Omina yokawe yaElizabeth Bay otayi pata
Iilonga momina yaNamdeb moshitayi shaElizabeth Bay shoka sha Ii sha tulwa momalanditho petameko lyomvula ndjika tu li oya hulithwa po.
Omina ndjoka oyi na aaniilonga ya thika po 250 na ohayi fulu okawe koocarats dha thika po 200 000 komvula.
Omupresidende gwoMineworkers Union of Namibia (MUN) Desley Somseb okwa popi kutya aaniilonga oya tseyithilwa kutya iilonga yomina ndjoka otayi hulu, nomina otayi ka kala owala tayi silwa oshisho.
Nonando ngaaka Somseb okwa popi kutya oye na omukumo kutya otaku ka monika omulandi mbala gwomina ndjoka. Namdeb okwa li a popi monakuziwa kutya otaka pata omina ndjoka ngele inaku monika omulandi, ta popi kutya otashi pula ehangano iimaliwa oyindji okukaleka omina ndjoka tayi longo.
Omupopiliko gwaNamdeb Pauline Thomas okwa popi kutya iilonga momina ndjoka natango otayi pula komeho.
“Omina yaElizabeth Bay inayi pata. Onga oshitopolwa shelanditho lyomina ndjoka nonando ombaanga yaStandard Bank, oya holola ohokwe noonkatu dhelanditho otadhi pula komeho,” Thomas a holola.
Thomas ina yamukula komapulo ga gwedhwa po ngoka a tuminwa koshifokundaneki shoNamibian Sun.
Esiku lyahugunina lyokuulika ohokwe melando po lyomina ndjoka olya li omasiku 13 gaApilili nuumvo.
“Ngele inaku monika omulandi gwomina yaElizabeth Bay nena otatu pula komeho nokupata omina ndjoka. Otu na oomina odhindji ndhoka tatu longele nomina yaElizabeth Bay hayo oshilalakanenwa shotango kuNamdeb pethimbo ndika,” Thomas a li a popi nale. Omina ndjoka oya li nale natango ya tulwa monkalo yesiloshipwiyu momvula yo 2009 omolwa ompumbwe yoshimaliwa momvula ndjoka, nonando iilonga oya tameke ishewe momvula yo 2011.
Sha landula sho iilonga ya tameke ishewe okwa li kwa tengenekwa yi na onkalamwenyo yoomvula ne sigo omomvula yo 2014, ihe opoloyeka yiilonga ndjoka oya li ya gwedhelwa nokulelepekwa sigo okomvula yo 2019.
Kakele komina yaElizabeth Bay, omina yaDaberas nayo otayi pata okuya pehulilo lyomvula yo 2019, omanga omina yaSendelingsdrift tayi hulitha po iilonga momvula yo 2020 omanga omina onene yaNamdeb yaSouthern Coastal, kwa tegelelwa yi edhile omiyelo nokuhulitha po iilonga momvula yo 2022.
OGONE TLHAGE
Omupresidende gwoMineworkers Union of Namibia (MUN) Desley Somseb okwa popi kutya aaniilonga oya tseyithilwa kutya iilonga yomina ndjoka otayi hulu, nomina otayi ka kala owala tayi silwa oshisho.
Nonando ngaaka Somseb okwa popi kutya oye na omukumo kutya otaku ka monika omulandi mbala gwomina ndjoka. Namdeb okwa li a popi monakuziwa kutya otaka pata omina ndjoka ngele inaku monika omulandi, ta popi kutya otashi pula ehangano iimaliwa oyindji okukaleka omina ndjoka tayi longo.
Omupopiliko gwaNamdeb Pauline Thomas okwa popi kutya iilonga momina ndjoka natango otayi pula komeho.
“Omina yaElizabeth Bay inayi pata. Onga oshitopolwa shelanditho lyomina ndjoka nonando ombaanga yaStandard Bank, oya holola ohokwe noonkatu dhelanditho otadhi pula komeho,” Thomas a holola.
Thomas ina yamukula komapulo ga gwedhwa po ngoka a tuminwa koshifokundaneki shoNamibian Sun.
Esiku lyahugunina lyokuulika ohokwe melando po lyomina ndjoka olya li omasiku 13 gaApilili nuumvo.
“Ngele inaku monika omulandi gwomina yaElizabeth Bay nena otatu pula komeho nokupata omina ndjoka. Otu na oomina odhindji ndhoka tatu longele nomina yaElizabeth Bay hayo oshilalakanenwa shotango kuNamdeb pethimbo ndika,” Thomas a li a popi nale. Omina ndjoka oya li nale natango ya tulwa monkalo yesiloshipwiyu momvula yo 2009 omolwa ompumbwe yoshimaliwa momvula ndjoka, nonando iilonga oya tameke ishewe momvula yo 2011.
Sha landula sho iilonga ya tameke ishewe okwa li kwa tengenekwa yi na onkalamwenyo yoomvula ne sigo omomvula yo 2014, ihe opoloyeka yiilonga ndjoka oya li ya gwedhelwa nokulelepekwa sigo okomvula yo 2019.
Kakele komina yaElizabeth Bay, omina yaDaberas nayo otayi pata okuya pehulilo lyomvula yo 2019, omanga omina yaSendelingsdrift tayi hulitha po iilonga momvula yo 2020 omanga omina onene yaNamdeb yaSouthern Coastal, kwa tegelelwa yi edhile omiyelo nokuhulitha po iilonga momvula yo 2022.
OGONE TLHAGE
Comments
Namibian Sun
No comments have been left on this article