilwa komvula twa taalela.
Oshipotha shoka okwa tegelela shi ka kwatelwe komeho kOmupanguli mOmpangu yoPombanda, Christie Liebenberg okutameka momasiku 3 Juni 2019 sigo omasiku 19 gaJuli 2019. Omukalelipo gwepangelo moshipotha shoka, Ezekiel Iipinge oshowo aakalelipo yopaveta yoonakutamanekwa Slysken Makando, Kadhila Amoomo oshowo Silas Kishi Shakumu – oya tsu kumwe kombinga yesiku moka tamu tameka oshipotha shoka, mEtitatu lyoshiwike sha piti.
Oonakutamanekwa omukomeho nale gwoRoads Contractor Company (RCC), Kelly Nghixulifwa (58), Hafeni Nghinamwaami (50), oshowo Anna Ndoroma (49).
Esiku taku tamekithwa oshipotha shoka olya tothwa mo, konima sho momasiku 17 gaKotomba nuumvo ompangu ya ekelehi eindilo ndyoka lya ningwa kuNghixulifwa. Okwa li a hala ompangu yi gandje elombwelo opo epangelo li gandje uuyelele wiihwapo kutya RCC okwa li oshiputudhilo shepangelo, pethimbo kwa longwa uulingilingi mboka.
Mboka otaya tamanekelwa iipotha ngaashi uulingilingi, uufuthi oshowo eholeko lyoonzo dhiiyemo.
Mboka otaya tamanekelwa ekuthombinga lyawo muulingilingi shi na sha nopoloyeka yoRCC yoB1 City tayi adhika polwaamba noshipangelo shepangelo shaKatutura momvula yo 2005 no 2006.
RCC okwa li ta longele kumwe nehangano lyo/Ae //Gams Engineering.
Okwa hololwa kutya Nghixulifwa okwa li omuniipambuliko mo/Ae //Gams Engineering oshowo Cradle Investments, ihe okwa holeke uumwene we mboka nokuwu tula kedhina lyaNdoroma. Omanga omunambelewa omukuluntu gwoRCC, Nghixulifwa okwa pula iifuta okuza kehangano lyoRCC oshowo Cradle Investments shi na sha nopoloyeka ndjoka.
Elelo lyoRCC kalya li lya tseyithilwa ekuthombinga lyaNghixulifwa momahangano ngoka.
Ayehe mboka oye li pondje yondholongo koshimaliwa shooN$60 000.
David Imbili okwa li a mangululwa okuza kiipotha mbyoka.
Comments
Namibian Sun
No comments have been left on this article