Omuprima a patulula omuliko giipindi mOndangwa
Omuprima Saara Kuugongelwa-Amadhila, okwa popi kutya egameno olindji lyapitilila lyoongeshefa dhaNamibia ndhoka opo tadhi totwa otali etitha oshilongo shi ye pondje oompango dhomadhigathano dhopashigwana.
Okwa popi kutya aanangeshefa yomoshilongo aanduluki oya pumbwa okundalapatela oompito dhoka taya pewa kepangelo opo ya vule okutunga po omukumo moomgeshefa dhawo yo ya vule okukutha ombinga momathigathano gopaigwana.
Kuugongelwa-Amadhila okwa popi ngaaka pethimbo a patulula pambelewa Omauliko gIipindi mOndoolopa yaNdangwa ano Ondangwa Trade and Industrial Exhibition (OTIE), ngoka taga ningwa oshikando oshitimugoyi nuumvo. Omauliko ngoka oga ningwa pokati komasiku 29 gaApilili sigo ga 4 gaMei, koshi yoshipalanyolo 'Embracing economic growth through entrepreneurship'. Omuprima minista okwa popi kutya, epangelo otali tsikile nokuhwahwameka omilandu dhokuyambidhidha aanduluki yomoshilongo poompito dha yooloka. “Natu longitheni woo eyambidhidho ndyoka ta pewa kepangeo opo tu yambulepo ongushu yoongeshefa dhetu. Konima yesiloshisho lyeni okuza kepangelo, otatu pumbiwa komilandu dhopaigwana opo tu patulule ompito yomadhigathano dhamanguluka.”
“Ngele otwa tsikile nokugamena oongeshefa dhetu sigo aluhe nena otatu yi pondje oompango, niilongo yimwe otayi ka yamukula kegameno ndyoka nokutulamo oondjindikila opo iilongomwa yetu yi ye momalanditho gawo,” Kuugongelwa-Amadhila ta popi. Kuugongelwa-Amadhila okwa popi kutya onga oshilongo otwa pumbwa okukambadhala opo katu kale owala twiikolelela miindulukomwa mbyoka hayi zi pondje yoshilongo, ihe oshilongo nasho nashi yambulepo ondjele yiindulukomwa yawo mbyoka tayi vulu okutumwa momalanditho gopondje. Omuprima okwa gwedha po kutya omauliko giipindi nongeshefa oga ninga omukalo omuwanawa gwomayambulepo goongeshefa, oshowo okugandja ompito kaanangeshefa ya vule okuulika iipindi yawo.
Okwa popi kutya omauliko ngoka oga ningi woo ompito ombwaanawa yaanangeshefa ya kundathane nokupaathana omayele ga yooloka kombinga yoongeshefa. Okwa tsikile kutya iituthi yoludhi ndoka oya simana mekokeko lyeliko lyoshilongo paitopolwa oshowo okuyambulapo oongeshefa nokuhwahwameka omatumo giindulukomwa yomoshilongo pondje yoshilongo.
ILENI NANDJATO
Okwa popi kutya aanangeshefa yomoshilongo aanduluki oya pumbwa okundalapatela oompito dhoka taya pewa kepangelo opo ya vule okutunga po omukumo moomgeshefa dhawo yo ya vule okukutha ombinga momathigathano gopaigwana.
Kuugongelwa-Amadhila okwa popi ngaaka pethimbo a patulula pambelewa Omauliko gIipindi mOndoolopa yaNdangwa ano Ondangwa Trade and Industrial Exhibition (OTIE), ngoka taga ningwa oshikando oshitimugoyi nuumvo. Omauliko ngoka oga ningwa pokati komasiku 29 gaApilili sigo ga 4 gaMei, koshi yoshipalanyolo 'Embracing economic growth through entrepreneurship'. Omuprima minista okwa popi kutya, epangelo otali tsikile nokuhwahwameka omilandu dhokuyambidhidha aanduluki yomoshilongo poompito dha yooloka. “Natu longitheni woo eyambidhidho ndyoka ta pewa kepangeo opo tu yambulepo ongushu yoongeshefa dhetu. Konima yesiloshisho lyeni okuza kepangelo, otatu pumbiwa komilandu dhopaigwana opo tu patulule ompito yomadhigathano dhamanguluka.”
“Ngele otwa tsikile nokugamena oongeshefa dhetu sigo aluhe nena otatu yi pondje oompango, niilongo yimwe otayi ka yamukula kegameno ndyoka nokutulamo oondjindikila opo iilongomwa yetu yi ye momalanditho gawo,” Kuugongelwa-Amadhila ta popi. Kuugongelwa-Amadhila okwa popi kutya onga oshilongo otwa pumbwa okukambadhala opo katu kale owala twiikolelela miindulukomwa mbyoka hayi zi pondje yoshilongo, ihe oshilongo nasho nashi yambulepo ondjele yiindulukomwa yawo mbyoka tayi vulu okutumwa momalanditho gopondje. Omuprima okwa gwedha po kutya omauliko giipindi nongeshefa oga ninga omukalo omuwanawa gwomayambulepo goongeshefa, oshowo okugandja ompito kaanangeshefa ya vule okuulika iipindi yawo.
Okwa popi kutya omauliko ngoka oga ningi woo ompito ombwaanawa yaanangeshefa ya kundathane nokupaathana omayele ga yooloka kombinga yoongeshefa. Okwa tsikile kutya iituthi yoludhi ndoka oya simana mekokeko lyeliko lyoshilongo paitopolwa oshowo okuyambulapo oongeshefa nokuhwahwameka omatumo giindulukomwa yomoshilongo pondje yoshilongo.
ILENI NANDJATO
Comments
Namibian Sun
No comments have been left on this article