Oonyama dha kwewa dhomoondoha odha gamenwa
Uuministeli wuunamapya owa kutha po uumbanda omolwa oondya dhomoondoha dha longwa kehangano lyaSouth Afrika lyoEnterprise Foods kutya otashi vulika oondya ndhoka dha nika oshiponga sha etithwa ketukuko lyombakitelia yuuzigo wiikulya ndjoka ya tukuka moSouth Afrika.
Uuministeli owa popi okupitika momundohotolwa guundjolowele wiimuna, Dr Adrianatus Maseke, kutya iikulya mboka yomoondooha oya gamenwa okuza komukithi ngoka.
Uumbanda owa holoka moshigwana, sha landula sho ominista yuundjolowele nonkalonawa Bernard Haufiku, a tseyitha kutya omulumentu gwontumba gwomondoolopa yaTsumeb okwa taambelwa moshipangelo shaRoman Catholic, mOvenduka, a kwatwa komukithi ngoka, sha landula sho a li okamuhaka e ka landa moshilahite mondolopa ndjoka.
Haufiku okwa popi kutya iilongomwa yomahangano gaali gaSouth Afrika ngoka taga kwatakanithwa netukuko lyomukithi ngoka, nayi yandwe. Omahangano ngoka oga tumbulwa kutya Rainbow Chicken oshowo Enterprise Foods.
Momushangwa gwa pititha kuuministeli wonkalonawa, ngoka ta longo pehala lyamushanga muuministeli mboka, Petronella Masabane, okwa gandja omagwedhelelo opo oonyama ndhoka tadhi landithwa dha pya nale dhi yandwe.
Uuministeli owa popi kutya owa gandjwa elombwelo kaakonaakoni yawo opo ya kuthemo moostola oonyama dha longwa komahangano ngoka, onga omukalo gwokukeelela etaandeko lyomukithi ngoka.
Okwa gwedha po kutya aakokele, aanona naakiintu yeli momategelelo oshowo aantu ye na aakwiita yolutu ya nkundipala oyo unene ya taalela oshiponga shomukithi ngoka. Omadhidhiliko gomukithi, oshimvu, oshipwagagula, oontumba dholutu tadhi ehama oshowo epiyagano lyopamadhilaadhilo. Sho minista a tseyitha etukuko lyomikithi ngoka mEtiyali, oostola odhindji mOvenduka odha adhika nale dha kutha mo iilongomwa mbyoka moomalandithilo gawo.
Omupopiliko gwoshilando shaVenduka Scheifert Shigwedha okwa koleke kutya oshilando shawo otashi longele kumwe nuuministeli wuundjolowele opo ku yiwe moshipala onkalo ndjoka.
Okwa popi kutya otaya longele nale kumwe nuuministeli sha landula etukuko lyomukithi gwo hepatitis E na okushishi kutya omilandu dha faathana nelongelo kumwe otali ka tulwa miilonga,nopolisi yoshilando otayi ka kuthwa ombinga mokuungaunga naalandithi yomomapandanda.
JEMIMA BEUKES
Uuministeli owa popi okupitika momundohotolwa guundjolowele wiimuna, Dr Adrianatus Maseke, kutya iikulya mboka yomoondooha oya gamenwa okuza komukithi ngoka.
Uumbanda owa holoka moshigwana, sha landula sho ominista yuundjolowele nonkalonawa Bernard Haufiku, a tseyitha kutya omulumentu gwontumba gwomondoolopa yaTsumeb okwa taambelwa moshipangelo shaRoman Catholic, mOvenduka, a kwatwa komukithi ngoka, sha landula sho a li okamuhaka e ka landa moshilahite mondolopa ndjoka.
Haufiku okwa popi kutya iilongomwa yomahangano gaali gaSouth Afrika ngoka taga kwatakanithwa netukuko lyomukithi ngoka, nayi yandwe. Omahangano ngoka oga tumbulwa kutya Rainbow Chicken oshowo Enterprise Foods.
Momushangwa gwa pititha kuuministeli wonkalonawa, ngoka ta longo pehala lyamushanga muuministeli mboka, Petronella Masabane, okwa gandja omagwedhelelo opo oonyama ndhoka tadhi landithwa dha pya nale dhi yandwe.
Uuministeli owa popi kutya owa gandjwa elombwelo kaakonaakoni yawo opo ya kuthemo moostola oonyama dha longwa komahangano ngoka, onga omukalo gwokukeelela etaandeko lyomukithi ngoka.
Okwa gwedha po kutya aakokele, aanona naakiintu yeli momategelelo oshowo aantu ye na aakwiita yolutu ya nkundipala oyo unene ya taalela oshiponga shomukithi ngoka. Omadhidhiliko gomukithi, oshimvu, oshipwagagula, oontumba dholutu tadhi ehama oshowo epiyagano lyopamadhilaadhilo. Sho minista a tseyitha etukuko lyomikithi ngoka mEtiyali, oostola odhindji mOvenduka odha adhika nale dha kutha mo iilongomwa mbyoka moomalandithilo gawo.
Omupopiliko gwoshilando shaVenduka Scheifert Shigwedha okwa koleke kutya oshilando shawo otashi longele kumwe nuuministeli wuundjolowele opo ku yiwe moshipala onkalo ndjoka.
Okwa popi kutya otaya longele nale kumwe nuuministeli sha landula etukuko lyomukithi gwo hepatitis E na okushishi kutya omilandu dha faathana nelongelo kumwe otali ka tulwa miilonga,nopolisi yoshilando otayi ka kuthwa ombinga mokuungaunga naalandithi yomomapandanda.
JEMIMA BEUKES
Comments
Namibian Sun
No comments have been left on this article