Oohandimwe taya longo uulingilingi, haSwapo-Shaningwa
KENYA KAMBOWE
RUNDU
Amushanga-ndjai gwongundu yoSwapo, Sophia Shaningwa okwa popi kutya elongo lyuulingilingi koohandimwe, itashi ti kutya ongundu yoSwapo oyo tayi longo uulingilingi.
Shaningwa okwa popi kutya ongundu ihayi lombwele iilyo yawo yi yake na ihayi mono omauwanawa gasha okuza mwaamboka taya yaka.
Shaningwa okwa popi ngaaka pethimbo lyoshigongi shomahwahwameko gomahogololo sha ningilwa moRundu mOlyomakaya.
Swapo okwa taalela omalundilo guulingilingi ,mwa kwatelwa omapopyo kutya okwa mono uuwanawa moshikumungu shoFishrot.
Onkalo kutya ongundu otayi tsikile nokutuma iilyo yawo mbyoka ya monika oondjo nenge tayi pangulilwa iipotha yuulingilingi okupopitha oshigwana pethimbo lyiigongi, otashi ulike kutya ongundu itayi ningi omalunduluko gasha.
Shaningwa okwa popi kutya Swapo ota tsikile nokukondjitha uulingilingi naamboka otaya kutha ombinga otaya ka taalela ompangi.
Ongundu otayi ningi omahwahwameko gawo sho kwa taalelwa omahogololo momasiku 25 gomweedhi nguka.
Momwedhi Novemba omvula ya piti, ominista yuuyuki, Sacky Shanghala pamwe nominista yoohi noonzo dhomomeya, Bernardt Esau oya tulwa miipandeko omolwa etambulo lyoombumbo mepingakanitho lyegandjo lyookota dhokukwata oohi.
Aanapolotika mboka natango oyeli modholongo, konyala uule womvula yimwe.
Ombaanga Onene mOshilongo oBank of Namibia omwedhi gwa piti oya tengeneke kutya oshipotha shoFishrot oshili pongushu yoobiliyona 10.
Omvula ya piti, Ominista yelongo, Katrina Hanse-Himarwa okwiikutha miilonga konima sho a monika ondjo moshipotha shuulingilingi.
“Otu na okuungaunga naamboka taya longo uulingilingi. Ngele amushanga-ndjai ota longo uulingilingi, nena ungaunga namushanga-ndjai, ihe ino tya ongundu yoSwapo otayi longo uulingiingi.”
Shaningwa okwa popi woo kwaamboka taya nyana kutya ongundu kayi na shoka ya longa uule woomvula o 30 ya kala koshipundi. Okwa popi kutya mboka taya popi ngaaka oye na ondumbo na oya hala okukutha koshipundi ongundu tayi pangele.
[email protected]
RUNDU
Amushanga-ndjai gwongundu yoSwapo, Sophia Shaningwa okwa popi kutya elongo lyuulingilingi koohandimwe, itashi ti kutya ongundu yoSwapo oyo tayi longo uulingilingi.
Shaningwa okwa popi kutya ongundu ihayi lombwele iilyo yawo yi yake na ihayi mono omauwanawa gasha okuza mwaamboka taya yaka.
Shaningwa okwa popi ngaaka pethimbo lyoshigongi shomahwahwameko gomahogololo sha ningilwa moRundu mOlyomakaya.
Swapo okwa taalela omalundilo guulingilingi ,mwa kwatelwa omapopyo kutya okwa mono uuwanawa moshikumungu shoFishrot.
Onkalo kutya ongundu otayi tsikile nokutuma iilyo yawo mbyoka ya monika oondjo nenge tayi pangulilwa iipotha yuulingilingi okupopitha oshigwana pethimbo lyiigongi, otashi ulike kutya ongundu itayi ningi omalunduluko gasha.
Shaningwa okwa popi kutya Swapo ota tsikile nokukondjitha uulingilingi naamboka otaya kutha ombinga otaya ka taalela ompangi.
Ongundu otayi ningi omahwahwameko gawo sho kwa taalelwa omahogololo momasiku 25 gomweedhi nguka.
Momwedhi Novemba omvula ya piti, ominista yuuyuki, Sacky Shanghala pamwe nominista yoohi noonzo dhomomeya, Bernardt Esau oya tulwa miipandeko omolwa etambulo lyoombumbo mepingakanitho lyegandjo lyookota dhokukwata oohi.
Aanapolotika mboka natango oyeli modholongo, konyala uule womvula yimwe.
Ombaanga Onene mOshilongo oBank of Namibia omwedhi gwa piti oya tengeneke kutya oshipotha shoFishrot oshili pongushu yoobiliyona 10.
Omvula ya piti, Ominista yelongo, Katrina Hanse-Himarwa okwiikutha miilonga konima sho a monika ondjo moshipotha shuulingilingi.
“Otu na okuungaunga naamboka taya longo uulingilingi. Ngele amushanga-ndjai ota longo uulingilingi, nena ungaunga namushanga-ndjai, ihe ino tya ongundu yoSwapo otayi longo uulingiingi.”
Shaningwa okwa popi woo kwaamboka taya nyana kutya ongundu kayi na shoka ya longa uule woomvula o 30 ya kala koshipundi. Okwa popi kutya mboka taya popi ngaaka oye na ondumbo na oya hala okukutha koshipundi ongundu tayi pangele.
[email protected]
Comments
Namibian Sun
No comments have been left on this article