Fysal a geelwa nooN$100 000
Epangelo lyaNamibia olya gandja egeelo lyokufuta oshimaliwa sha thika pooN$100 000 kehangano lyaFysal omolwa okuyakela moshilongo omahooli inaga pitikwa okuza poshishiindalongo Angola.
Nonando uuministeli wemona owa tindi okutumbula edhina lyehangano, Namibian Sun okwa nongele kutya ehangano ndyoka olyoFysal Fresh Produce.
Sho a popi kombinga yoshinima shoka, omunambelewa omupopiliko guuministeli wemona, Tonateni Shidhudhu okwe shi koleke ta popi kutya osha ningwa omwedhi gwa piti.
“Uuministeli wemona otawu koleke kutya momasiku 24 gaJanuari 2020 omahooli inaga pitikilwa mo moshilongo oga adhika pehala lyoongoeshefa dhishiwike nawa monooli, mondjila onene yaShikango, kaanambelewa yokoongamba,” Shidhudhu a popi.
Omahooli ngoka ga kwatwako kuuministeli odiesel goolita 12 600.
Pahapu dhe ehangano ndyoka olya yi pondje ontopolwa onti 14 okatendo 91 oshowo 93 kOmpango onti 20 yoCustoms and Excise Act yomomvula 1998.
Pampango ndjoka ehangano olya pewa egeelo li fute ooN$100 000.
Omahangano gaali ogali taga konaakonwa omolwa okweeta omahooli ngoka moshilongo shaaheli paveta. “Otatu konaakonwa woo omahangano gaali ngoka taku fekelwa kutya otaga kutha ombinga moshimbuluma shoka,” Shidhudhu a popi.
Uuministeli oweekelehi omapopyo kutya aanambelewa yawo oya kutha po omahooli ngoka ye ke ga longithe yoyene.
“Uuministeli otawu tindi omapopyo ngoka taga ningwa komapandja gomakwatathano gopainternet kutya omahooli ngoka oga kuthwa po kaanambelewa. Omahooli ngoka oga kuthwa poWesco Waste Management ngaashi tashi uthwa ketsokumwe nepangelo lyaNamibia.”
Omahooli gaAngola inaga pitikwa okulongithwa moNamibia molwaashoka inaga a dha pandondo yomoshilongo ihe nonando ongaaka ongeshefa yomeholamo yomahooli ngoka oya lundalala monooli yaNamibia.
Ehangano lyaFysal inali tya sha moshinima shoka.
OGONE TLHAGE
Sho a popi kombinga yoshinima shoka, omunambelewa omupopiliko guuministeli wemona, Tonateni Shidhudhu okwe shi koleke ta popi kutya osha ningwa omwedhi gwa piti.
“Uuministeli wemona otawu koleke kutya momasiku 24 gaJanuari 2020 omahooli inaga pitikilwa mo moshilongo oga adhika pehala lyoongoeshefa dhishiwike nawa monooli, mondjila onene yaShikango, kaanambelewa yokoongamba,” Shidhudhu a popi.
Omahooli ngoka ga kwatwako kuuministeli odiesel goolita 12 600.
Pahapu dhe ehangano ndyoka olya yi pondje ontopolwa onti 14 okatendo 91 oshowo 93 kOmpango onti 20 yoCustoms and Excise Act yomomvula 1998.
Pampango ndjoka ehangano olya pewa egeelo li fute ooN$100 000.
Omahangano gaali ogali taga konaakonwa omolwa okweeta omahooli ngoka moshilongo shaaheli paveta. “Otatu konaakonwa woo omahangano gaali ngoka taku fekelwa kutya otaga kutha ombinga moshimbuluma shoka,” Shidhudhu a popi.
Uuministeli oweekelehi omapopyo kutya aanambelewa yawo oya kutha po omahooli ngoka ye ke ga longithe yoyene.
“Uuministeli otawu tindi omapopyo ngoka taga ningwa komapandja gomakwatathano gopainternet kutya omahooli ngoka oga kuthwa po kaanambelewa. Omahooli ngoka oga kuthwa poWesco Waste Management ngaashi tashi uthwa ketsokumwe nepangelo lyaNamibia.”
Omahooli gaAngola inaga pitikwa okulongithwa moNamibia molwaashoka inaga a dha pandondo yomoshilongo ihe nonando ongaaka ongeshefa yomeholamo yomahooli ngoka oya lundalala monooli yaNamibia.
Ehangano lyaFysal inali tya sha moshinima shoka.
OGONE TLHAGE
Comments
Namibian Sun
No comments have been left on this article