Emanya lyombila lya hanagulwa po mOndangwa
Omunashipundi gwokomitiye yelelo lyaNdangwa, Andreas Kalumbu okwa patulula oshipotha sheyonagulo lyeliko, sha tulilwamo Omundohotola Salomo Amadhila, ngoka a hanagulapo emanya lyombila ya yina yaKalumbu ndyoka lya li mehala lyaAmadhila mOlukolo mOndangwa.
Amadhila okwa hanagulapo emanya ndyoka nokulyuumbila mepandanda mehuliloshiwike lya piti.
Kalumbu okwa popiwa kutya okwa tulapo emanya ndyoka inaya mekwatathano namwene gwevi naashoka osha geyitha Amadhila. Pahapu dhaKalumbu, yina Maria Iithindi okwa hulitha momvula yo1958 na okwa fumbikwa pehala mpoka pe na ngashiingeyi Amadhila. Momvula yo 2017, okwa tokola okutula ombila ya yina emanya.
“Momvula yo 1958 shomeme a hulitha ehala ndyoka olya li lyanakusa Fillipus Jacob na okwa gandja oshitopolwa shevi lye opo pu fumbikwe meme. Evi konima olya kuthwako kuhe yaAmadhila, nokonima olya ningi lyaAmadhila. Onda tokola okutulapo emanya opo kandi kanithe ombila yameme,” Kalumbu a popi.Kalumbu okwa popi kutya omanga ina tulapo emanya ndyoka okwa yi naantu kuAmadhila opo a vule okutulapo emanya ndyoka ihe inaya tsa kumwe. Konima okwa tokola nduno okutulapo emanya ndyoka.
Kalumbu okwa popi kutya kuyele nuumvo okwa mono omukanda gwa zilile kuhahende yaAmadhila kutya emanya ndyoka otali kuthwa po.
Kalumbu okwa tsikile kutya okwa ningi ekwatathano nahahende gwe, elelo lyondoolopa oshowo elelo lyopamuthigululwakalo.
“Ngashiingeyi sho ya hanagulapo emanya lyameme, otaya ka ninga ngiini iipongolo yameme mbyoka ya kala pehala mpoka omanga inaye ya po, nayo otaye yi fulumo, na omolwashike?”
Momasiku 25 gaApilili, elelo lyaNdangwa oya mono omukanda okuza kuhahende gwepangelo, Jabulani Ncube, ngoka moka a holola kutya Kalumbu ina gandja omatompelo ge kutya omolwashike andopa okukutha po emanya na oshi li meni lyuuthemba waAmadhila okukutha po emanya ndyoka molwaashoka Kalumbu okwa ndopa okulandula omilandu dhelelo lyondoolopa.
Amadhila ina vula okumonika opo a tye sha kehokololo ndika, noNamibian Sun oya tseyithilwa kutya okwa za mo moshilongo.
Omunambelewa Omukuluntu gwelelo lyaNdangwa, Ismael Namgongo okwa popi kutya evi lyaAmadhila, oli li meni lyoongamba dhondoolopa.
“Otuuvike kutya shotate Kalumbu a ningi etokolo ndyoka inaya moonkundathana naAmadhila nenge elelo lyondoolopa. Omilandu dhelelo kombinga yomayendo otadhi ti ngele omuntu okwa hala okutulapo emanya nena oshi na okuningwa tashi ziminwa kelelo lyondoolopa, naashoka inashi ningwa.”
Namgongo okwa popi kutya onga elelo yondoolopa oya hala okwiidhopamo ihe oya hala woo aalumentu mboka yakandulepo omukundu gwawo yoyene, molwaashoka ndyoka evi lyopaumwene sho mwene gwevi ina futwa natango.
Kansela gwelelo lyOpamuthigululwakalo mOndonga, Tomas Akwenya okwa popi kutya oya tseyithilwa kombinga yenanathano pokati kaalumentu mboka yaali, kuKalumbu ihe inaya tsakanena pamwe naalumentu mboka.
Kalumbu okwa popi kutya ita kutha po emanya ndyoka ya hanagulwapo nokweekelwa mepandaanda.
ILENI NANDJATO
Amadhila okwa hanagulapo emanya ndyoka nokulyuumbila mepandanda mehuliloshiwike lya piti.
Kalumbu okwa popiwa kutya okwa tulapo emanya ndyoka inaya mekwatathano namwene gwevi naashoka osha geyitha Amadhila. Pahapu dhaKalumbu, yina Maria Iithindi okwa hulitha momvula yo1958 na okwa fumbikwa pehala mpoka pe na ngashiingeyi Amadhila. Momvula yo 2017, okwa tokola okutula ombila ya yina emanya.
“Momvula yo 1958 shomeme a hulitha ehala ndyoka olya li lyanakusa Fillipus Jacob na okwa gandja oshitopolwa shevi lye opo pu fumbikwe meme. Evi konima olya kuthwako kuhe yaAmadhila, nokonima olya ningi lyaAmadhila. Onda tokola okutulapo emanya opo kandi kanithe ombila yameme,” Kalumbu a popi.Kalumbu okwa popi kutya omanga ina tulapo emanya ndyoka okwa yi naantu kuAmadhila opo a vule okutulapo emanya ndyoka ihe inaya tsa kumwe. Konima okwa tokola nduno okutulapo emanya ndyoka.
Kalumbu okwa popi kutya kuyele nuumvo okwa mono omukanda gwa zilile kuhahende yaAmadhila kutya emanya ndyoka otali kuthwa po.
Kalumbu okwa tsikile kutya okwa ningi ekwatathano nahahende gwe, elelo lyondoolopa oshowo elelo lyopamuthigululwakalo.
“Ngashiingeyi sho ya hanagulapo emanya lyameme, otaya ka ninga ngiini iipongolo yameme mbyoka ya kala pehala mpoka omanga inaye ya po, nayo otaye yi fulumo, na omolwashike?”
Momasiku 25 gaApilili, elelo lyaNdangwa oya mono omukanda okuza kuhahende gwepangelo, Jabulani Ncube, ngoka moka a holola kutya Kalumbu ina gandja omatompelo ge kutya omolwashike andopa okukutha po emanya na oshi li meni lyuuthemba waAmadhila okukutha po emanya ndyoka molwaashoka Kalumbu okwa ndopa okulandula omilandu dhelelo lyondoolopa.
Amadhila ina vula okumonika opo a tye sha kehokololo ndika, noNamibian Sun oya tseyithilwa kutya okwa za mo moshilongo.
Omunambelewa Omukuluntu gwelelo lyaNdangwa, Ismael Namgongo okwa popi kutya evi lyaAmadhila, oli li meni lyoongamba dhondoolopa.
“Otuuvike kutya shotate Kalumbu a ningi etokolo ndyoka inaya moonkundathana naAmadhila nenge elelo lyondoolopa. Omilandu dhelelo kombinga yomayendo otadhi ti ngele omuntu okwa hala okutulapo emanya nena oshi na okuningwa tashi ziminwa kelelo lyondoolopa, naashoka inashi ningwa.”
Namgongo okwa popi kutya onga elelo yondoolopa oya hala okwiidhopamo ihe oya hala woo aalumentu mboka yakandulepo omukundu gwawo yoyene, molwaashoka ndyoka evi lyopaumwene sho mwene gwevi ina futwa natango.
Kansela gwelelo lyOpamuthigululwakalo mOndonga, Tomas Akwenya okwa popi kutya oya tseyithilwa kombinga yenanathano pokati kaalumentu mboka yaali, kuKalumbu ihe inaya tsakanena pamwe naalumentu mboka.
Kalumbu okwa popi kutya ita kutha po emanya ndyoka ya hanagulwapo nokweekelwa mepandaanda.
ILENI NANDJATO
Comments
Namibian Sun
No comments have been left on this article