Okanona ka kana konima sho ka ponokelwa kongandu
KENYA KAMBOWE
RUNDU
Okwa lopotwa okanona ka kana moshitpolwa shaKavango East, konima sho ka ponokelwa kongandu omanga kayi ka ka teke omeya nayinakulu mOmulonga gwaKavango.
Oshili oshiponokela oshititatu sha lopotwa moshitopolwa shaKavango East omwedhi nguka. Oshiningwanima osha ningwa potundi onti 19:00 momukunda Bagani moshikandjohogololo Mukwe.
Pethimbo onkundana ndjika ya kanyanyangidhwa, opolisi natango oyali molukongo lwolutu lwokanona hoka, pahapu dhakomanda gwopolisi moshitopolwa shoka, Johanna Ngondo.
Kuyele omwedhi nguka, olutu lwomukokele olwa adhika lwa kangalala kombanda yomeya momulonga momukunda Shitemo moshikandjohogololo Ndonga Linena. Otaku hokololwa kutya omukokele ngoka okwa ali a monika taka tala omeya na okwa ponokelwa kongandu.
Momaandaha goshiwike sha piti, olutu lwomunamimvo 31 omukiintu, a dhimbululwa kutya oMonica Mayenga Shighongo, olwa adhika momukunda Rudhiva moshikandjohogololo Mukwe.
Miipotha ayihe omalutu ngoka oga adhika ga lumatwa.
Omaponokelo ogendji ngoka otaga ningwa pethimbo aantu taya yi yaka teke omeya gawo gokulongitha momagumbo, onkalo ndjoka tayi hwahwamekwa kompumbwe yomeya miitopolwa yaKavango.
RUNDU
Okwa lopotwa okanona ka kana moshitpolwa shaKavango East, konima sho ka ponokelwa kongandu omanga kayi ka ka teke omeya nayinakulu mOmulonga gwaKavango.
Oshili oshiponokela oshititatu sha lopotwa moshitopolwa shaKavango East omwedhi nguka. Oshiningwanima osha ningwa potundi onti 19:00 momukunda Bagani moshikandjohogololo Mukwe.
Pethimbo onkundana ndjika ya kanyanyangidhwa, opolisi natango oyali molukongo lwolutu lwokanona hoka, pahapu dhakomanda gwopolisi moshitopolwa shoka, Johanna Ngondo.
Kuyele omwedhi nguka, olutu lwomukokele olwa adhika lwa kangalala kombanda yomeya momulonga momukunda Shitemo moshikandjohogololo Ndonga Linena. Otaku hokololwa kutya omukokele ngoka okwa ali a monika taka tala omeya na okwa ponokelwa kongandu.
Momaandaha goshiwike sha piti, olutu lwomunamimvo 31 omukiintu, a dhimbululwa kutya oMonica Mayenga Shighongo, olwa adhika momukunda Rudhiva moshikandjohogololo Mukwe.
Miipotha ayihe omalutu ngoka oga adhika ga lumatwa.
Omaponokelo ogendji ngoka otaga ningwa pethimbo aantu taya yi yaka teke omeya gawo gokulongitha momagumbo, onkalo ndjoka tayi hwahwamekwa kompumbwe yomeya miitopolwa yaKavango.
Comments
Namibian Sun
No comments have been left on this article