Aanona ya silwe mondjila kenota

OGONE TLHAGE

Oshiningwanima shoka osha kolekwa koNamibian Sun, kuDetective Chief Inspector Jesaias Higoam gwOpolisi yomoshitopolwa sha/Karas.

Uunona okakadhona koomvula 10 Laurentius Thobias oshowo koomvula ntano Lentina Kooper oya hulitha omanga yina yokanona kokakadhona Theresa Kooper gwoomvula 50, e li monkalo ya nayipala moshipangelo shepangelo moKaiti.

Aantu yaali mboka ya hupu omunamimvo 15 Germina Thobias oshowo omunamimvo 13, Immanuel Thobias, mboka ya li ya pangwa na oya lalekwa mo moshipangelo.

Pahapu dhomukondjithi gwiimbuluma moshigwana, Sean Naude, ofamili oya li ya kongo olefa okuza moKaiti okuya koTses momasiku 31 gaDecemba 2019, ihe inaya mona olefa oshe ya thiminike okuya koompadhi molweendo lyoshinano shookilometa 51.

Olukongo lwawo olwa tameke sho inaya thika kofaalama hoka ya li yuuka.

Momasiku gatatu gaJanuari mboka ya li molukongo oya adha omukulupe e li monkalo ya nayipala kohi yomuti hoka aanona ye mu thigi, ya tokola okukakonga ekwatho.

Pahapu dhaNaude, okakadhona koomvula 10 oka adhika ka hulitha omanga okamati koomvula ntano ka li ka ke wetike.

“Esiku lyalandula momasiku gane gaJanuari otwa tumu natango olukongo nokanona kokamati oka adhika kaake na omwenyo kohi yontopa popepi nondjila, olutu lwe olwa adhika nale talu ningi nayi,” Naude a popi.

Naude okwa gandja omahekeleko kofamili ndjoka na okwa pandula woo mboka ya li yiiyamba okuya molukongo lwofamili ndjoka.



EHULILO EWINAYI: Ofamili oya kambadhala okuya molweendo lyoshinano shookilomeya 51 kolupadhi okuza moKaiti okuya koTses sha etitha eso lyaLaurentius Thobias (methano) oshowo okanona kamwe.

ETHANO: NAMPA/FACEBOOK