Elongo lyomiti dhoARV moNamibia lya hulile ondjilakati manga
Ehangano lyokulonga omiti lyedhina Fabupharm oli na omukumo kutya epangelo otali ka yambidhidha mokulanda omuti okuza kehangano ndyoka opo li pulekomeho noompangela dhokunduluka omiti ndhoka.
Ehangano ndyoka olya li lya tseyitha oompangela dhalyo dhokunduluka omiti ndhoka muJuni gwomvula yo 2015 na olya popi kutya olya pumbwa eyambidhidho lyepangelo.
Omunambelewa omukuluntu gwoFabupharm, Fanie Badenhorst Snr, okwa popi kutya epangelo olya pumbwa okulongela kumwe nehangano ndyoka moompangela dhehangano tadhi ithanwa ‘Growth at Home’ opo ya vule okutula po etsokumwe lyelando lyomiti ndhoka, yo ya vule okukala taya longo omiti ndhoka moshilongo.
MuDesemba gwomvula yo 2016, oompangela dhehangano ndyoka dhokutopola omiti ndhoka momalanditho gomoshilongo odha yiwa moshipala koompangela dhetungo lyoongulumpungulilo dhomiti onene mOkahandja.
Nonando Fabupharm okwa tsakanena nepangelo opo ya kundathane ondungethaneko ndjoka yokulonga omiti dhoARVs moshilongo, kape na oshindji shoka sha ningwa po.
Badenhorst pethimbo a li a ningwa naye oonkundathana koshifokundaneki shooNamibian Sun momvula yo 2016, okwa li a popi kutya konyala yo oya manitha nale oompangela dhawo nomashina gawo gokulongitha oye na nale na oya tegelela owala epangelo li tokole noku ya kwashilipaleka ngele otali ka landa tuu omiti ndhoka okuza kehangano ngele olya tameke tali longo omiti ndhoka.
Momvula oyo tuundjoka, uuministeli wuundjolowele owa landa ondumba yomiti dhoARV inadhi shangithwa kongushu yoomiliyona 64, inaku landulwa woo omilandu dhegandjo lyootendela.
Pauyelele wo2014 National HIV Sentinel Survey, Namibia oku na omwaalu gwaakwashigwana ya thika po 215 000 mboka taya lumbu nombuto yoHIV/AIDS omanga aantu yeli po 131 103 ye li kepango lyombuto ndjoka na ohaya mono omiti dhoARV.
Omukomeho gwoCentres for Disease Control and the Prevention moprograma yoUS President's Emergency Plan for AIDS Relief (Pepfar), Eric Dziuban, okwa popi oshiwike shika kutya omwaalu gwaakuluntu mboka taya lumbu nombuto, yoomvula dhi li pokati ko 13 okuya pombanda, ogwa shuna pevi okuza paantu 240 000 okuya po 200 000 pokati ko 1991 no 2016.
“Shoka osha hala okutya omukuluntu owala gumwe gwomaakuluntu 10 a kwatwa kombuto yoHIV, oshowo iipotha yomukithi ngoka ya thika po 25 iipe nomaso 11 ge na ekwatathano nombuto ndjoka,kehe esiku.”
OGONE TLHAGE
Omunambelewa omukuluntu gwoFabupharm, Fanie Badenhorst Snr, okwa popi kutya epangelo olya pumbwa okulongela kumwe nehangano ndyoka moompangela dhehangano tadhi ithanwa ‘Growth at Home’ opo ya vule okutula po etsokumwe lyelando lyomiti ndhoka, yo ya vule okukala taya longo omiti ndhoka moshilongo.
MuDesemba gwomvula yo 2016, oompangela dhehangano ndyoka dhokutopola omiti ndhoka momalanditho gomoshilongo odha yiwa moshipala koompangela dhetungo lyoongulumpungulilo dhomiti onene mOkahandja.
Nonando Fabupharm okwa tsakanena nepangelo opo ya kundathane ondungethaneko ndjoka yokulonga omiti dhoARVs moshilongo, kape na oshindji shoka sha ningwa po.
Badenhorst pethimbo a li a ningwa naye oonkundathana koshifokundaneki shooNamibian Sun momvula yo 2016, okwa li a popi kutya konyala yo oya manitha nale oompangela dhawo nomashina gawo gokulongitha oye na nale na oya tegelela owala epangelo li tokole noku ya kwashilipaleka ngele otali ka landa tuu omiti ndhoka okuza kehangano ngele olya tameke tali longo omiti ndhoka.
Momvula oyo tuundjoka, uuministeli wuundjolowele owa landa ondumba yomiti dhoARV inadhi shangithwa kongushu yoomiliyona 64, inaku landulwa woo omilandu dhegandjo lyootendela.
Pauyelele wo2014 National HIV Sentinel Survey, Namibia oku na omwaalu gwaakwashigwana ya thika po 215 000 mboka taya lumbu nombuto yoHIV/AIDS omanga aantu yeli po 131 103 ye li kepango lyombuto ndjoka na ohaya mono omiti dhoARV.
Omukomeho gwoCentres for Disease Control and the Prevention moprograma yoUS President's Emergency Plan for AIDS Relief (Pepfar), Eric Dziuban, okwa popi oshiwike shika kutya omwaalu gwaakuluntu mboka taya lumbu nombuto, yoomvula dhi li pokati ko 13 okuya pombanda, ogwa shuna pevi okuza paantu 240 000 okuya po 200 000 pokati ko 1991 no 2016.
“Shoka osha hala okutya omukuluntu owala gumwe gwomaakuluntu 10 a kwatwa kombuto yoHIV, oshowo iipotha yomukithi ngoka ya thika po 25 iipe nomaso 11 ge na ekwatathano nombuto ndjoka,kehe esiku.”
OGONE TLHAGE
Comments
Namibian Sun
No comments have been left on this article