Omumbisofi Dumeni a gwanitha oomvula 90
Omumbisofi gwongeleka yaElcin e li moshipundi shevululuko okwa tyapulo evalo lye lyoomvula 90, poshituthi sha ningilwa mOngwediva monooli yoshilongo.
TUYEIMO HAIDULA
ONGWEDIVA
Omupresidende, Hage Geingob okuli gumwe gwomwaambyoka ya halele omayambeko Omumbisofi gwongeleka yoEvangelical Lutheran Church, e li moshipundi shevululuko Kleopas Dumeni pethimbo lyoshituthi tyapulo evalo lye lyoomvula 90, pegumbo lye mOngwediva mOshitopolwa shaShana mOlyomakaya.
Etumwalaka lyaGeingo olya leshwa pehala lye kOmukomeho gwoshipangeo shaOngwediva Medipark, Dr Tshali Iithete. omunyekadhi Monica Geingos naye okwa li poshituthi shoka.
Geingob okwa popi kutya Dumeni okuli kuume ke ngoka a kala aluhe puye pomathimbo ngoka akala e mu pumbwa.
Ngaashi Geingob, omukokoli presidende Sam Nujoma, omupresidende nale Hifikepunye Pohamba oshowo omupevi presidende, Nangolo Mbumba miipopiwa yawo ya leshwa kuIithete, oya tumbaleke iilonga yaDumeni oshowo oshilonga oshinene a longo pethimbo lyekondjelomanguluko.
Nujoma ina vula okuholeka enyanyu lye sho a ndanisa miipathi yaantu ya thika po 50, mboka ya kala poshituthi shoka, mokudhimbuluka elongo lyuudhiginini lyaDumeni mokweetitha emanguluko lyoshilongo.
“Kandi na omalimbiliko kutya aanyasha yoshilongo shika otaya ndalapatele emanguluko lyoshilongo shika, ndyoka lya monika okuza mekondjo lyoomvula odhindji komapenda ngaashi Dumeni,” Nujoma a popi.
Pohamba okwa popi kutya ota dhimbulukithwa ondjila ndjoka ya kuthwa kuDumeni onga omusita oshowo omumbisofi, sho a kutha ombinga moonkundathana naakolonyeki opo ya vule okugandja emanguluko kuNamibia.Aaaleli yamwe yopambepo ya kala poshituthi shoka ongaashi
Omumbisofi Veikko Munyika, Episcopus Emeritus Apollos Kaulinge oshowo Josaphat Shanghala. Dumeni okwa li pewa omagano gaanona yaheyali ihe yaali owala yeli po ngashiingeyi, Nampa oshowo Kondjai. Omukulukadhi gwe Aino, oye a kala ewawa lye lyokolulyo.
[email protected]
ONGWEDIVA
Omupresidende, Hage Geingob okuli gumwe gwomwaambyoka ya halele omayambeko Omumbisofi gwongeleka yoEvangelical Lutheran Church, e li moshipundi shevululuko Kleopas Dumeni pethimbo lyoshituthi tyapulo evalo lye lyoomvula 90, pegumbo lye mOngwediva mOshitopolwa shaShana mOlyomakaya.
Etumwalaka lyaGeingo olya leshwa pehala lye kOmukomeho gwoshipangeo shaOngwediva Medipark, Dr Tshali Iithete. omunyekadhi Monica Geingos naye okwa li poshituthi shoka.
Geingob okwa popi kutya Dumeni okuli kuume ke ngoka a kala aluhe puye pomathimbo ngoka akala e mu pumbwa.
Ngaashi Geingob, omukokoli presidende Sam Nujoma, omupresidende nale Hifikepunye Pohamba oshowo omupevi presidende, Nangolo Mbumba miipopiwa yawo ya leshwa kuIithete, oya tumbaleke iilonga yaDumeni oshowo oshilonga oshinene a longo pethimbo lyekondjelomanguluko.
Nujoma ina vula okuholeka enyanyu lye sho a ndanisa miipathi yaantu ya thika po 50, mboka ya kala poshituthi shoka, mokudhimbuluka elongo lyuudhiginini lyaDumeni mokweetitha emanguluko lyoshilongo.
“Kandi na omalimbiliko kutya aanyasha yoshilongo shika otaya ndalapatele emanguluko lyoshilongo shika, ndyoka lya monika okuza mekondjo lyoomvula odhindji komapenda ngaashi Dumeni,” Nujoma a popi.
Pohamba okwa popi kutya ota dhimbulukithwa ondjila ndjoka ya kuthwa kuDumeni onga omusita oshowo omumbisofi, sho a kutha ombinga moonkundathana naakolonyeki opo ya vule okugandja emanguluko kuNamibia.Aaaleli yamwe yopambepo ya kala poshituthi shoka ongaashi
Omumbisofi Veikko Munyika, Episcopus Emeritus Apollos Kaulinge oshowo Josaphat Shanghala. Dumeni okwa li pewa omagano gaanona yaheyali ihe yaali owala yeli po ngashiingeyi, Nampa oshowo Kondjai. Omukulukadhi gwe Aino, oye a kala ewawa lye lyokolulyo.
[email protected]
Comments
Namibian Sun
No comments have been left on this article