Nuwe skool op Stampriet
Roots Gimnasium is 'n nuwe skool wat op Stampriet geopen word met die strewe om aan leerlinge holistiese opvoeding met hoë akademiese standaarde te bied.
Monique Adams
Die suide van die land gons oor die opening van 'n nuwe skool. Die stigter van die Roots-projek, mnr. Johan Rieckert, sê hulle het die projek begin om 'n multikulturele, moderne skool in dié deel van die land te bou.
“In 2019 is ons deur die raadvoorsitter van 'n plaaslike skool genader om te oorweeg om die skool oor te koop, maar die skool het besluit om eerder hul eie etos, kleure en naam op te bou, eerder as om uit die staanspoor deel van die Curro-groep te word,” het Rieckert gesê.
Ná heelwat belangstelling in die gemeenskap om steeds met die projek voort te gaan, is die besluit geneem om Roots Gimnasium te begin wat op dieselfde profielvorm as Windhoek Gimnasium bedryf sal word.
Die Roots-projek beoog onder meer om landbou in Namibië deur onderwys te laat groei. Die naam 'Roots' kom van die groep se droom om steeds in Namibië gewortel te bly deur die land se grond te gebruik om tot voedselsekuriteit by te dra.
“Ons wil aan sterk karakters vir ons kinders bou en hulle help om nie net hul horison te verbreed nie, maar hulle met die nodige vaardighede te bemagtig sodat hulle 'n positiewe impak op die land en die wêreld kan hê,” het Rieckert gesê.
Die skool sal wegspring met klasse vanaf preprimêr tot graad 7, met graad 7-leerlinge wat die moontlikheid sal hê om by Windhoek Gimnasium se aanlyn skool aan te sluit en steeds aan die buitemuurse aktiwiteite van Roots Gimnasium deel te neem.
Die skool sal die Namibiese Nasionale Senior Sekondêre Sertifikaat sillabus met AS-vlak in graad 12 volg, wat internasionaal geakkrediteer sal word.
Die skool sal amptelik sy deure op 27 Januarie 2021 oopmaak.
Rieckert sê die mikpunt is om 'n atmosfeer van opgewondenheid vir onderwys te kweek deur 'n veilige en stimulerende leeromgewing te skep wat wedersydse ondersteuning en aanmoediging bied.
“Roots Gimnasium wil graag 'n Namibiese skool bou waar leerlinge, ouers en die beste opgeleide en gekwalifiseerde personeel as 'n familie kan saamwerk om die hoogste moontlike standaarde vir onderwys te skep.”
HOLISTIESE BENADERING
Die skool wil graag elke leerling help om hul volle potensiaal te bereik deur die ontwikkeling van hul karakter, brein, liggaam en gees, persoonlike, akademiese en fisieke groei en intellektuele stimulering.
“Ons begin met agt onderwysers en sal ons personeel uitbrei namate die aantal leerlinge groei. Ons het ook reeds die uitgetrede Namibiese rugbykaptein Jacques Burger as ons direkteur van rugby aangestel,” sê Rieckert.
DIE WAARDE VAN TAAL
Roots Gimnasium plaas groot klem op taalvaardighede. Op die junior primêre vlak (graad 1 tot 3) sal leerlinge kan kies om in Afrikaans of Engels skool te gaan.
Vir diegene wat Engels verkies, sal Afrikaans Tweede Taal as 'n verpligte vak bygevoeg word. Dieselfde sal geld vir die leerlinge wat in Afrikaans onderrig sal word, met Engels Tweede Taal as verpligte vak.
Engels as medium vir onderrig sal stelselmatig vanaf graad 4 ingebring word om seker te maak die oorgang wanneer leerlinge hoërskool toe aanbeweeg, bied nie enige probleme nie.
Rieckert spreek die hoop uit dat die skool sal aanhou groei in die volgende vyf jaar en dat meer en meer gekwalifiseerde personeel en leerlinge by die skool se familie sal aansluit.
“Dieselfde standaarde vir akademiese studies, sport en kultuur soos wat tans by Windhoek Gimnasium gehandhaaf word, sal by Roots Gimnasium ook prioriteit geniet. Ons is opgewonde vir die skool se toekoms en groei,” sê Rieckert.
Die suide van die land gons oor die opening van 'n nuwe skool. Die stigter van die Roots-projek, mnr. Johan Rieckert, sê hulle het die projek begin om 'n multikulturele, moderne skool in dié deel van die land te bou.
“In 2019 is ons deur die raadvoorsitter van 'n plaaslike skool genader om te oorweeg om die skool oor te koop, maar die skool het besluit om eerder hul eie etos, kleure en naam op te bou, eerder as om uit die staanspoor deel van die Curro-groep te word,” het Rieckert gesê.
Ná heelwat belangstelling in die gemeenskap om steeds met die projek voort te gaan, is die besluit geneem om Roots Gimnasium te begin wat op dieselfde profielvorm as Windhoek Gimnasium bedryf sal word.
Die Roots-projek beoog onder meer om landbou in Namibië deur onderwys te laat groei. Die naam 'Roots' kom van die groep se droom om steeds in Namibië gewortel te bly deur die land se grond te gebruik om tot voedselsekuriteit by te dra.
“Ons wil aan sterk karakters vir ons kinders bou en hulle help om nie net hul horison te verbreed nie, maar hulle met die nodige vaardighede te bemagtig sodat hulle 'n positiewe impak op die land en die wêreld kan hê,” het Rieckert gesê.
Die skool sal wegspring met klasse vanaf preprimêr tot graad 7, met graad 7-leerlinge wat die moontlikheid sal hê om by Windhoek Gimnasium se aanlyn skool aan te sluit en steeds aan die buitemuurse aktiwiteite van Roots Gimnasium deel te neem.
Die skool sal die Namibiese Nasionale Senior Sekondêre Sertifikaat sillabus met AS-vlak in graad 12 volg, wat internasionaal geakkrediteer sal word.
Die skool sal amptelik sy deure op 27 Januarie 2021 oopmaak.
Rieckert sê die mikpunt is om 'n atmosfeer van opgewondenheid vir onderwys te kweek deur 'n veilige en stimulerende leeromgewing te skep wat wedersydse ondersteuning en aanmoediging bied.
“Roots Gimnasium wil graag 'n Namibiese skool bou waar leerlinge, ouers en die beste opgeleide en gekwalifiseerde personeel as 'n familie kan saamwerk om die hoogste moontlike standaarde vir onderwys te skep.”
HOLISTIESE BENADERING
Die skool wil graag elke leerling help om hul volle potensiaal te bereik deur die ontwikkeling van hul karakter, brein, liggaam en gees, persoonlike, akademiese en fisieke groei en intellektuele stimulering.
“Ons begin met agt onderwysers en sal ons personeel uitbrei namate die aantal leerlinge groei. Ons het ook reeds die uitgetrede Namibiese rugbykaptein Jacques Burger as ons direkteur van rugby aangestel,” sê Rieckert.
DIE WAARDE VAN TAAL
Roots Gimnasium plaas groot klem op taalvaardighede. Op die junior primêre vlak (graad 1 tot 3) sal leerlinge kan kies om in Afrikaans of Engels skool te gaan.
Vir diegene wat Engels verkies, sal Afrikaans Tweede Taal as 'n verpligte vak bygevoeg word. Dieselfde sal geld vir die leerlinge wat in Afrikaans onderrig sal word, met Engels Tweede Taal as verpligte vak.
Engels as medium vir onderrig sal stelselmatig vanaf graad 4 ingebring word om seker te maak die oorgang wanneer leerlinge hoërskool toe aanbeweeg, bied nie enige probleme nie.
Rieckert spreek die hoop uit dat die skool sal aanhou groei in die volgende vyf jaar en dat meer en meer gekwalifiseerde personeel en leerlinge by die skool se familie sal aansluit.
“Dieselfde standaarde vir akademiese studies, sport en kultuur soos wat tans by Windhoek Gimnasium gehandhaaf word, sal by Roots Gimnasium ook prioriteit geniet. Ons is opgewonde vir die skool se toekoms en groei,” sê Rieckert.
Comments
Namibian Sun
No comments have been left on this article