Iyambo a pewa efumbiko lyopapangelo
Engathithi enene lyaalilisa olya gongala mOlyomakaya moshilandopangelo opo li thindikile kegumbo lya hugunina limwe lyomomapendufule gaNamibia ndyoka lya hulitha omwedhi gwa piti.
Omupevi presidende gwotango moNamibia, Omundohotola Nickey Iyambo okwa fumbikwa mOmayendo gOmapendafule mehuliloshiwike ndika lya piti.
Iyambo okwa fumbikwa pooha nokwatwa nale yaRobben Island, Peter Ilonga mOlyomakaya. Aalilisa, ookuume nofamili oya gongala pOmawendo gOmapendafule mOlyomaya nokugandja iitya yokulaleka Iyambo pethimbo oshiketha she tashi kulukile mevi oshowo esimaneko lya ningwa pakuumba oondjembo iikando yi li 19.
Konima sho ofamili yalaleke omuholike gwawo pakuumbika evi mombila, kombila okwa tulwa oongala.
Dhimwe dhomoongala odha tulwa ko kOmupresidende Hage Geingob oshowo aaleli nale Sam Nujoma oshowo Hifikepunye Pohamba.
Iyambo okwa tumbulwa kutya okwa li kuume nomupopepi naGeingob.
Pethimbo lyoshituthidhimbuluko shanakusa shoka osha ningilwa mOshikunino shEpangelo mEtitano lya piti, Geingob okwa popi kutya kape na oshinima oshidhigu sha fa okupopya kombinga yeso lyahe, kuume ke nomugandjimayele gwe, Iyambo.
Geingob okwa popi kutya Iyambo okwali ependafule lyekondjelomanguluko, omuhanganithi nomuyuuki, nomwiinekelwa.
Geingob okwa tumbaleke nakusa kutya okwa li e na uukwatya mboka wa pumbiwa momulumentu andola kehe.
Okwa tsikile kutya Iyambo okwa li omugandjimayele gwe, he, kuume ke naluhe okwa kala ha ka konga omayele kuye uuna onkalamwenyo ye mudhigupalele, ihe aluhe okwa kala nokumu pa omayele opo kiipyakidhile naamboka taye mu etele uuwinayi.
Geingob okwa popi kutya Iyambo okwali omwiinekelwa shili naaluhe ngele oye na shoka ya popi aluhe ohashi kala pokati kawo.
“Einekelo nuunashili wuli ngaaka owa pumba noonkondo muuyuni wanakanena naashoka osho sha ningitha Iyambo a kale kuume kashili oshowo komrade kungame oshowo yalwe.”
Pahapu dhaGeingob uukume we naIyambo owa enda ondjila onde sigo ethimbo ndika sho ya topolwa.
Geingob okwa popi kutya Namibia okwa wayimine ofamili yaIyambo mokumulila konima nkene onkundana yeso lye ya tseyithwa.
Geingob okwa popi kutya nonando oshidhigu okutaamba ko eso lyomuholike gwawo, oku na einekelo kutya ofamili otayi ka mona ehekeleko okuza momahekeleko ngoka taga zi moshigwana.
Geingob okwa tsikile nokugandja olupandu kuIyambo molwa oshilonga sha simana shoka a longo meyambulepo lyaNamibia.
Iyambo okwa hulitha mepupi lyoomvula 82 mOvenduka momasiku 19 gaMei. Okwa longa onga omupevi presidende okuza momvula yo 2015 sigo oshowo a thigi po iilonga nokuya moshipundi shevululuko muFebruali gwo 2018.
ELLANE SMIT
Iyambo okwa fumbikwa pooha nokwatwa nale yaRobben Island, Peter Ilonga mOlyomakaya. Aalilisa, ookuume nofamili oya gongala pOmawendo gOmapendafule mOlyomaya nokugandja iitya yokulaleka Iyambo pethimbo oshiketha she tashi kulukile mevi oshowo esimaneko lya ningwa pakuumba oondjembo iikando yi li 19.
Konima sho ofamili yalaleke omuholike gwawo pakuumbika evi mombila, kombila okwa tulwa oongala.
Dhimwe dhomoongala odha tulwa ko kOmupresidende Hage Geingob oshowo aaleli nale Sam Nujoma oshowo Hifikepunye Pohamba.
Iyambo okwa tumbulwa kutya okwa li kuume nomupopepi naGeingob.
Pethimbo lyoshituthidhimbuluko shanakusa shoka osha ningilwa mOshikunino shEpangelo mEtitano lya piti, Geingob okwa popi kutya kape na oshinima oshidhigu sha fa okupopya kombinga yeso lyahe, kuume ke nomugandjimayele gwe, Iyambo.
Geingob okwa popi kutya Iyambo okwali ependafule lyekondjelomanguluko, omuhanganithi nomuyuuki, nomwiinekelwa.
Geingob okwa tumbaleke nakusa kutya okwa li e na uukwatya mboka wa pumbiwa momulumentu andola kehe.
Okwa tsikile kutya Iyambo okwa li omugandjimayele gwe, he, kuume ke naluhe okwa kala ha ka konga omayele kuye uuna onkalamwenyo ye mudhigupalele, ihe aluhe okwa kala nokumu pa omayele opo kiipyakidhile naamboka taye mu etele uuwinayi.
Geingob okwa popi kutya Iyambo okwali omwiinekelwa shili naaluhe ngele oye na shoka ya popi aluhe ohashi kala pokati kawo.
“Einekelo nuunashili wuli ngaaka owa pumba noonkondo muuyuni wanakanena naashoka osho sha ningitha Iyambo a kale kuume kashili oshowo komrade kungame oshowo yalwe.”
Pahapu dhaGeingob uukume we naIyambo owa enda ondjila onde sigo ethimbo ndika sho ya topolwa.
Geingob okwa popi kutya Namibia okwa wayimine ofamili yaIyambo mokumulila konima nkene onkundana yeso lye ya tseyithwa.
Geingob okwa popi kutya nonando oshidhigu okutaamba ko eso lyomuholike gwawo, oku na einekelo kutya ofamili otayi ka mona ehekeleko okuza momahekeleko ngoka taga zi moshigwana.
Geingob okwa tsikile nokugandja olupandu kuIyambo molwa oshilonga sha simana shoka a longo meyambulepo lyaNamibia.
Iyambo okwa hulitha mepupi lyoomvula 82 mOvenduka momasiku 19 gaMei. Okwa longa onga omupevi presidende okuza momvula yo 2015 sigo oshowo a thigi po iilonga nokuya moshipundi shevululuko muFebruali gwo 2018.
ELLANE SMIT
Comments
Namibian Sun
No comments have been left on this article