Ompango yuukoloni tayi kuthwa po
Otaku ningwa oompangela opo ompango yoAdministration Proclamation 15 yomomvula yo 1928 yi talululwe.
Shoka osha popiwa kuInge Zaamwani-Kamwi, omugandjimayele gwomupresidende miikumungu yopakontampango oshowo oshikondo shopaumwene, pethimbo a popi momutumba gwa ningwa komupresidende pamwe noshigwana mOmuthiya.
Kohi yoveta ndjoka, oondjokana adhihe ndhoka dha dhikilwa monooli otadhi uthwa dhi kale omaliko gatopoka nepangelo olya hala okulundulula oshinima shoka, konima sho sha hololwa pethimbo lyiigongi ya faaathana mbyoka ya ningwa momvula yo 2015.
Zaamwani-Kamwi okwa popi kutya ompango ndjoka otayi ka talululwa opo yi gandje uuthemba kaantu ya kale ye na ehogololo.
“Monena oondjokana adhihe ndhoka dha dhikilwa monooli yomusinda omutiligane odhomaliko ga topoka. Konima yiigongi yomomvula yo2015 otwa pulakene komaiyuvo geni na otwa tokola opo ompango ndjoka yi talululwe opo AaNamibia ayehe yapewe ompito yehogololo lyokuhokana omaliko geli mumwe nenge ga topoka,” Zaamwani-Kamwi a popi. “Mboka ya hokana nale na oya gumwa kompango ndjoka, mompango ompe otamu ka kala ethimbo ndyoka tali ka gandjwa opo mboka yahala okuninga omalunduluko ye shi ninge, naashoka otashi ka ningilwa moompangulilo dhamangestrata.”
Pethimbo ndyoka tali ka gandjwa, aahokanathani otaya ka vula okupewa onzapo yondjokana yimwe moka tamu ka shangwa ehogololo lyawo, naashoka otashi ka ningilwa owala mboka ya gumwa kompango ndjoka yi li miilonga ngashiingeyi.
Konima yiigongi yomomvula yo 2015, omupresidende okwa ningi ekwatathano noLaw Reform Development Commission (LRDC) na okwa ziminwa opo ompango ndjoka yi talululwe.
Oondjokana ndhoka dha ningilwa meni lyomusinda omutiligane odhi li omaliko geli mumwe ngele kape na okondalaka tayi ithanwa antenuptial contract.
Reihold Nabot okwa popi kutya okwa pandula omolwa omalunduluko ngoka taga ningwa, molwaashoka aantu mboka ye li kombanda yomusinda omutiligane na oya hala okuhokana omaliko geli mumwe, ohaya yi koTsumeb opo ya vule okuhokana.
ILENI NANDJATO
Shoka osha popiwa kuInge Zaamwani-Kamwi, omugandjimayele gwomupresidende miikumungu yopakontampango oshowo oshikondo shopaumwene, pethimbo a popi momutumba gwa ningwa komupresidende pamwe noshigwana mOmuthiya.
Kohi yoveta ndjoka, oondjokana adhihe ndhoka dha dhikilwa monooli otadhi uthwa dhi kale omaliko gatopoka nepangelo olya hala okulundulula oshinima shoka, konima sho sha hololwa pethimbo lyiigongi ya faaathana mbyoka ya ningwa momvula yo 2015.
Zaamwani-Kamwi okwa popi kutya ompango ndjoka otayi ka talululwa opo yi gandje uuthemba kaantu ya kale ye na ehogololo.
“Monena oondjokana adhihe ndhoka dha dhikilwa monooli yomusinda omutiligane odhomaliko ga topoka. Konima yiigongi yomomvula yo2015 otwa pulakene komaiyuvo geni na otwa tokola opo ompango ndjoka yi talululwe opo AaNamibia ayehe yapewe ompito yehogololo lyokuhokana omaliko geli mumwe nenge ga topoka,” Zaamwani-Kamwi a popi. “Mboka ya hokana nale na oya gumwa kompango ndjoka, mompango ompe otamu ka kala ethimbo ndyoka tali ka gandjwa opo mboka yahala okuninga omalunduluko ye shi ninge, naashoka otashi ka ningilwa moompangulilo dhamangestrata.”
Pethimbo ndyoka tali ka gandjwa, aahokanathani otaya ka vula okupewa onzapo yondjokana yimwe moka tamu ka shangwa ehogololo lyawo, naashoka otashi ka ningilwa owala mboka ya gumwa kompango ndjoka yi li miilonga ngashiingeyi.
Konima yiigongi yomomvula yo 2015, omupresidende okwa ningi ekwatathano noLaw Reform Development Commission (LRDC) na okwa ziminwa opo ompango ndjoka yi talululwe.
Oondjokana ndhoka dha ningilwa meni lyomusinda omutiligane odhi li omaliko geli mumwe ngele kape na okondalaka tayi ithanwa antenuptial contract.
Reihold Nabot okwa popi kutya okwa pandula omolwa omalunduluko ngoka taga ningwa, molwaashoka aantu mboka ye li kombanda yomusinda omutiligane na oya hala okuhokana omaliko geli mumwe, ohaya yi koTsumeb opo ya vule okuhokana.
ILENI NANDJATO
Comments
Namibian Sun
No comments have been left on this article