Geingob otaka hupitha oolye?
OMUTOOLINKUNDANA GWOMENI
Sho oominista oshowo aapevi minista 13 ya gumo momusholondondo gwiilyo yOmutumba gwoPaliamende shoSwapo e shi pondola owala okumona iipundi 63 moPaliamende, Omupresidende Hage Geingob okwa taalela etokolo edhigu okuhogolola kutya oolye taka kwatelamo maahogololwa ye yahetatu mboka e na okuhogolola ya ye moPaliamende.
Oominista dhilwe oonkulu ngaashi Erkki Nghimtina oshowo Charles Namolohoya gu mo momusholondondo.
Yamwe ongaashi Anna Shiweda, Maureen Hinda-Mbuende, Becky Ndjoze-Ojo, Veikko Nekundi oshowo Lidwina Shapwa, James Sankwasa, Piet van der Walt, Engel Nawatiseb, Priscilla Beukes, Chief Ankama oshowo Tommy Nambahu.
Ongundu oya kanitha woo oonkondo dhokuninga omalunduluko mEkotampango moPaliamende, sho ya mono owala oopresenda 66 dhomawi gaahogololi, omanga omupresidende gwongundu a kanitha oopresenda 30 sho a mono owala oopresenda 56.25 nuumvo okuyeleka noopresenda 86.7 dhoka a mono momvula yo 2014.
Swapo okwa geelwa kaanyasha unene moondoolopa mboka taya kondjitha okwaahena iilonga hoka kwa londa pombanda, na oye li unene mongundu ndjoka yaantu kaaye na iilonga.
Okulunga nokwiitapula mokati kaanapolotika oshowo egwo lyeliko lyoshilongo pevi, oshimwe dhomwaambyoka ya geyitha aahogololi.
Etopoko mongundu ndyoka lya hwahwamekwa kompumbwe yuuleli mongundu nokweetitha aayambidhidhi ya topoke muungundu, oya etitha woo iilyo yongundu yimwe yi hogolole oongundu dhompilameno nokugwitha pevi omawi gaSwapo. Shoka otashi kolekwa sho ongundu yoPDM ya mono iipundi 15 moPaliamende okuza piipundi itano.
Omolwa onkalo ndjoka oyo ya etitha Swapo a kanithe iipundi ya thika po 14 moPaliamende naGeingob okwa tegelelwa a ka tokole kutya ota hupitha oolye.
Ominista ye yiikumungu yopaliko, Obeth Kandjoze nayo kayi mo momusholodondo onkene otashi vulika e mu tule momusholondondo omupe gwe gwaahogololwa ye moPaliamende.
Eveline Nawases-Taeyele naye ke mu momosholondondo na otaka tala koshipala shaGeingob, ngele ta mono esilohenda.
Sho oominista oshowo aapevi minista 13 ya gumo momusholondondo gwiilyo yOmutumba gwoPaliamende shoSwapo e shi pondola owala okumona iipundi 63 moPaliamende, Omupresidende Hage Geingob okwa taalela etokolo edhigu okuhogolola kutya oolye taka kwatelamo maahogololwa ye yahetatu mboka e na okuhogolola ya ye moPaliamende.
Oominista dhilwe oonkulu ngaashi Erkki Nghimtina oshowo Charles Namolohoya gu mo momusholondondo.
Yamwe ongaashi Anna Shiweda, Maureen Hinda-Mbuende, Becky Ndjoze-Ojo, Veikko Nekundi oshowo Lidwina Shapwa, James Sankwasa, Piet van der Walt, Engel Nawatiseb, Priscilla Beukes, Chief Ankama oshowo Tommy Nambahu.
Ongundu oya kanitha woo oonkondo dhokuninga omalunduluko mEkotampango moPaliamende, sho ya mono owala oopresenda 66 dhomawi gaahogololi, omanga omupresidende gwongundu a kanitha oopresenda 30 sho a mono owala oopresenda 56.25 nuumvo okuyeleka noopresenda 86.7 dhoka a mono momvula yo 2014.
Swapo okwa geelwa kaanyasha unene moondoolopa mboka taya kondjitha okwaahena iilonga hoka kwa londa pombanda, na oye li unene mongundu ndjoka yaantu kaaye na iilonga.
Okulunga nokwiitapula mokati kaanapolotika oshowo egwo lyeliko lyoshilongo pevi, oshimwe dhomwaambyoka ya geyitha aahogololi.
Etopoko mongundu ndyoka lya hwahwamekwa kompumbwe yuuleli mongundu nokweetitha aayambidhidhi ya topoke muungundu, oya etitha woo iilyo yongundu yimwe yi hogolole oongundu dhompilameno nokugwitha pevi omawi gaSwapo. Shoka otashi kolekwa sho ongundu yoPDM ya mono iipundi 15 moPaliamende okuza piipundi itano.
Omolwa onkalo ndjoka oyo ya etitha Swapo a kanithe iipundi ya thika po 14 moPaliamende naGeingob okwa tegelelwa a ka tokole kutya ota hupitha oolye.
Ominista ye yiikumungu yopaliko, Obeth Kandjoze nayo kayi mo momusholodondo onkene otashi vulika e mu tule momusholondondo omupe gwe gwaahogololwa ye moPaliamende.
Eveline Nawases-Taeyele naye ke mu momosholondondo na otaka tala koshipala shaGeingob, ngele ta mono esilohenda.
Comments
Namibian Sun
No comments have been left on this article