Etukuko lyo listeriosis tali kandekwa
Oondoolopa dhimwe po oya yamukula mendelelelo ketukulo lyombakitelia yolisteriosis moshishiindalongo South Africa oshowo moshilongo.
Omukithi ngoka guuzigo wiikulya, okwa dhidhilikwa tagu adhika moonyama dha kwewa na ogwa lopotwa tango moSouth Afrika muJanuari na ogwa dhipaga aantu yeli 180.
MoNamibia, omulumentu gwomoTsumeb okwa kwatelwa moombete konima sho a monika omukithi ngoka oshiwike sha piti. Oshipotha shoka moshilongo osha lopotwa konima sho uuministeli wuundjolowele oshowo uuministeli wuunamapya wa gandja elombwelo opo oostola moNamibia dhi kuthe momalanditho gadho iilongomwa yoonyama yehangano lyoEnterprise Foods.
Omunambelewa omukomeho guundjolowele melelo lyondoolopa yaSwakopomund, Clive Lawrence, okwa popi kutya aanambelewa aakonaakoni yuundjolowele oye mu tseyithila kutya konyala iilongomwa ayihe yehangano ndyoka oya kuthwa mo moostola.
Kornelius Kapolo, omunambelewa omukomeho guundjolowele melelo lyondoolopa yaShakati, okwa popi kutya oya tameke taya kutha mo moostola, oonyama ndhoka taku fekelwa dhi na ombakitelia ndjoka omanga elombwelo ndyoka inali gandjwa.
Okwa popi kutya oostola dhimwe odha tameke nale okukutha mo iilandithomwa mbyoka konima sho omukithi ngoka gwa lopotwa moSouth Afrika nonando okwa holoka engwangwano kombinga yoonyama dhomoondooha ndhoka taku popiwa kutya osha gamenwa.
Omunambelewa guundjolowele melelo lyaKaiti, Rudo-whan Benade, okwa popi kutya oostola adhihe ndhoka hadhi kutha iilandithomwa yadho moSouth Afrika odha tseyithilwa.
Ominista yuundjolowele, Dr Bernard Haufiku oya lombwele omutumba gwopashigwana oshiwike sha piti kutya oshilongo osha pyakudhukwa okukondjitha omukithi ngoka, sho kwa tulwa nale pomahala omilandu dhekondjitho lyomukithi ngoka, muJanurai.
JEMIMA BEUKES
Omukithi ngoka guuzigo wiikulya, okwa dhidhilikwa tagu adhika moonyama dha kwewa na ogwa lopotwa tango moSouth Afrika muJanuari na ogwa dhipaga aantu yeli 180.
MoNamibia, omulumentu gwomoTsumeb okwa kwatelwa moombete konima sho a monika omukithi ngoka oshiwike sha piti. Oshipotha shoka moshilongo osha lopotwa konima sho uuministeli wuundjolowele oshowo uuministeli wuunamapya wa gandja elombwelo opo oostola moNamibia dhi kuthe momalanditho gadho iilongomwa yoonyama yehangano lyoEnterprise Foods.
Omunambelewa omukomeho guundjolowele melelo lyondoolopa yaSwakopomund, Clive Lawrence, okwa popi kutya aanambelewa aakonaakoni yuundjolowele oye mu tseyithila kutya konyala iilongomwa ayihe yehangano ndyoka oya kuthwa mo moostola.
Kornelius Kapolo, omunambelewa omukomeho guundjolowele melelo lyondoolopa yaShakati, okwa popi kutya oya tameke taya kutha mo moostola, oonyama ndhoka taku fekelwa dhi na ombakitelia ndjoka omanga elombwelo ndyoka inali gandjwa.
Okwa popi kutya oostola dhimwe odha tameke nale okukutha mo iilandithomwa mbyoka konima sho omukithi ngoka gwa lopotwa moSouth Afrika nonando okwa holoka engwangwano kombinga yoonyama dhomoondooha ndhoka taku popiwa kutya osha gamenwa.
Omunambelewa guundjolowele melelo lyaKaiti, Rudo-whan Benade, okwa popi kutya oostola adhihe ndhoka hadhi kutha iilandithomwa yadho moSouth Afrika odha tseyithilwa.
Ominista yuundjolowele, Dr Bernard Haufiku oya lombwele omutumba gwopashigwana oshiwike sha piti kutya oshilongo osha pyakudhukwa okukondjitha omukithi ngoka, sho kwa tulwa nale pomahala omilandu dhekondjitho lyomukithi ngoka, muJanurai.
JEMIMA BEUKES
Comments
Namibian Sun
No comments have been left on this article