Iikundaneki yamanguluka
Omupresidende Hage Geingob okwa pula opo iikundaneki moshilongo yi kale aakalelipo ihe inayi kala iiputudhilo tayi kondololwa koohandimwe.
omupresidende okwa popi ngaaka pethimbo kwa dhimbulukiwa esiku lyoWorld Press Freedom Day moNamibia oshiwike shika.
Omuleli okwa dhimbulukitha aatoolinkundana kutya okupewa oonkondo odhindji otaku endele pamwe noshinakugwanithwa oshinene, niikundaneki yamangulukwa oyi li oshapi yomalunduluko.
Omupresidende okwa pandulwa sho a kala poshituthi shoka na okwa gandja oshihololelwa kaaleli yiilongo yilwe opo ya landule moompadhi dhe.
Omanga Namibia a tulwa momusholondondo gwiilongo mbyoka yi na iikundaneki ya manguluka muAfrika na kuli ponomola 24 muuyuni, Geingob okwa popi kutya okwa hala oshilongo shi kale ponomola yotango miilongo mbyoka yi na iikundaneki ya manguluka muuyuni.
Okwa popi kutya iikundaneki moNamibia otayi kala ya manguluka omanga ye omuleli.
Omuleli okwa popi kutya okwa nyanyukwa sho oshilongo sha yelwa nokupewa olupandu sho shili momushoondondo gwiilongo mbyoka ya gandja emanguluko kiikundaneki.
“Emanguluko lyetu lyiikundaneki olya dhengemo iilongo yimwe mbyoka ya kala nale nuudemokoli ngaashi France, United Kingdom na United States of America nuuna tatu popi oondjindikila tadhi tulilwa mo iikundaneki otashi ningwa miilongo moka.”
Okwa popi kutya monena sho ehumo komeho tali dhengemo iikundaneki yonkulu yonale, nena shoka osha etitha aatoolinkundana ya longithe pambambo oonkatu dhawo nokuhwahwameka omauwanawa gawo niiholekwa yawo.
Omuyenda ngoka a popi poshituthi shoka, oBheki Makhubu, omudhindoli gwoshifo shoThe Nation moSwaziland.
Makhubu okwa pandula Geingob sho a kala poshituthi shoka na okwa pandula woo uundemokoli moNamibia.
Makhubu okwa popi kutya otashi nyanyudha noonkondo sho omuleli e li poshituthi sholudhi ndoka, na okwa gwedha po kutya ngele aaleli yaAfrika otaya landula moompadhi dhaGeingob, nena ndjoka otayi kala ondjila ombwaanawa.
MuMaalitsa gwo-2014, epangelo lyaSwaziland olya pangula Makhubu pamwe nomukaleli gwopaveta guuthemba womuntu, Thulani Maseko sho ya nyana oshikondo shuuyuki moshilongo shoka. Mboka ya monika ondjo nokupewa egeelo lyokukala ondholongo uule woomvula mbali. Ayehe oya shanga iinyolwa moshifo shoThe Nation, moka ya nyana oshikondo shuuyuki oshowo omupanguli-ndjai moshilongo shoka.
Omatilitho Oshiputuhilo shoMedia Institute of Southern Africa (Misa Namibia) osha popi kutya aanapolotika aakuluntu oya tuku nokuningila omatilitho aatoolinkundana omvula ya piti, na oya ningi oonkambadhala dhokukondolola iikundaneki.
Molopota yawo tayi ithanwa Media Institute of Southern Africa (MISA) Regional Overview on the state of media freedom in southern Africa in 2016, ehangano olya popi kutya Namibia okwa pumbwa okukala e na etumba miinima oyindji sho pe na ompito yehumo komeho mokumangulula omawi gaakwashigwana.
Oya holola kutya okupitila komapandja gomakwatathano gopainternet, aakwashigwana oya pewa ompito yokumona oonkundana mbala, nokugandja woo omaiyuvo gawo kombinga yoonkundana ndhoka.
ELLANIE SMIT
omupresidende okwa popi ngaaka pethimbo kwa dhimbulukiwa esiku lyoWorld Press Freedom Day moNamibia oshiwike shika.
Omuleli okwa dhimbulukitha aatoolinkundana kutya okupewa oonkondo odhindji otaku endele pamwe noshinakugwanithwa oshinene, niikundaneki yamangulukwa oyi li oshapi yomalunduluko.
Omupresidende okwa pandulwa sho a kala poshituthi shoka na okwa gandja oshihololelwa kaaleli yiilongo yilwe opo ya landule moompadhi dhe.
Omanga Namibia a tulwa momusholondondo gwiilongo mbyoka yi na iikundaneki ya manguluka muAfrika na kuli ponomola 24 muuyuni, Geingob okwa popi kutya okwa hala oshilongo shi kale ponomola yotango miilongo mbyoka yi na iikundaneki ya manguluka muuyuni.
Okwa popi kutya iikundaneki moNamibia otayi kala ya manguluka omanga ye omuleli.
Omuleli okwa popi kutya okwa nyanyukwa sho oshilongo sha yelwa nokupewa olupandu sho shili momushoondondo gwiilongo mbyoka ya gandja emanguluko kiikundaneki.
“Emanguluko lyetu lyiikundaneki olya dhengemo iilongo yimwe mbyoka ya kala nale nuudemokoli ngaashi France, United Kingdom na United States of America nuuna tatu popi oondjindikila tadhi tulilwa mo iikundaneki otashi ningwa miilongo moka.”
Okwa popi kutya monena sho ehumo komeho tali dhengemo iikundaneki yonkulu yonale, nena shoka osha etitha aatoolinkundana ya longithe pambambo oonkatu dhawo nokuhwahwameka omauwanawa gawo niiholekwa yawo.
Omuyenda ngoka a popi poshituthi shoka, oBheki Makhubu, omudhindoli gwoshifo shoThe Nation moSwaziland.
Makhubu okwa pandula Geingob sho a kala poshituthi shoka na okwa pandula woo uundemokoli moNamibia.
Makhubu okwa popi kutya otashi nyanyudha noonkondo sho omuleli e li poshituthi sholudhi ndoka, na okwa gwedha po kutya ngele aaleli yaAfrika otaya landula moompadhi dhaGeingob, nena ndjoka otayi kala ondjila ombwaanawa.
MuMaalitsa gwo-2014, epangelo lyaSwaziland olya pangula Makhubu pamwe nomukaleli gwopaveta guuthemba womuntu, Thulani Maseko sho ya nyana oshikondo shuuyuki moshilongo shoka. Mboka ya monika ondjo nokupewa egeelo lyokukala ondholongo uule woomvula mbali. Ayehe oya shanga iinyolwa moshifo shoThe Nation, moka ya nyana oshikondo shuuyuki oshowo omupanguli-ndjai moshilongo shoka.
Omatilitho Oshiputuhilo shoMedia Institute of Southern Africa (Misa Namibia) osha popi kutya aanapolotika aakuluntu oya tuku nokuningila omatilitho aatoolinkundana omvula ya piti, na oya ningi oonkambadhala dhokukondolola iikundaneki.
Molopota yawo tayi ithanwa Media Institute of Southern Africa (MISA) Regional Overview on the state of media freedom in southern Africa in 2016, ehangano olya popi kutya Namibia okwa pumbwa okukala e na etumba miinima oyindji sho pe na ompito yehumo komeho mokumangulula omawi gaakwashigwana.
Oya holola kutya okupitila komapandja gomakwatathano gopainternet, aakwashigwana oya pewa ompito yokumona oonkundana mbala, nokugandja woo omaiyuvo gawo kombinga yoonkundana ndhoka.
ELLANIE SMIT
Comments
Namibian Sun
No comments have been left on this article