Mariental-biblioteek gee mag aan jong meisies
Tien meisies voltooi mentorskapprogram
Mariselle Stofberg
Die Mariental-biblioteek se vyf jaar-mentorskapprogram vir jong meisies is in 2014 deur me. Maryka Gawases begin.
Die program het ten doel om meisies te ondersteun, leiding te gee en in te lig oor maatskaplike kwessies wat hulle as tieners sal raak.
Die tien meisies wat deel van die program is, sal in Augustus vanjaar hulle sertifikate ontvang nadat hulle die program suksesvol voltooi het.
“Toe ons begin het, was die meisies tussen die ouderdomme van agt en tien. Die biblioteek het juis meisies van hierdie ouderdom gekies om hulle tydens hulle tienerjare te kan ondersteun en te help met loopbaankeuses, eksamens, die beste leermetodes, hulle selfbeeld en ontwikkeling,” sê me. Letta Shivute wat die program by Gawases oorgeneem het.
“Die lewe kom nie met ’n handleiding nie, en veral tieners word oorweldig deur druk en ’n magdom keuses. Deur ’n gratis program soos hierdie het die meisies iemand met wie hulle kan praat, raad kan kry en hulle gerus te stel dat daar altyd iemand daar is vir hulle,” sê Shivute verder.
Die program wil meisies ook help met hul skoolwerk en die geleentheid om aan hul selfvertroue en selfbeeld te bou.
Die program fokus op tien verskillende onderwerpe wat onder meer swangerskap, drank en dwelmmisbruik, basiese rekenaarvaardigheidsopleiding en beroepsvoorligting insluit.
“Die aanslag word later ook verander wanneer die mentor aan die meisies die geleentheid gee om ander onderwerpe voor te stel. Dit gee die meisies die kans om oor goed te praat wat hulle daagliks raak en beïnvloed,” sê Shivute.
Weekliks vind gesprekke by die biblioteek plaas en die meisies kry die kans om met kundiges te gesels en opvoedkundige navorsingsopleiding by die Gobabeb Training and Research Center te ontvang.
Die nuwe deelnemers aan die program sal later vanjaar bekend gemaak word en sal in 2022 met die program begin.
“Baie van die meisies wat ons kies besoek gereeld die biblioteek en neem deel aan die gesprekke en inisiatiewe wat die biblioteek aanbied. Baie van die meisies kom van behoeftige gemeenskappe af,” het Shivute gesê.
Shivute sê die program help meisies om eendag beter volwassenes te wees en ernstig oor hulle skoolwerk en die lewe te wees.
“Baie van hierdie meisies het nie enigiemand anders met wie hulle kan praat nie. Hierdie program herinner hulle dat hulle nie alleen is nie en dat daar altyd iemand daar sal wees vir hulle,” se Shivute.
“Ek het soveel geleer deur deel van die program te wees en dit het my gehelp om te groei en myself beter te leer ken. Ek het geleer om in myself te glo en myself in enige situasie te beskerm,” se Amogien Swartbooi (16), een van die deelnemers.
Livithea Lambert (16) se sy is dankbaar vir alles wat die program vir haar beteken het.
“Dit het my geleer om in ’n span te werk, die belangrikheid van beginsels en waardes en aan my die vaardighede gegee om self my probleme op te los.”
Die biblioteek het verskeie ander inisiatiewe en wil graag die gemeenskap en die jeug bemagtig deur aan hulle die geleentheid te gee om hulle volle potensiaal te bereik.
Die Mariental-biblioteek se vyf jaar-mentorskapprogram vir jong meisies is in 2014 deur me. Maryka Gawases begin.
Die program het ten doel om meisies te ondersteun, leiding te gee en in te lig oor maatskaplike kwessies wat hulle as tieners sal raak.
Die tien meisies wat deel van die program is, sal in Augustus vanjaar hulle sertifikate ontvang nadat hulle die program suksesvol voltooi het.
“Toe ons begin het, was die meisies tussen die ouderdomme van agt en tien. Die biblioteek het juis meisies van hierdie ouderdom gekies om hulle tydens hulle tienerjare te kan ondersteun en te help met loopbaankeuses, eksamens, die beste leermetodes, hulle selfbeeld en ontwikkeling,” sê me. Letta Shivute wat die program by Gawases oorgeneem het.
“Die lewe kom nie met ’n handleiding nie, en veral tieners word oorweldig deur druk en ’n magdom keuses. Deur ’n gratis program soos hierdie het die meisies iemand met wie hulle kan praat, raad kan kry en hulle gerus te stel dat daar altyd iemand daar is vir hulle,” sê Shivute verder.
Die program wil meisies ook help met hul skoolwerk en die geleentheid om aan hul selfvertroue en selfbeeld te bou.
Die program fokus op tien verskillende onderwerpe wat onder meer swangerskap, drank en dwelmmisbruik, basiese rekenaarvaardigheidsopleiding en beroepsvoorligting insluit.
“Die aanslag word later ook verander wanneer die mentor aan die meisies die geleentheid gee om ander onderwerpe voor te stel. Dit gee die meisies die kans om oor goed te praat wat hulle daagliks raak en beïnvloed,” sê Shivute.
Weekliks vind gesprekke by die biblioteek plaas en die meisies kry die kans om met kundiges te gesels en opvoedkundige navorsingsopleiding by die Gobabeb Training and Research Center te ontvang.
Die nuwe deelnemers aan die program sal later vanjaar bekend gemaak word en sal in 2022 met die program begin.
“Baie van die meisies wat ons kies besoek gereeld die biblioteek en neem deel aan die gesprekke en inisiatiewe wat die biblioteek aanbied. Baie van die meisies kom van behoeftige gemeenskappe af,” het Shivute gesê.
Shivute sê die program help meisies om eendag beter volwassenes te wees en ernstig oor hulle skoolwerk en die lewe te wees.
“Baie van hierdie meisies het nie enigiemand anders met wie hulle kan praat nie. Hierdie program herinner hulle dat hulle nie alleen is nie en dat daar altyd iemand daar sal wees vir hulle,” se Shivute.
“Ek het soveel geleer deur deel van die program te wees en dit het my gehelp om te groei en myself beter te leer ken. Ek het geleer om in myself te glo en myself in enige situasie te beskerm,” se Amogien Swartbooi (16), een van die deelnemers.
Livithea Lambert (16) se sy is dankbaar vir alles wat die program vir haar beteken het.
“Dit het my geleer om in ’n span te werk, die belangrikheid van beginsels en waardes en aan my die vaardighede gegee om self my probleme op te los.”
Die biblioteek het verskeie ander inisiatiewe en wil graag die gemeenskap en die jeug bemagtig deur aan hulle die geleentheid te gee om hulle volle potensiaal te bereik.
Comments
Namibian Sun
No comments have been left on this article