Omahahwameko gomauliko gaNdangwa ga gongele N$500 000
Oshituthi sha nuninwa okugongela iimaliwa yomalongekidho gomauliko giipindi omatihetatu mondoolopa yaNdangwa, osha gongele konyala N$500 000.
Nuumvo omauliko giipindi mOndangwa otaga ningwa okutameka momasiku 27 gaApilili sigo omasiku gatano gaMei, kohi yoshipalanyolo 'Endalapatelo lyeyambulpo lyeliko okupitila muunangeshefa'
Ombaanga yoFNB Namibia oya gandja omwaalu gwoshimaliwa gu li pombanda, sho ya gandja ooN$60 000, ya landulwa koEmirates Construction ngoka a gandja ooN$50 000 nehangano lyoMTC olya gandja oshimaliwa shooN$30 000. Omwaalu aguhe kumwe ngoka gwa gandjwa ooN$485 300.
Oshituthi shegongelo lyiimaliwa mbyoka osha kaliwa kOminista Netumbo Nandi-Ndaitwah, oshowo Ominista Peya Mushelenga nOmupeha Minista gwIikwamina, Kornelia Shilunga.
Nandi-Ndaitwah, ngoka a li omupopi a simana okwa pandula ondoolopa yaNdangwa, omolwa oonkambdhala ndhoka tayi ningi mokuyambulapo ondoolopa unene kombinga yokunana aapunguli.
Kombinga yomauliko, Nandi-Ndaitwah okwa popi kutya ondoolopa otayi toto omukalo nompito tayi longithwa koongeshefa opo dhi vule okuulika iilongomwa yawo oshowo omayakulo, nokutulapo woo ekwathano ewanawa lyopangeshefa.
Nandi-Ndaitwah okwa tsu woo omuthindo keetepo lyomaliko oshowo okuyambulapo eliko lyoshilongo, ta popi kutya shoka otashi hwahwameke etotepo lyoompito dhiilonga oshowo okutidhila kokule oluhepo.
Omunambelewa Omukuluntu gwondoolopa yaNdangwa, Ismael Namgongo okwa popi kutya omauliko oga nuninwa okugongelela ondoolopa iimaliwa nokutotapo ompito yaanangehefa ya vule okuulika iipindi yawo, nokunana woo aapunguli mondoolopa.
Ngoloneya gwoshitpolwa shaShana, Clemens Kashuupulwa, okwa popi kutya okwa pandula elelo lyondoolopa yaNdangwa, moonkambadhala kehe ndhoka tali ningi opo li yambulepo ondoolopa nokunana aapunguli.
Okwa popi kutya aanyani yopolotika mboka taya popi kutya ondoolopa yaNdangwa otayi gu pevi, otaya pewa omatompelo ga yooloka, omolwa oonkambadhala ndhoka tadhi ningwa kelelo lyondoolopa.
“Otandi kala aluhe ndina einekelo melelo lyondoolopa yaNdangwa oshowo aakalimo yawo omolwa owino yawo mokuyambulapo nokweendelelitha omayambulepo mondoolopa, nokuteya omukumo mboka taya popi kutya ondoolopa ndjika otayi tekapo,” Kashuupulwa a popi.
KENYA KAMBOWE
Ombaanga yoFNB Namibia oya gandja omwaalu gwoshimaliwa gu li pombanda, sho ya gandja ooN$60 000, ya landulwa koEmirates Construction ngoka a gandja ooN$50 000 nehangano lyoMTC olya gandja oshimaliwa shooN$30 000. Omwaalu aguhe kumwe ngoka gwa gandjwa ooN$485 300.
Oshituthi shegongelo lyiimaliwa mbyoka osha kaliwa kOminista Netumbo Nandi-Ndaitwah, oshowo Ominista Peya Mushelenga nOmupeha Minista gwIikwamina, Kornelia Shilunga.
Nandi-Ndaitwah, ngoka a li omupopi a simana okwa pandula ondoolopa yaNdangwa, omolwa oonkambdhala ndhoka tayi ningi mokuyambulapo ondoolopa unene kombinga yokunana aapunguli.
Kombinga yomauliko, Nandi-Ndaitwah okwa popi kutya ondoolopa otayi toto omukalo nompito tayi longithwa koongeshefa opo dhi vule okuulika iilongomwa yawo oshowo omayakulo, nokutulapo woo ekwathano ewanawa lyopangeshefa.
Nandi-Ndaitwah okwa tsu woo omuthindo keetepo lyomaliko oshowo okuyambulapo eliko lyoshilongo, ta popi kutya shoka otashi hwahwameke etotepo lyoompito dhiilonga oshowo okutidhila kokule oluhepo.
Omunambelewa Omukuluntu gwondoolopa yaNdangwa, Ismael Namgongo okwa popi kutya omauliko oga nuninwa okugongelela ondoolopa iimaliwa nokutotapo ompito yaanangehefa ya vule okuulika iipindi yawo, nokunana woo aapunguli mondoolopa.
Ngoloneya gwoshitpolwa shaShana, Clemens Kashuupulwa, okwa popi kutya okwa pandula elelo lyondoolopa yaNdangwa, moonkambadhala kehe ndhoka tali ningi opo li yambulepo ondoolopa nokunana aapunguli.
Okwa popi kutya aanyani yopolotika mboka taya popi kutya ondoolopa yaNdangwa otayi gu pevi, otaya pewa omatompelo ga yooloka, omolwa oonkambadhala ndhoka tadhi ningwa kelelo lyondoolopa.
“Otandi kala aluhe ndina einekelo melelo lyondoolopa yaNdangwa oshowo aakalimo yawo omolwa owino yawo mokuyambulapo nokweendelelitha omayambulepo mondoolopa, nokuteya omukumo mboka taya popi kutya ondoolopa ndjika otayi tekapo,” Kashuupulwa a popi.
KENYA KAMBOWE
Comments
Namibian Sun
No comments have been left on this article