Epangelo lya mwena kombinga yiifuta yaGermany
Omapangelo lyaNamibia naGermany oga tsu kumwe kombinga yiifuta omolwa omadhipago gakiinahenda ngoka ganingilwa aakwashigwana yomuhoko gwAaNama nAaherero moomvula dhuukoloni.
OGONE TLHAGE
OVENDUKA
Ø Germany taka gandja woo ombili yopambelewa
Etsokumwe ndyoka olya ningwa sha landula oonkundathana dhoka dha ningwa uule oomvula odhindji.
Etsokumwe ndyoka olya holekwa moNamibia kape na niitya yopambelewa okuza kepangelo lyaNamibia.
Omanga oshifo shika inashi nyanyangithwa, osha tseyithilwa kutya uuministeli womakwatathano gopaigwana otashi vulika wu ka pitithe omukanda moshinima shika.
Patsokumwe ndyoka, Germany okwa zimine kutya omadhipago gaakwashigwana mboka oga kiinahenda. Omukalelipo gwaNamibia moonkundathana dhoka, Dr Zed Ngavirue oshowo omunapaliamende nale gwaGerman Ruprecht Polenz, oya tungupo omukanda gwopamuhanga moBerlin, palopota ya pitithwa koradio yaGerman yoDeutschlandfunk.
Etsokumwe ndyoka okwa tegelelwa li ka shainwe koominista dhomakwatathano gopaigwana giilongo mbyoka iyali muule wiiwike iyali twa taalela.
Omupresidende gwaGermany, Frank-Walter Steinmeier, okwa tegelelwa a ka kale poshituthi shoka nokugandja ombili moPaliamende.
German otaka gandja omayambidhidho gopaiyemo koopoloyeka dhoshigwana kaakwashigwana yomihoko dhoka sha gumwa komadhipago ngoka.
Sho a yamykula kombnga yetsokumwe ndyoka, omunapolotika Ida Hoffman okwa popi kutya epangelo lyaGerman inali ungaunga noonkundathana dhoka momukalo guli nawa.
Okwa popi kutya omukalo ngoka ya longitha moonkundathana dhoka otagu lulumike ta gwedhapo kutya iimaliwa ha yo awike itayi vulu okukandulapo shoka sha ningwa.
“Otwa hala edhiminathanopo ihe omomukalo guukwashili. Uuntu wetu natango owuli pevi niimaliwa kayi na shoka tayi ningi.”
Ngavirue oshowo minista Netumbo Nandi-Ndaitwah inaya vula okumonika opo ya tye sha.
Oonkundathana dhoka odha tamekele momvula yo 2015.
OVENDUKA
Ø Germany taka gandja woo ombili yopambelewa
Etsokumwe ndyoka olya ningwa sha landula oonkundathana dhoka dha ningwa uule oomvula odhindji.
Etsokumwe ndyoka olya holekwa moNamibia kape na niitya yopambelewa okuza kepangelo lyaNamibia.
Omanga oshifo shika inashi nyanyangithwa, osha tseyithilwa kutya uuministeli womakwatathano gopaigwana otashi vulika wu ka pitithe omukanda moshinima shika.
Patsokumwe ndyoka, Germany okwa zimine kutya omadhipago gaakwashigwana mboka oga kiinahenda. Omukalelipo gwaNamibia moonkundathana dhoka, Dr Zed Ngavirue oshowo omunapaliamende nale gwaGerman Ruprecht Polenz, oya tungupo omukanda gwopamuhanga moBerlin, palopota ya pitithwa koradio yaGerman yoDeutschlandfunk.
Etsokumwe ndyoka okwa tegelelwa li ka shainwe koominista dhomakwatathano gopaigwana giilongo mbyoka iyali muule wiiwike iyali twa taalela.
Omupresidende gwaGermany, Frank-Walter Steinmeier, okwa tegelelwa a ka kale poshituthi shoka nokugandja ombili moPaliamende.
German otaka gandja omayambidhidho gopaiyemo koopoloyeka dhoshigwana kaakwashigwana yomihoko dhoka sha gumwa komadhipago ngoka.
Sho a yamykula kombnga yetsokumwe ndyoka, omunapolotika Ida Hoffman okwa popi kutya epangelo lyaGerman inali ungaunga noonkundathana dhoka momukalo guli nawa.
Okwa popi kutya omukalo ngoka ya longitha moonkundathana dhoka otagu lulumike ta gwedhapo kutya iimaliwa ha yo awike itayi vulu okukandulapo shoka sha ningwa.
“Otwa hala edhiminathanopo ihe omomukalo guukwashili. Uuntu wetu natango owuli pevi niimaliwa kayi na shoka tayi ningi.”
Ngavirue oshowo minista Netumbo Nandi-Ndaitwah inaya vula okumonika opo ya tye sha.
Oonkundathana dhoka odha tamekele momvula yo 2015.
Comments
Namibian Sun
No comments have been left on this article