Ekateko lyemanitho lyoshipotha shedhigapo
Ompangulilo yaMangestrata mOmbaye oya undulile komeho lwahugunina oshipotha shaalumentu yatano mboka taya tamanekekwa edhipago lyomunangeshefa mondoolopa moka.
Oshipotha shaalumentu mboka taya tamanekelwa edhipago lyomunangeshefa Hans Jorg Möller, osha undulilwa komasiku 24 gaKotomba nuumvo.
Aatamanekwa mboka oya holoka komeho yamangestrata
John Sindano mOmbaye oshiwike sha piti. “Kape na uumbangi tawu ulike kutya aatamanekwa mbaka yatano oyo ya longo oshimbuluma shoka,” mangestrata a popi.
“Pethimbo ndika oshipotha shoka osha kala momusholondondo gwiipotha yompangu uule woomwedhi 17 na itashi vulu we okuundulilwa komeho. Oshoshili kutya kehe eundulilo komeho tali ningwa napu kale omatompelo gomondjila.”
Sindano okwa tothwamo iitsa iyali, mbyoka yi li kutya aatamanekwa kaye na ondjo sigo uuna ya monika ondjo kompangu, oshowo ohokwe yoshigwana moshipotha shoka, ndjoka tayi utha kutya aatamanekwa naya pangulwe, nuuna ya monika ondjo nena naya pewe omageelo.
Omukalelipo gwepangelo moshipotha shoka,Theresia Hafeni okwa pula opo oshipotha shoka shuundulilwe komeho. Okwa popi kutya oshipotha osha kala ethimbo nuule mompangu, sho kwa kala kwategelelwa etokolo okuza kOmbelewa yOmupanguli-ndjai. Okwa tsikile kutya Omupanguli-ndjai okwa holola kutya natango okwa pumbiwa omwedhi gumwe opo ku vule okuningwa etokolo moshipotha shoka, na okwa popi kutya aakuthimbinga moshipotha otaya longo nuudhiginini opo oshipotha shoka shi vule okumanithwa mbala.
Hafeni okwa popi kutya oonakupangulwa oye na woo iipotha yilwe moondjokonona dhawo naashoka osho tashi etitha opo ku ha popilwe egandjo lyomboloha kuyo. Okwa tsikile woo kutya aakalimo yomOmbaye oye na ohokwe mepulakeno lyoshipotha shoka.
Hahende Mpokiseng Dube, ta kalelepo, David Tashiya (29), David Shekundja (35) oshowo Panduleni Gotlieb (30) ngoka ta kalelwapo kuAsnath Kashipara, itaya popile eundulilo komeho lyoshipotha shoka.
Okwa pula po aatamanekwa mboka yapewe omboloha kwiikwatelelwa kotopolwa onti 3 oshowo 12 yEkotampango lyaNamibia.
Dube okwa dhimbulukitha ompangu kutya omutamanekwa gwotango okwa tulwa miipandeko momasiku 18 gaJuni omvula ya piti.
Hahende Albert Titus, ngoka ta kalelepo Elly Ndapuka Hinaivali (29) oshowo Malakia Shiweda (28), okwa tsu kumwe nomaiyuvo gaDube.
Möller okwa yahwa mepunda omanga a kambadhala okugamena omukulukadhi gwe, Carol-Ann Sowden Möller, osho aanona yawo yaali yoomvula 6 noomvula 4, pethimbo ya ponokelwa megumbo lyawo mOmbaye muJuni gwo-2016.
Aatamanekwa oya tindi ondjo moshipotha shedhipago shoka taya tamanekelwa, okukala nondjembo niikuti yaana oombaapila oshowo omuyeka kwahomatiwa, pethimbo ya holoka mompangulilo, omathimbo ga piti.
OTIS FINCK
Aatamanekwa mboka oya holoka komeho yamangestrata
John Sindano mOmbaye oshiwike sha piti. “Kape na uumbangi tawu ulike kutya aatamanekwa mbaka yatano oyo ya longo oshimbuluma shoka,” mangestrata a popi.
“Pethimbo ndika oshipotha shoka osha kala momusholondondo gwiipotha yompangu uule woomwedhi 17 na itashi vulu we okuundulilwa komeho. Oshoshili kutya kehe eundulilo komeho tali ningwa napu kale omatompelo gomondjila.”
Sindano okwa tothwamo iitsa iyali, mbyoka yi li kutya aatamanekwa kaye na ondjo sigo uuna ya monika ondjo kompangu, oshowo ohokwe yoshigwana moshipotha shoka, ndjoka tayi utha kutya aatamanekwa naya pangulwe, nuuna ya monika ondjo nena naya pewe omageelo.
Omukalelipo gwepangelo moshipotha shoka,Theresia Hafeni okwa pula opo oshipotha shoka shuundulilwe komeho. Okwa popi kutya oshipotha osha kala ethimbo nuule mompangu, sho kwa kala kwategelelwa etokolo okuza kOmbelewa yOmupanguli-ndjai. Okwa tsikile kutya Omupanguli-ndjai okwa holola kutya natango okwa pumbiwa omwedhi gumwe opo ku vule okuningwa etokolo moshipotha shoka, na okwa popi kutya aakuthimbinga moshipotha otaya longo nuudhiginini opo oshipotha shoka shi vule okumanithwa mbala.
Hafeni okwa popi kutya oonakupangulwa oye na woo iipotha yilwe moondjokonona dhawo naashoka osho tashi etitha opo ku ha popilwe egandjo lyomboloha kuyo. Okwa tsikile woo kutya aakalimo yomOmbaye oye na ohokwe mepulakeno lyoshipotha shoka.
Hahende Mpokiseng Dube, ta kalelepo, David Tashiya (29), David Shekundja (35) oshowo Panduleni Gotlieb (30) ngoka ta kalelwapo kuAsnath Kashipara, itaya popile eundulilo komeho lyoshipotha shoka.
Okwa pula po aatamanekwa mboka yapewe omboloha kwiikwatelelwa kotopolwa onti 3 oshowo 12 yEkotampango lyaNamibia.
Dube okwa dhimbulukitha ompangu kutya omutamanekwa gwotango okwa tulwa miipandeko momasiku 18 gaJuni omvula ya piti.
Hahende Albert Titus, ngoka ta kalelepo Elly Ndapuka Hinaivali (29) oshowo Malakia Shiweda (28), okwa tsu kumwe nomaiyuvo gaDube.
Möller okwa yahwa mepunda omanga a kambadhala okugamena omukulukadhi gwe, Carol-Ann Sowden Möller, osho aanona yawo yaali yoomvula 6 noomvula 4, pethimbo ya ponokelwa megumbo lyawo mOmbaye muJuni gwo-2016.
Aatamanekwa oya tindi ondjo moshipotha shedhipago shoka taya tamanekelwa, okukala nondjembo niikuti yaana oombaapila oshowo omuyeka kwahomatiwa, pethimbo ya holoka mompangulilo, omathimbo ga piti.
OTIS FINCK
Comments
Namibian Sun
No comments have been left on this article