Elongitho lyiimaliwa moshikondo shegameno oli li pombanda
Nonando Namibia okuli oshilongo oshinambili, okuli gumwe gwomomusholondondo gwiilongo hayi longitha omwaalu omunene gwiimaliwa moshikondo shegameno lyoshilongo.
Elongitho lyiimaliwa moshikondo shegameno lyaNamibia olya londo pombanda noonkondo muule woomvula dha piti, okuza poobiliyona 2.8 mo 2007 okuya poobiliyona 7 mo 2016. Oshikondo shoka oshi li shimwe shomiikondo hayi mono omwaalu omunene gwiimaliwa yomutengenekwathaneko gwopashigwana okuza kepangelo lyoshilongo.
Okuyeleka niilonga iikwawo muAfrika, oshikondo shegameno shaNamibia oshi li ponomola ontitano muAfrika, miilongo mbyoka hayi longitha omwaalu omunene gwiimaliwa a landula iilongo ngaashi Algeria, Botswana, Congo oshowo Mauritius.
Uuyelele mboka owa pitithwa koStockholm International Peace Research Institute's (Sipri) military expenditure project, ndjoka ya nuninwa okweeta polweela uuyelele welongitho lyiimaliwa miikondo yegameno.
Namibia okwa talika omeho mo 2o15, sha landula sho oshilongo sha hololwa kutya osha pewa egwedheleo lyomwaalu omunene gwelongo lyiimaliwa moshikondo shegameno. Omagwedhelo ngoka oga londo pombanda noopresenda 200, pauyelele mboka wa pitithwa koSipri.
Ehangano ndyoka ohali longitha iimaliwa yaAmerika mokuninga omapekaapeko gawo na olya tothamo omvula 2014.
Elongitho lyiimaliwa moshikondo shegameno lyaNamibia olya londo okuya poopresenda 4.4 mo 2015, oshowo poopresenda 4.1 mo 2014.
Namibia oshimwe shomiilongo hayi longitha iimaliwa oyindji moshikondo shoka, okutala woo komwaalu gwaakwashigwana moshilongo nonando oshilongo inashi kala niita konima sho sha mono emanguluko lyasho.
Nonando omvula yo 2016 oya li omvula ontiyali yeshunitho pevi lyomwaalu gwiimaliwa ngoka hagu longithwa miikondo yegameno muAfrika, elongitho lyiimaliwa miikondo mbyoka menenevi Afrika olya thikama poobiliyona dhaAmerika 37.9 na oli li eshuno pevi lyoopresenda 1.3 okuyeleka nomvula yo 2015.
Nonando okwa dhidhilikwa eshuno pevi ndyoka, natango aakwiita yiilongo yaAfrika otaya longitha iimaliwa oyindji neyopombanda lyoopresenda 48 okuyeleka noomvula 10 dha piti. MoNamibia osha monika mo kutya elongitho lyiimaliwa moshikondo shoka mo 2007 olya li pooUS$203 million (N$2.8 billion), US$312 million (N$4.1 billion) 2013, 2015 olya li pooUS$540 million (N$7.1 billion) na olya shuna pevi kashona mo 2016okuya pooU$500 million (N$7 billion).
Natango egandjo lyiimaliwa okuza kepangelo okuya koshikondoshoka olya londo pombanda okuza poobiliyoan 1.3 mo 2007 okuya poobiliyona 6.6 mo 2016.
Okuyeleka niilongo yilwe muumbugantu wAfrika, South Afrika okwa longitha ooUS$3 160 million momilitali ye mo 2016, Angola US$2 824 million, Botswana US$514 million, Zimbabwe US$358 million oshowo Zambia US$292 million.
Sipri pethimbo a ningi omapekaapeko ge okwa mono kutya elongitho lyiimaliwa moshikondo shegameno muuyuni olya li pooUS$1.69 trillion mo2016.
Iilongo mbyoka hayi longitha omwaalu omunene gwiimaliwa miikondo yegameno muuyuni oya tumbulwa okutya US, China, Russia, Saudi Arabia, India, France, UK, Japan, Germany oshowo South Korea.
Elongitho lyiimaliwa itali talika owala komwaalu gwiimaliwa ngoka hagu longithwa mokulanda iilwitho ihe otaku talika woo kiinima yilwe ngaashi omwaalu gwiimaliwa ngoka hagu longithwa mokufuta aaniilonga, oopenzela, iikwathithomiilonga, omapekaapeko nomayambulepo.
Namibia olundji okwa nyenyetelwa omolwa omwaalu omunene ngoka ta longitha moshikondo she shegameno nonando oshilongo oshi na ombili konima nkene sha manguluka mo 1990. Oshiputudhilo shoInstitute for Public Policy Research osha kunkilile kutya oobiliyona odhindji ndhoka tadhi pewa oshikondo shEgameno opo shi totepo oompito dhiilonga mokati kaanyasha yaNamibia oshi li oshinima sha puka noonkondo, nopehala iimaliwa mbyoka nayi longithwe mokuyambulapo iikondo yilwe.
ELLANIE SMIT
Okuyeleka niilonga iikwawo muAfrika, oshikondo shegameno shaNamibia oshi li ponomola ontitano muAfrika, miilongo mbyoka hayi longitha omwaalu omunene gwiimaliwa a landula iilongo ngaashi Algeria, Botswana, Congo oshowo Mauritius.
Uuyelele mboka owa pitithwa koStockholm International Peace Research Institute's (Sipri) military expenditure project, ndjoka ya nuninwa okweeta polweela uuyelele welongitho lyiimaliwa miikondo yegameno.
Namibia okwa talika omeho mo 2o15, sha landula sho oshilongo sha hololwa kutya osha pewa egwedheleo lyomwaalu omunene gwelongo lyiimaliwa moshikondo shegameno. Omagwedhelo ngoka oga londo pombanda noopresenda 200, pauyelele mboka wa pitithwa koSipri.
Ehangano ndyoka ohali longitha iimaliwa yaAmerika mokuninga omapekaapeko gawo na olya tothamo omvula 2014.
Elongitho lyiimaliwa moshikondo shegameno lyaNamibia olya londo okuya poopresenda 4.4 mo 2015, oshowo poopresenda 4.1 mo 2014.
Namibia oshimwe shomiilongo hayi longitha iimaliwa oyindji moshikondo shoka, okutala woo komwaalu gwaakwashigwana moshilongo nonando oshilongo inashi kala niita konima sho sha mono emanguluko lyasho.
Nonando omvula yo 2016 oya li omvula ontiyali yeshunitho pevi lyomwaalu gwiimaliwa ngoka hagu longithwa miikondo yegameno muAfrika, elongitho lyiimaliwa miikondo mbyoka menenevi Afrika olya thikama poobiliyona dhaAmerika 37.9 na oli li eshuno pevi lyoopresenda 1.3 okuyeleka nomvula yo 2015.
Nonando okwa dhidhilikwa eshuno pevi ndyoka, natango aakwiita yiilongo yaAfrika otaya longitha iimaliwa oyindji neyopombanda lyoopresenda 48 okuyeleka noomvula 10 dha piti. MoNamibia osha monika mo kutya elongitho lyiimaliwa moshikondo shoka mo 2007 olya li pooUS$203 million (N$2.8 billion), US$312 million (N$4.1 billion) 2013, 2015 olya li pooUS$540 million (N$7.1 billion) na olya shuna pevi kashona mo 2016okuya pooU$500 million (N$7 billion).
Natango egandjo lyiimaliwa okuza kepangelo okuya koshikondoshoka olya londo pombanda okuza poobiliyoan 1.3 mo 2007 okuya poobiliyona 6.6 mo 2016.
Okuyeleka niilongo yilwe muumbugantu wAfrika, South Afrika okwa longitha ooUS$3 160 million momilitali ye mo 2016, Angola US$2 824 million, Botswana US$514 million, Zimbabwe US$358 million oshowo Zambia US$292 million.
Sipri pethimbo a ningi omapekaapeko ge okwa mono kutya elongitho lyiimaliwa moshikondo shegameno muuyuni olya li pooUS$1.69 trillion mo2016.
Iilongo mbyoka hayi longitha omwaalu omunene gwiimaliwa miikondo yegameno muuyuni oya tumbulwa okutya US, China, Russia, Saudi Arabia, India, France, UK, Japan, Germany oshowo South Korea.
Elongitho lyiimaliwa itali talika owala komwaalu gwiimaliwa ngoka hagu longithwa mokulanda iilwitho ihe otaku talika woo kiinima yilwe ngaashi omwaalu gwiimaliwa ngoka hagu longithwa mokufuta aaniilonga, oopenzela, iikwathithomiilonga, omapekaapeko nomayambulepo.
Namibia olundji okwa nyenyetelwa omolwa omwaalu omunene ngoka ta longitha moshikondo she shegameno nonando oshilongo oshi na ombili konima nkene sha manguluka mo 1990. Oshiputudhilo shoInstitute for Public Policy Research osha kunkilile kutya oobiliyona odhindji ndhoka tadhi pewa oshikondo shEgameno opo shi totepo oompito dhiilonga mokati kaanyasha yaNamibia oshi li oshinima sha puka noonkondo, nopehala iimaliwa mbyoka nayi longithwe mokuyambulapo iikondo yilwe.
ELLANIE SMIT
Comments
Namibian Sun
No comments have been left on this article