'Iri Ivari' a tulwa miipandeko omolwa ekwatonkonga
Lucas Tsamseb, a tseyika nedhina Iri Ivari, pamwe nayakwawo yatatu oya holoka komeho yamangetrata gwaTsumeb moshipotha shekwatonkonga lyomukadhona gwoomvula 18.
TUYEIMO HAIDULA
OSHAKATI
Oshiningwanima shoka osha ningilwa molukanda lwedhina Damara mOshivelo mesiku lyotango lyomwedhi.
Omunambelewa omupopiliko gwOpolisi yaNamibia, Kauna Shikwambi okwa popi kutya opolisi oya thiminikwa okupatulula oshipotha pehala lyanakuningwa oshihakanwa konima sho a tindi.
Aatamanekwa oyoomvula dhili pokati ko 14 no 21.
Tsamseb pamwe namukwawo ngoka omvula dhawo dhili po 18 oya pewa omboloha yooN$2 000, omanga aanona yaali mboka taya tamanekwa pamwe nayo ya mangululwa metonatelo lyaakuluntu yawo sigo oshoo taya holoka mompangu ishewe momasiku 16 gaMaalitsa 2021.
Molwaashoka kena omikanda dhuukwashigwana sho a tseyika koyendji okupitila komalungula, omundohotola gwomayego okwa li a ningi omakonaaakono getengeneko lyoomvula dhe, na okwa tengenekwa kutya oku na oomvula dhili pokati 17 no 21.
Oshikondo shUuthikepamwe nOnkalonawa yAanona omvula ya piti oya tamekitha Tsamseb oskola poskola yedhina Ondera Primary School moshitopolwa shaShikoto, ihe oonkambadhala dhokumukaleka melandulathano odha ndopa.
Oshigwana osha pewa woo uusama omolwa omaihumbato gaTsamseb, moka omulongi gwe nale, Lena Nakatana, ta popi kutya aantu yamwe oya kala taye mu landele omalovu opo ye mu faneke uuvidio nomathano ngoka ya kala nokutula komalungula.
Nakatana okwa popi kutya ita popile ekwatonkonga ndyoka.
“Okuli megameno meni molwaashoka kape na ootundi ngashiingeyi nuuna sho a li pondje ota nu iikolitha. Okwa li omutiheyali mongundu sho iizemo ya piti. Oshiingilisa she nomwaalu oyi na iitsa iiwanawa,” Nakatana a popi.
OSHAKATI
Oshiningwanima shoka osha ningilwa molukanda lwedhina Damara mOshivelo mesiku lyotango lyomwedhi.
Omunambelewa omupopiliko gwOpolisi yaNamibia, Kauna Shikwambi okwa popi kutya opolisi oya thiminikwa okupatulula oshipotha pehala lyanakuningwa oshihakanwa konima sho a tindi.
Aatamanekwa oyoomvula dhili pokati ko 14 no 21.
Tsamseb pamwe namukwawo ngoka omvula dhawo dhili po 18 oya pewa omboloha yooN$2 000, omanga aanona yaali mboka taya tamanekwa pamwe nayo ya mangululwa metonatelo lyaakuluntu yawo sigo oshoo taya holoka mompangu ishewe momasiku 16 gaMaalitsa 2021.
Molwaashoka kena omikanda dhuukwashigwana sho a tseyika koyendji okupitila komalungula, omundohotola gwomayego okwa li a ningi omakonaaakono getengeneko lyoomvula dhe, na okwa tengenekwa kutya oku na oomvula dhili pokati 17 no 21.
Oshikondo shUuthikepamwe nOnkalonawa yAanona omvula ya piti oya tamekitha Tsamseb oskola poskola yedhina Ondera Primary School moshitopolwa shaShikoto, ihe oonkambadhala dhokumukaleka melandulathano odha ndopa.
Oshigwana osha pewa woo uusama omolwa omaihumbato gaTsamseb, moka omulongi gwe nale, Lena Nakatana, ta popi kutya aantu yamwe oya kala taye mu landele omalovu opo ye mu faneke uuvidio nomathano ngoka ya kala nokutula komalungula.
Nakatana okwa popi kutya ita popile ekwatonkonga ndyoka.
“Okuli megameno meni molwaashoka kape na ootundi ngashiingeyi nuuna sho a li pondje ota nu iikolitha. Okwa li omutiheyali mongundu sho iizemo ya piti. Oshiingilisa she nomwaalu oyi na iitsa iiwanawa,” Nakatana a popi.
Comments
Namibian Sun
No comments have been left on this article