Ocovid-19 ya etitha endopo enene mOshana
TUNOHOLE MUNGOBA
OSHAKATI
Oshitopolwa shaShana oshe shi pondola owala okupita aanaskola 504 okuza maanaskola 2 812 mekonaakono lyondondo onti 12 momvula yo 2020. Omukomeho gwelongo moshitopolwa shoka Hileni Amukana okwa popi kutya osheetithi oshinene shiizemo yi li pevi etukuko lyombuto yo Covid-19.
“Moshitopolwa shetu aanaskola oya mono iihuna, oyali moomaikalekelo na inaku gandjwa lela ootundi unene. Shoka osho sha etitha ondjele yepito yili pevi ihe hamoshitopolwa shaShana owala ihe konyala miitopolwa oyindji. Omulandu gwelongo ogwa thiminikwa okupula komeho nokutaambako konyala aanaskola ayehe,” Amukana a popi.
Momiyalu moka omwa kwatelwa woo aanaskola mboka ya ningi omategelelo momvula ye o 2020 yeli 297.
Amukana okwa popi kutya omiyalu dhoka otadhi limbilike noonkondo na otashi pelwa ombedhi aanaskola sho ya tumwa komagumbo pethimbo sho oshilongo shali sha patwa.
“Ompumbwe ye yambidhidho lyaakuluntu oshimwe woo tashi etitha uupyakadhi. Sho aanaskola taya tumwa komagumbo nokwiikalekelwa, yo yakale andola yiipyakidhila nomailongo gawo, aavali otaye ya tumu ya kalonge omapya. Omaupyakadhi ngoka gopankalathano moshitopolwa shetu ogo taga etitha uupyakadhi.”
Kiizemo yondondo onti 11 yomo 2020 ndyoka olya li ekonaakono lyotango moshilongo ashihe omolwa omusindalongo omupe gwoNamibian Senior Secondary Certificate Advanced Subsidiary (NSSCAS) ngoka gwa tulwa miilonga.
Monena ooskola owala heyali moshitopolwa shaShana tadhi gandja ondondo yoNSSCAS mooskola 147.
Osekundoskola yaGabriel Taapopi mOngwediva oye shi pondola okupita noopresenda 77.10 mondondo onti 11 na oyo yili ponomola yotango moshitopolwa ya landulwa koMauritz Devenish Private School noopresenda 66.67 oshowo Liberty Heritage Private School mOngwediva nondjele yoopresenda 75.
Kapolo Combined School mOmpundja oya mono ondjele yepito yo 0%.
“Otatu longo nuudhiginini tatu tala kooskola ngaashi Kapolo opo tu gandje omayambidhidho taga pumbiwa. Ngashiingeyi ngame nongundu yandje otatu ningi omakonaakono gomayambidhidho mooskola dhoka nelalakano okunkondopeka omatalelepo gooskola.
Aalongi oya pumbwa okuuvako kutya opo omunaskola a ninge nawa mondondo onti 11 okwa pumbwa okulongekidhwa okuza mondondo onti 10.”
Omiyalu ndhoka odha holola kutya omaupyakadhi ngaashi ondjele yili pombanda yetaandelo lyoCovid-19 mooskola dhoka dhi na omihandjo, ompumbwe yiikwathitho lyomakwatathano gopashinanena opo yi kwathele melongo pethimbo lyepato lyoshilongo oshowo omwaalu guli pombanda gwaanaskola mootundi.
OSHAKATI
Oshitopolwa shaShana oshe shi pondola owala okupita aanaskola 504 okuza maanaskola 2 812 mekonaakono lyondondo onti 12 momvula yo 2020. Omukomeho gwelongo moshitopolwa shoka Hileni Amukana okwa popi kutya osheetithi oshinene shiizemo yi li pevi etukuko lyombuto yo Covid-19.
“Moshitopolwa shetu aanaskola oya mono iihuna, oyali moomaikalekelo na inaku gandjwa lela ootundi unene. Shoka osho sha etitha ondjele yepito yili pevi ihe hamoshitopolwa shaShana owala ihe konyala miitopolwa oyindji. Omulandu gwelongo ogwa thiminikwa okupula komeho nokutaambako konyala aanaskola ayehe,” Amukana a popi.
Momiyalu moka omwa kwatelwa woo aanaskola mboka ya ningi omategelelo momvula ye o 2020 yeli 297.
Amukana okwa popi kutya omiyalu dhoka otadhi limbilike noonkondo na otashi pelwa ombedhi aanaskola sho ya tumwa komagumbo pethimbo sho oshilongo shali sha patwa.
“Ompumbwe ye yambidhidho lyaakuluntu oshimwe woo tashi etitha uupyakadhi. Sho aanaskola taya tumwa komagumbo nokwiikalekelwa, yo yakale andola yiipyakidhila nomailongo gawo, aavali otaye ya tumu ya kalonge omapya. Omaupyakadhi ngoka gopankalathano moshitopolwa shetu ogo taga etitha uupyakadhi.”
Kiizemo yondondo onti 11 yomo 2020 ndyoka olya li ekonaakono lyotango moshilongo ashihe omolwa omusindalongo omupe gwoNamibian Senior Secondary Certificate Advanced Subsidiary (NSSCAS) ngoka gwa tulwa miilonga.
Monena ooskola owala heyali moshitopolwa shaShana tadhi gandja ondondo yoNSSCAS mooskola 147.
Osekundoskola yaGabriel Taapopi mOngwediva oye shi pondola okupita noopresenda 77.10 mondondo onti 11 na oyo yili ponomola yotango moshitopolwa ya landulwa koMauritz Devenish Private School noopresenda 66.67 oshowo Liberty Heritage Private School mOngwediva nondjele yoopresenda 75.
Kapolo Combined School mOmpundja oya mono ondjele yepito yo 0%.
“Otatu longo nuudhiginini tatu tala kooskola ngaashi Kapolo opo tu gandje omayambidhidho taga pumbiwa. Ngashiingeyi ngame nongundu yandje otatu ningi omakonaakono gomayambidhidho mooskola dhoka nelalakano okunkondopeka omatalelepo gooskola.
Aalongi oya pumbwa okuuvako kutya opo omunaskola a ninge nawa mondondo onti 11 okwa pumbwa okulongekidhwa okuza mondondo onti 10.”
Omiyalu ndhoka odha holola kutya omaupyakadhi ngaashi ondjele yili pombanda yetaandelo lyoCovid-19 mooskola dhoka dhi na omihandjo, ompumbwe yiikwathitho lyomakwatathano gopashinanena opo yi kwathele melongo pethimbo lyepato lyoshilongo oshowo omwaalu guli pombanda gwaanaskola mootundi.
Comments
Namibian Sun
No comments have been left on this article