Omuprima a popile etsokumwe lyaNamibia naGermany
Omuprima Saara Kuugongelwa-Amadhila okwa popi kutya Namibia okwa kondja mokwaadha etsokumwe nepangelo lyaGermany oshowo egandjo lyombili lyopambelewa okuza kuGermany ndyoka lya tegelelwa okuningwa.
OMUTOOLINKUNDANA GWOMENI
Ø Oonakugumwa aniwa ya patelwa pondje
OVENDUKA
Omuprima okwa popi ngaaka momutumba gwopashigwana moka a lombwele iilyo yimwepo mbyoka yi wete kutya epangelo olya nwapo oshilongo mokuzimina shoka tashi gandjwa kuGermany. Okwa popi kutya etsokumwe ndyoka otali ulike oshilonga oshinene shoka sha longwa unene sho Germany a li a tindi okuzimina omadhipago ga kiinahenda ngoka ga ningilwa aakwashigwana yaNamibia.
Omuprima okwa ekelehi woo omapopyo kutya oonakugumwa komadhipago ngoka inaya kala ombinga yoonkundathana pokati kepangelo lyaNamibia oshowo ndyoka lyaGermany, ta popi kutya oonkambadhala odha ningwa ihe aakwashigwana yamwe po mboka oyali yahala okuningwa iinima yawo yene.
Okwa tsikile kutya omanga oonkudathana inadhi tameka, Omupresidende Hage Geingob okwa pula oonkundathana dhopauyuuki pethimbo a li a ningi omutumba momasiku 11 gaDecemba mEgumbo lyepangelo momvula yo 2015. Okwa li aniwa a pula oonakugumwa ayehe okuza kOvaherero/Ovambanderu Genocide Foundation oshowo Nama Traditional Authority Association/Technical Committee, ya kwatelwa komeho kuFestus Muundjua oshowo Idda Hoffman nOvaherero/Ovambanderu oshowo oNama Council for the Dialogue on 1904-1908 Genocide, ya kwatelwa komeho kuChief Gerson Katjirua opamwe nepangelo lyaNamibia kutya otaya ka ya moonkundana nepangelo lyaGermany omolwa omadhipago ga kiinahenda ngoka ga ningwa moomvula dhoGermany 1904-1908.
Omahangano agehe ngoka ogali ga pulwa opo ga gandje omadhina gaamboka taya ka kala oshitopolwa shoonkundathana.
Pokati komvula yo 2016 no 2021, okwa popi kutya okwa ningwa omitumba dha thika pomugoyi.
Sho a yamukula komapopyo gomuprima, amushanga gwoNudo Joseph Kauandenge okwa pula opo etsokumwe ndyoka Ii kuthwemo unene sho taku popiwa kutya oonakugumwa komadhipago ngoka oya kutha ombinga moonkundathana.
Okwa popi kutya AaNama nOvaherero ka ya li shi oshitopolwa shoonkundathana dhoka.
Sho a li a popi koprograma yoNamibian Sun, ‘Evening Review’ Ovaherero Paramount Chief Vekuii Rukoro okwa popi kutya egandjo lyobiliyona 1.1 oli li oshiyolithi oshinene kwaamboka ya gumwa komadhipago ngoka. Okwa popi kutya okutala komilandu dhevi moNamibia monena otashi ka kala oshidhigu yamone evi lyawo.
Rukoro naye okwa popi kutya epangelo olya hogolola oohandimwe opo ya ka kalelepo oshilongo moonkudathana dhoka noonakugumwa oyali ya patelwa pondje.
Ø Oonakugumwa aniwa ya patelwa pondje
OVENDUKA
Omuprima okwa popi ngaaka momutumba gwopashigwana moka a lombwele iilyo yimwepo mbyoka yi wete kutya epangelo olya nwapo oshilongo mokuzimina shoka tashi gandjwa kuGermany. Okwa popi kutya etsokumwe ndyoka otali ulike oshilonga oshinene shoka sha longwa unene sho Germany a li a tindi okuzimina omadhipago ga kiinahenda ngoka ga ningilwa aakwashigwana yaNamibia.
Omuprima okwa ekelehi woo omapopyo kutya oonakugumwa komadhipago ngoka inaya kala ombinga yoonkundathana pokati kepangelo lyaNamibia oshowo ndyoka lyaGermany, ta popi kutya oonkambadhala odha ningwa ihe aakwashigwana yamwe po mboka oyali yahala okuningwa iinima yawo yene.
Okwa tsikile kutya omanga oonkudathana inadhi tameka, Omupresidende Hage Geingob okwa pula oonkundathana dhopauyuuki pethimbo a li a ningi omutumba momasiku 11 gaDecemba mEgumbo lyepangelo momvula yo 2015. Okwa li aniwa a pula oonakugumwa ayehe okuza kOvaherero/Ovambanderu Genocide Foundation oshowo Nama Traditional Authority Association/Technical Committee, ya kwatelwa komeho kuFestus Muundjua oshowo Idda Hoffman nOvaherero/Ovambanderu oshowo oNama Council for the Dialogue on 1904-1908 Genocide, ya kwatelwa komeho kuChief Gerson Katjirua opamwe nepangelo lyaNamibia kutya otaya ka ya moonkundana nepangelo lyaGermany omolwa omadhipago ga kiinahenda ngoka ga ningwa moomvula dhoGermany 1904-1908.
Omahangano agehe ngoka ogali ga pulwa opo ga gandje omadhina gaamboka taya ka kala oshitopolwa shoonkundathana.
Pokati komvula yo 2016 no 2021, okwa popi kutya okwa ningwa omitumba dha thika pomugoyi.
Sho a yamukula komapopyo gomuprima, amushanga gwoNudo Joseph Kauandenge okwa pula opo etsokumwe ndyoka Ii kuthwemo unene sho taku popiwa kutya oonakugumwa komadhipago ngoka oya kutha ombinga moonkundathana.
Okwa popi kutya AaNama nOvaherero ka ya li shi oshitopolwa shoonkundathana dhoka.
Sho a li a popi koprograma yoNamibian Sun, ‘Evening Review’ Ovaherero Paramount Chief Vekuii Rukoro okwa popi kutya egandjo lyobiliyona 1.1 oli li oshiyolithi oshinene kwaamboka ya gumwa komadhipago ngoka. Okwa popi kutya okutala komilandu dhevi moNamibia monena otashi ka kala oshidhigu yamone evi lyawo.
Rukoro naye okwa popi kutya epangelo olya hogolola oohandimwe opo ya ka kalelepo oshilongo moonkudathana dhoka noonakugumwa oyali ya patelwa pondje.
Comments
Namibian Sun
No comments have been left on this article