AMTA a pulwa a yambidhidhe aanamapya
Onga oonkambadhala dhokutotapo ongeshefa yaanamapya moshilongo, oshowo okuninga omalongekidho gokutuma pondje yoshilongo iilongomwa yawo, ehangano lyoAgro-Marketing and Trading Agency (AMTA) olya yi metsokumwe nostola yoFysal Fresh Produce opo yi longele moAMTA moshilongo ashihe.
Oshiputudhilo shepangelo, AMTA oshi na omukumo kutya ontseyo yostola yoFysal melanditho lyiihape otayi ka hwahwameka nokuyambulapo ongeshefa yiipindi yaanafaalama yomomapya niikunino, paku tuma momalandithia gaAngola naSouth Afrika iilongomwa yawo. Momaandaha AMTA okwa tula miilonga etsokumwe naFysal poompungulilo dhopangeshefa dhehangano ndyoka mOngwediva. Etulo miilonga ndyoka olya kaliwa komupresidende nale, Hifikepunye Pohamba, oshowo oongoloneya yiitopolwa ngaashi oshana,Oshikoto noKavango West, oshowo aanangeshefa oyendji yomonooli yoshilongo. Pohamba okwa ti opo aanafaalama mboka ya vule okutsuwa omukumo opo ya tule momalanditho iilongomwa yawo, nena AMTA na kale a pyakudhukwa okufuta aanamapya mboka iimaliwa tayi kalelepo ongushu yiilongomwa yawo.
“Ngele omwa hala okutsa omukumo aantu moshilongo shika opo ya vule okulonga oondya dha gwana, nena natu ya nyanyudheni. Uuna ya longo iilongwomwa yawo oyindji nena naya mone iiyemo tayi shambula opo ya vule okukalonga ishewe.
Otashi kwatha shike aantu taya longo neitulemo ihe iilongomwa yawo otayi landithwa po kongushu yopevi?” Pohamba a pula. Pohamba okwa popi kutya nuumvo okwa lombwelwa kanafaalama yomahangu moKavango kutya oya longo ootona odhindji dhomahangu ihe oya tokola kutya itaya landitha po omahangu gawo kuAMTA molwaashoka ohaya pewa iifuta iishona, okuyeleka nongushu yiilandithomwa yawo. Omukomeho gwoAMTA, Lucas Lungameni, okwa popi kutya okuya metsokumwe naFysal, shoka otashi ka yambulapo iipindi. Okwa popi kutya elalakano lyawo okukwashilipaleka kutya Fysal okwa kwatelamo aanafaalama yomoshilongo momalanditho gawo, uuna taya tumu iilandithomwa yawo momalanditho gaSouth Afrika naAngola.
AMTA oku na oompungulilo dhiihape niilikolomwa yomiikunino dhi li mbali mOngwediva noRundu, na oku na woo endiki lyomagongelelo mOvenduka. Ongwediva Fresh Produce Business Hub oya patuulwa pambelewa kuPohamba momasiku ga 4 gaMei mo 2013. Fysal monena okwa wayimina omahangano galwe ngaashi Stampriet Fresh Produce, Afri Fresh oshowo Olushandja Horticulture Producers, mboka taya longele okuza moAMTA mOngwediva. Sho a endaenda moompungulilo ndhoka mOmaandaha, Pohamba okwa popi kutya okwa nyanyukwa sho ondjodhi yepangelo, okutotapo endiki ndyoka ya tsu, na otayi gandja iizemo iiwanawa. Omunashipundi gwelelo lyoFysal, Thomas Indji,okwa popi kutya muule woomvula dha piti, Fysal okwa longela oshigwana shomonooli yoshilongo netumba na otaya tsikile nokugandja ompito yomalanditho kaanafaalama yiikunino nomapya.
ILENI NANDJATO
Oshiputudhilo shepangelo, AMTA oshi na omukumo kutya ontseyo yostola yoFysal melanditho lyiihape otayi ka hwahwameka nokuyambulapo ongeshefa yiipindi yaanafaalama yomomapya niikunino, paku tuma momalandithia gaAngola naSouth Afrika iilongomwa yawo. Momaandaha AMTA okwa tula miilonga etsokumwe naFysal poompungulilo dhopangeshefa dhehangano ndyoka mOngwediva. Etulo miilonga ndyoka olya kaliwa komupresidende nale, Hifikepunye Pohamba, oshowo oongoloneya yiitopolwa ngaashi oshana,Oshikoto noKavango West, oshowo aanangeshefa oyendji yomonooli yoshilongo. Pohamba okwa ti opo aanafaalama mboka ya vule okutsuwa omukumo opo ya tule momalanditho iilongomwa yawo, nena AMTA na kale a pyakudhukwa okufuta aanamapya mboka iimaliwa tayi kalelepo ongushu yiilongomwa yawo.
“Ngele omwa hala okutsa omukumo aantu moshilongo shika opo ya vule okulonga oondya dha gwana, nena natu ya nyanyudheni. Uuna ya longo iilongwomwa yawo oyindji nena naya mone iiyemo tayi shambula opo ya vule okukalonga ishewe.
Otashi kwatha shike aantu taya longo neitulemo ihe iilongomwa yawo otayi landithwa po kongushu yopevi?” Pohamba a pula. Pohamba okwa popi kutya nuumvo okwa lombwelwa kanafaalama yomahangu moKavango kutya oya longo ootona odhindji dhomahangu ihe oya tokola kutya itaya landitha po omahangu gawo kuAMTA molwaashoka ohaya pewa iifuta iishona, okuyeleka nongushu yiilandithomwa yawo. Omukomeho gwoAMTA, Lucas Lungameni, okwa popi kutya okuya metsokumwe naFysal, shoka otashi ka yambulapo iipindi. Okwa popi kutya elalakano lyawo okukwashilipaleka kutya Fysal okwa kwatelamo aanafaalama yomoshilongo momalanditho gawo, uuna taya tumu iilandithomwa yawo momalanditho gaSouth Afrika naAngola.
AMTA oku na oompungulilo dhiihape niilikolomwa yomiikunino dhi li mbali mOngwediva noRundu, na oku na woo endiki lyomagongelelo mOvenduka. Ongwediva Fresh Produce Business Hub oya patuulwa pambelewa kuPohamba momasiku ga 4 gaMei mo 2013. Fysal monena okwa wayimina omahangano galwe ngaashi Stampriet Fresh Produce, Afri Fresh oshowo Olushandja Horticulture Producers, mboka taya longele okuza moAMTA mOngwediva. Sho a endaenda moompungulilo ndhoka mOmaandaha, Pohamba okwa popi kutya okwa nyanyukwa sho ondjodhi yepangelo, okutotapo endiki ndyoka ya tsu, na otayi gandja iizemo iiwanawa. Omunashipundi gwelelo lyoFysal, Thomas Indji,okwa popi kutya muule woomvula dha piti, Fysal okwa longela oshigwana shomonooli yoshilongo netumba na otaya tsikile nokugandja ompito yomalanditho kaanafaalama yiikunino nomapya.
ILENI NANDJATO
Comments
Namibian Sun
No comments have been left on this article