Groot prestasie vir Laerskool Aranos
Octavia Tsibes
Laerskool Aranos het vanjaar vir die tweede keer aan Conquesta deelgeneem.
In Suid-Afrika dien Conquesta as 'n eksterne eksamen vir primêre skole. Dit word ook in naburige lande soos Namibië geskryf by skole wat die Suid-Afrikaanse leerplan volg. Vanjaar het 30 leerlinge van Laerskool Aranos deelgeneem en die skool het goud ontvang.
Laas jaar het die skool vir eerste keer deelgeneem en 'n brons sertifikaat verwerf.
“Conquesta vind elke jaar in die derde kwartaal plaas, maar die onderwysers en graad 4- tot 7-leerlinge berei al van die tweede kwartal af voor,” sê mnr. Gerrit de Koker, Afrikaans-onderwyser by die skool.
De Koker sê hy bied in die namiddag ekstraklasse van 45 minute elk aan twee klasse aan. Hulle bestee ’n kwartaal aan voorbereiding om die eksamen te skryf. Die leerlinge werk ou Afrikaans-vraestelle uit en op die manier berei hulle terselftertyd vir die eindeksamen voor.
Laerskool Aranos is baie trots op hul leerlinge se prestasies en hoop dit gaan elke jaar net beter.
Laerskool Aranos het vanjaar vir die tweede keer aan Conquesta deelgeneem.
In Suid-Afrika dien Conquesta as 'n eksterne eksamen vir primêre skole. Dit word ook in naburige lande soos Namibië geskryf by skole wat die Suid-Afrikaanse leerplan volg. Vanjaar het 30 leerlinge van Laerskool Aranos deelgeneem en die skool het goud ontvang.
Laas jaar het die skool vir eerste keer deelgeneem en 'n brons sertifikaat verwerf.
“Conquesta vind elke jaar in die derde kwartaal plaas, maar die onderwysers en graad 4- tot 7-leerlinge berei al van die tweede kwartal af voor,” sê mnr. Gerrit de Koker, Afrikaans-onderwyser by die skool.
De Koker sê hy bied in die namiddag ekstraklasse van 45 minute elk aan twee klasse aan. Hulle bestee ’n kwartaal aan voorbereiding om die eksamen te skryf. Die leerlinge werk ou Afrikaans-vraestelle uit en op die manier berei hulle terselftertyd vir die eindeksamen voor.
Laerskool Aranos is baie trots op hul leerlinge se prestasies en hoop dit gaan elke jaar net beter.
Comments
Namibian Sun
No comments have been left on this article