Babi nomulanduli gwe ya tulilwamo ishewe oshipotha
FRANCOISE STEYNBERG
OVENDUKA
Jackson Babi (30) pamwe nomulanduli gwe, Ananias Ananias, oya holoka mompangulilo yamangetrata gwaVenduka taya tamanekelwa iipotha iyali yuulingilingi.
Ananias (37) okwa kambadhala okufuta ombumbo omunambelelwa ngoka ta konaakona oshipotha shaBabi shuukongo waaheli paveta mOvenduka, mEtitano lya piti.
Okwa li ta gandja aniwa oshimaliwa shooN$13 000 opo a kwashilipaleke Babi a mone omboloha.
Omukalelipo gwepangelo moshipotha, Rowan van Wyk okwa tindi egandjo lyomboloha kuBabi nomatompelo kutya otashi vulika a kaye moshipala omakonaakono gopolisi.
Okwa pula oshipotha shi undulilwe komasiku 24 gaJuli, sho Babi kwa tegelelwa a holoke mompangu omolwa oshipotha she shuukongo.
Omukalelipo gwopaveta gwaalumentu mboka, Kadhila Amoomo, okwa nyenyeta kutya aayakulwa ye itaya pewa epwaakeno lyomboloha li li pauyuuki.
“Omauyelele nuumutse waayakulwa yandje oshowo omathano otaga pitithwa monanguwi komupolisi nenge kokakomisi koAnti-Corruption Commission nokutopolwa komapandja gomakwatathano gopainternet.”
Van Wyk okwa popi kutya ye okwa mono owala epeko potundi onti 10:00 mOmaandaha na ina mona kutya omauyelele ngoka oga pitithwa ngiini.
“Ompangu itayi vulu oku tya sha kombinga yomauyelele ngoka ga pitithwa molwaashoka onzo kayi shiwike natango,” Mangestrata Samunzela Samunzela a popi.
Mangestrata okwa kaleke mondjeedhililo aalumentu mboka sigo okomasiku 24 gaJuli.
Pethimbo Babi a holoka mompangu nale, Ananias okwa a dhenge omutoolinkundana nethano lye moshipala, sho a kambadhala okuthaneka BabiMomaandaha natango aalandula yaBabi oya gamene Babi opo ka thanekwe.
Babi pamwe naafekelwa yalwe oya taalela oshipotha shuukongo natango moGibabis, shoka sha undulilwa komasiku 15 gaSeptemba.
OVENDUKA
Jackson Babi (30) pamwe nomulanduli gwe, Ananias Ananias, oya holoka mompangulilo yamangetrata gwaVenduka taya tamanekelwa iipotha iyali yuulingilingi.
Ananias (37) okwa kambadhala okufuta ombumbo omunambelelwa ngoka ta konaakona oshipotha shaBabi shuukongo waaheli paveta mOvenduka, mEtitano lya piti.
Okwa li ta gandja aniwa oshimaliwa shooN$13 000 opo a kwashilipaleke Babi a mone omboloha.
Omukalelipo gwepangelo moshipotha, Rowan van Wyk okwa tindi egandjo lyomboloha kuBabi nomatompelo kutya otashi vulika a kaye moshipala omakonaakono gopolisi.
Okwa pula oshipotha shi undulilwe komasiku 24 gaJuli, sho Babi kwa tegelelwa a holoke mompangu omolwa oshipotha she shuukongo.
Omukalelipo gwopaveta gwaalumentu mboka, Kadhila Amoomo, okwa nyenyeta kutya aayakulwa ye itaya pewa epwaakeno lyomboloha li li pauyuuki.
“Omauyelele nuumutse waayakulwa yandje oshowo omathano otaga pitithwa monanguwi komupolisi nenge kokakomisi koAnti-Corruption Commission nokutopolwa komapandja gomakwatathano gopainternet.”
Van Wyk okwa popi kutya ye okwa mono owala epeko potundi onti 10:00 mOmaandaha na ina mona kutya omauyelele ngoka oga pitithwa ngiini.
“Ompangu itayi vulu oku tya sha kombinga yomauyelele ngoka ga pitithwa molwaashoka onzo kayi shiwike natango,” Mangestrata Samunzela Samunzela a popi.
Mangestrata okwa kaleke mondjeedhililo aalumentu mboka sigo okomasiku 24 gaJuli.
Pethimbo Babi a holoka mompangu nale, Ananias okwa a dhenge omutoolinkundana nethano lye moshipala, sho a kambadhala okuthaneka BabiMomaandaha natango aalandula yaBabi oya gamene Babi opo ka thanekwe.
Babi pamwe naafekelwa yalwe oya taalela oshipotha shuukongo natango moGibabis, shoka sha undulilwa komasiku 15 gaSeptemba.
Comments
Namibian Sun
No comments have been left on this article