Etungo lyoombelewa dhelelo lyaKongo lya manithwa
Elelo lyomukunda Okongo ndyoka lya kala tali longele megumbo lyaakiintu mboka ya tegelelwa oku ka pulumutha, konyala uule woomvula ndatu, otali tembukile moombelewa dhawo oompe momwedhi twa taalela, ndhoka dha tungwa koshimaliwa shoomiliyona 13.
Egumbo lyoJosua Hanyango Maternity Waiting Home olya kala oombelelwa dhelelo ndyoka lya ningwa nokutseyithwa papangelo okuninga omukunda momvula yo 2015.
Egumbo ndyoka olya tungwa momvula yo2014 komunyekadhi nale gwaNamibia,Penehupifo Pohamba, neyambidhidho lyIigwana yaHangana, opo li vule okukala naakiintu yiihumbata mboka taya zi komikunda dha yooloka pomudhingoloko ngoka na otaya ka tegelela okupulumuthila uunona wawo moshipangelo shaKongo.
Pahapu dhomunambelewa omukuluntu gwomukunda ngoka, Wodibo Haulofu, konima sho aakiintu oyendji itaya longitha egumbo ndyoka oshowo ompumbwe yomahala taga vulu okulongithwa momukunda ngoka, elelo lyondoolopa olya tokola okulongitha po ndatu dhomoondunda dhokulala megumbo ndyoka.
“Aanambelewa yamwe yelelo otaya longele moombelewa dhoshikandjohogololo omanga yamwe po nda kwatelwa tatu longele okuza megumbo ndyoka, omanga oombelewa dhetu tadhi tungwa,” Haulofu a popi.
“Sho ngashiingeyi etungo lyoombelewa dhetu lya manithwa nena otatu tembukile koombelewa dhetu ndhoka momwedhi twa taalela opo aakiintu ya kale woo nemanguluko lyawo oshowo ombili yawo.”
Okwa popi kutya egumbo ndyoka olya kala oombelewa dhawo ombwaananwa nonando kaya li ye na iikwaniipangitho ayihe.
Haulofu okwa popi kutya oombelewa oompe dhelelo lyomukunda gwawo odha tungwa kehangano Shivute Construction and Conselect Engineering.
Okwa popi kutya etungo lyoombelewa ndhoka olya manithwa muule wethimbo ndyoka lya li lya uvathanwa.
Omunambelewa ngoka okwa popi kutya etungo ndyoka oli li onkatu onene ya katukwa kelelo lyawo, naashoka tashi landula ko okutunga osasiyona yookadhimamulilo, opo ya vule okugamena aakaalimo yawo.
Okwa tsikile kutya oye na oondjodhi odhindji ihe ompumbwe yoshimaliwa oyo tayi ya shunitha monima, molwaashoka kaye na iimaliwa ethimbo ndika na oya tala owala koshipala shepangelo opo ku vule okutulwa miilonga oopoloyeka melelo ndyoka oshowo okugandja oompito dhiilonga dhoka dhoka dhi li po.
“Otwa taalela omukundu gwegandjo lyevi lyokutunga omagumbo oshowo oongeshefa. Otwa taalela woo ekateko momatendo gomavi naashoka otashi etithwa kompumbwe yiimaliwa. Ekateko momadheulo getulo miilonga lyoPublic Procurement Act oshowo ompumbwe yaaniilonga omolwa omangambeko taga ningwa muuministeli wetu oyimwe yomomikundu twa taalela.”
Okwa popi kutya epangeo olya pumbwa okuya pa iiyemo oyindji opo ya vule okutula miilonga oopoloyeka ndhoka taya pangele okutula miilonga momukunda gwawo.
ILENI NANDJATO
Egumbo lyoJosua Hanyango Maternity Waiting Home olya kala oombelelwa dhelelo ndyoka lya ningwa nokutseyithwa papangelo okuninga omukunda momvula yo 2015.
Egumbo ndyoka olya tungwa momvula yo2014 komunyekadhi nale gwaNamibia,Penehupifo Pohamba, neyambidhidho lyIigwana yaHangana, opo li vule okukala naakiintu yiihumbata mboka taya zi komikunda dha yooloka pomudhingoloko ngoka na otaya ka tegelela okupulumuthila uunona wawo moshipangelo shaKongo.
Pahapu dhomunambelewa omukuluntu gwomukunda ngoka, Wodibo Haulofu, konima sho aakiintu oyendji itaya longitha egumbo ndyoka oshowo ompumbwe yomahala taga vulu okulongithwa momukunda ngoka, elelo lyondoolopa olya tokola okulongitha po ndatu dhomoondunda dhokulala megumbo ndyoka.
“Aanambelewa yamwe yelelo otaya longele moombelewa dhoshikandjohogololo omanga yamwe po nda kwatelwa tatu longele okuza megumbo ndyoka, omanga oombelewa dhetu tadhi tungwa,” Haulofu a popi.
“Sho ngashiingeyi etungo lyoombelewa dhetu lya manithwa nena otatu tembukile koombelewa dhetu ndhoka momwedhi twa taalela opo aakiintu ya kale woo nemanguluko lyawo oshowo ombili yawo.”
Okwa popi kutya egumbo ndyoka olya kala oombelewa dhawo ombwaananwa nonando kaya li ye na iikwaniipangitho ayihe.
Haulofu okwa popi kutya oombelewa oompe dhelelo lyomukunda gwawo odha tungwa kehangano Shivute Construction and Conselect Engineering.
Okwa popi kutya etungo lyoombelewa ndhoka olya manithwa muule wethimbo ndyoka lya li lya uvathanwa.
Omunambelewa ngoka okwa popi kutya etungo ndyoka oli li onkatu onene ya katukwa kelelo lyawo, naashoka tashi landula ko okutunga osasiyona yookadhimamulilo, opo ya vule okugamena aakaalimo yawo.
Okwa tsikile kutya oye na oondjodhi odhindji ihe ompumbwe yoshimaliwa oyo tayi ya shunitha monima, molwaashoka kaye na iimaliwa ethimbo ndika na oya tala owala koshipala shepangelo opo ku vule okutulwa miilonga oopoloyeka melelo ndyoka oshowo okugandja oompito dhiilonga dhoka dhoka dhi li po.
“Otwa taalela omukundu gwegandjo lyevi lyokutunga omagumbo oshowo oongeshefa. Otwa taalela woo ekateko momatendo gomavi naashoka otashi etithwa kompumbwe yiimaliwa. Ekateko momadheulo getulo miilonga lyoPublic Procurement Act oshowo ompumbwe yaaniilonga omolwa omangambeko taga ningwa muuministeli wetu oyimwe yomomikundu twa taalela.”
Okwa popi kutya epangeo olya pumbwa okuya pa iiyemo oyindji opo ya vule okutula miilonga oopoloyeka ndhoka taya pangele okutula miilonga momukunda gwawo.
ILENI NANDJATO
Comments
Namibian Sun
No comments have been left on this article