Etokolo lyomboloha moshipotha shekwatonkonga lya undulilwa komeho
KENYA KAMBOWE
NDIYONA
Etokolo meindilo lyomboloha yaJohannes Kativa (38), ngoka ta tamanekelwa ekwatonkonga lyomulongiskola omunamimvo 31 gwomomukunda Guma moshitopolwa shaKavango East, olya undulilwa komwedhi twa taalela konima sho hahende gwe ina vula okugandja epopilo lye pethimbo.
Mangestrata Sonia Samupofu okwa a li tegelelwa a gandje etokolo lye oshiwike sha piti mompangu yoNdiyona Periodic Court, ihe omolwa ekateko okuza kuhahende gwaKativa, Beatrix Bianca Boois okuza kehangano lyoBB Boois Attorneys, oshipotha osha undulilwa komasiku 26 gaKotomba.
Kativa ota tamanekelwa ekwatonkonga lyomukiintu yina yaanona yaali a za momukunda Guma momasiku 30 gaJuli, ihe okwa tulwa owala miipandeko momasiku ga4 gaAguste.
Nakuninga oshihakanwa okwa hokolola kutya okwa a li a kolwa noonkondo esiku ndyoka na keshi shoka sha ningwa po ihe okwa lombwelwa kombinga yekwatonkonga komonamati oshowo omushiinda she.
Omanga omuyonena ngoka inagu ningwa, nakuninga oshihakanwa okwa popi kutya ye pamwe naaniilonga pamwe naye oya li ye na opaati poskola na okwa nu iikolitha oshinima shoka ha ningi omalupita.
Okwa popi kutya okwa li ta tyapula eyakulo lyiizemo ye okuza koUnam oshowo omadhimbuluko gomavalo gaalongi mboka ya valwa muJanuari sigo oJuli ihe inaya vula okutyapula omavalo gawo omolwa ocorona.
Okwa popi kutya ota dhimbuluka a pewa olefa komuniilonga pamwe naye na ita dhimbuluka a mono Kativa popaati yawo.
Okwa popi kutya omutamanekwa ine mu ulukila nale iihole onkene andola okwe mu tinda.
Kativa, ngoka e li he yaanona yahamano okwa lombwele ompangu kutya ongulohi yomasiku 30 gaJuli okwa hiwa koskola komulongi opo e ya faalele omalovu ga gwedhwa po. Okwa popi kutya nonando nakuninga oshihakanwa okwali kohi yodhungo oya yi miihulo pazimino lye.
NDIYONA
Etokolo meindilo lyomboloha yaJohannes Kativa (38), ngoka ta tamanekelwa ekwatonkonga lyomulongiskola omunamimvo 31 gwomomukunda Guma moshitopolwa shaKavango East, olya undulilwa komwedhi twa taalela konima sho hahende gwe ina vula okugandja epopilo lye pethimbo.
Mangestrata Sonia Samupofu okwa a li tegelelwa a gandje etokolo lye oshiwike sha piti mompangu yoNdiyona Periodic Court, ihe omolwa ekateko okuza kuhahende gwaKativa, Beatrix Bianca Boois okuza kehangano lyoBB Boois Attorneys, oshipotha osha undulilwa komasiku 26 gaKotomba.
Kativa ota tamanekelwa ekwatonkonga lyomukiintu yina yaanona yaali a za momukunda Guma momasiku 30 gaJuli, ihe okwa tulwa owala miipandeko momasiku ga4 gaAguste.
Nakuninga oshihakanwa okwa hokolola kutya okwa a li a kolwa noonkondo esiku ndyoka na keshi shoka sha ningwa po ihe okwa lombwelwa kombinga yekwatonkonga komonamati oshowo omushiinda she.
Omanga omuyonena ngoka inagu ningwa, nakuninga oshihakanwa okwa popi kutya ye pamwe naaniilonga pamwe naye oya li ye na opaati poskola na okwa nu iikolitha oshinima shoka ha ningi omalupita.
Okwa popi kutya okwa li ta tyapula eyakulo lyiizemo ye okuza koUnam oshowo omadhimbuluko gomavalo gaalongi mboka ya valwa muJanuari sigo oJuli ihe inaya vula okutyapula omavalo gawo omolwa ocorona.
Okwa popi kutya ota dhimbuluka a pewa olefa komuniilonga pamwe naye na ita dhimbuluka a mono Kativa popaati yawo.
Okwa popi kutya omutamanekwa ine mu ulukila nale iihole onkene andola okwe mu tinda.
Kativa, ngoka e li he yaanona yahamano okwa lombwele ompangu kutya ongulohi yomasiku 30 gaJuli okwa hiwa koskola komulongi opo e ya faalele omalovu ga gwedhwa po. Okwa popi kutya nonando nakuninga oshihakanwa okwali kohi yodhungo oya yi miihulo pazimino lye.
Comments
Namibian Sun
No comments have been left on this article