Aandangwa taya hogolola mOlyomakaya
Aakalimo yomoshikandjohogololo Ondangwa Urban, okwa tegelelwa ya ka hogolole kansela gwawo omupe ngoka taka thitika omwaka ngoka gwa thigwapo konima shokansela gwawo nale a ningwa ngoloneya gwoshitopolwa shaShana.
Aakuthimbinga yatano momahogololo ngoka otaya manitha omahwahwameko gawo, nokutaalela ethigathano enene ndyoka tali kalako momasiku 15 gaJuni.
Oongundu dhopolotika ngaashi Swapo, Popular Democratic Movement (PDM), All People's Party (APP), oshowo Congress of Democrats (CoD) odha shangitha aakalelipo yawo momahogololo ngoka omanga omunyasha gumwe naye iishangitha opo a kuthe ombinga momahogololo onga omuhogololwa iithikamena.
Kansela nale gwoshikandjohogololo shoka Elia Irimari okwa ulikwa nokuninga ongoloneya gwoshitopolwa shaShana, kOmupresidende Hage Geingob.
APP
Omuhogololwa gwongundu yoAPP, omunamimvo 30 Asser Vincent. Vincent oku li omulandithi gwomomapandanda mOndangwa ngoka a popi kutya okuuviteko ekondjo lyakehe esiku lyaakalimo yomOndangwa.
Okwa popi kutya kehe esiku aanambelewa yelelo lyaNdangwa ohaya tidha momapandanda aalandithi mboka ye li owala aakwashigwana taya kongo uuhupilo mokulanditha.
“Ngele onda hogololwa onga kansela nena otandi ka tala unene kenkondopeko lyaanyasha oshowo aalandithi yomomapandanda. Otandi ka tala ketotepo lyokomitiye yaalandithi yomomapandanda momalukanda agehe mOndangwa, ndjoka tayi ka kala tayi ungaunga niikumungu yawo opo ya vule okulonga yo ya hupe,” Vincent a popi.
“Okutala nkene omalukanda getu geli, otandi ka kambadhala okweeta mo omayakulo yamuni, omandiki gelongo oshowo okukutha mo iimbuluma nuulingilingi.
Moshikandjohogololo otandi ka tala ketotepo lyoongudhi dheyambulepo lyoshikandjo.”
Vincent okwa popi kutya omahwahwameko ge oga li gwa ningwa pakutalelapo omagumbo nomagumbo unene momalukanda, naantu oya holola ohokwe mokumuhogolola.
PDM
Ongundu yoPDM oyiinekele omunamimvo 38 omukuthimbinga momaudhano na okuli omulongiskola, Johannes Martin.
Martin keshi omupe mopolotika molwaashoka okuli kansela melelo lyondoolopa yaNdangwa. Ongundu ndjoka oya ningi omahwahwameko pakuya momagumbo nomagumbo nomomasiku 25 gaMei oya li ya ningi oshigongi shawo shoka sha popithwa kOmupresidende gwongundu, McHenry Venaani.
Martin okwa uvaneke ta ka longa niikumungu mbyoka ya guma ondoolopa yaNdangwa uuna a hogololwa. Okwa popi kombinga yeyambulepo lyomalukanda, pakugandja omeya, olusheno nuundjuwo kaakalimo mboka. Okwa popi kutya otaka gandja iifuta yili pauyuuki kwaamboka taya ka gumwa komayambulepo gondoolopa na otaya pumbwa okukutha po omalukalwa gawo.
Otaka totapo woo ooskema dhoompito dhiilonga dhaanyasha, okukonga iimaliwa yokuyambulapo aalandithi yomomapandanda oshowo okukwathela momagumbo ngoka taga kwatelwa komeho kaanona.
OMUHOGOLOLWA IITHIKAMENA
Angelina Immanuel omunamimvo 27, ota kutha ombinga momahogololo ngoka onga omuhogololwa iithikamena, na oye owala omukiintu ta kutha ombinga.
Omukuthimbinga ngoka ota yambidhidhwa kehwahwameko lyoAffirmative Repositioning (AR). Immanuel okwa kala nokuninga omahwahwameko pakugongela pamwe aanyasha. Immanuel ota yambidhidhwa koyendji komapandja gomakwatathano gopamalungula. Immanuel okwa uvaneke taka lundulula Ondangwa nokuyi ningwa ehala ewanawa lyokukala. Otaka tala woo kiikumungu ya guma aakalimo mondoolopa ndjoka ngaashi ekondopeko lyaanyasha naakiintu, eyambulepo lyondoolopa, eyambulepo lyoopoloyeka dhopaliko niinima yilwe oyindji.
SWAPO
Swapo okwa ningi iigongi yomahwahwameko yi li itatu opo a hwahwameke aantu yomOndangwa ya hogolole Leonard Negonga. Negonga, 59, okwa li nale mayola gwondoolopa yaNdangwa, uule woomvula 10 nomonena okuli kansela melelo lyondooloa.
Swapo okwa uvaneke kutya Negonga otaka tameka mpoka Irimali a hulile. Ongundu oya popi kutya otayi ka kwatelwa komeho kekotampango lyongundu nomilandu dhongundu dhomutengenekwathaneko yomvula yo 2030, Harambee Prosperity Plan oshowo omilandu dhilwe.
COD
COD okwiinekele Mandume Andreas Tuhafeni oye a ninge omuhogololwa gwawo momahogololo ngoka. Ongundu oya popi kutya kayi na ohokwe okulombwela iikundaneki kombinga yehwahwameko lyomuhogololwa gwawo.
“Katu na einekelo miikundaneki yaNamibia molwaashoka ayihe oya kwatwako. Shoka hayi ningi okukutha uuyelele mutse noku wu fala kegumbo lyepangelo. Omuhogololwa gwetu okushiwike nale koshigwana na otu li nawa pwaahena iikundaneki.”
ILENI NANDJATO
Oongundu dhopolotika ngaashi Swapo, Popular Democratic Movement (PDM), All People's Party (APP), oshowo Congress of Democrats (CoD) odha shangitha aakalelipo yawo momahogololo ngoka omanga omunyasha gumwe naye iishangitha opo a kuthe ombinga momahogololo onga omuhogololwa iithikamena.
Kansela nale gwoshikandjohogololo shoka Elia Irimari okwa ulikwa nokuninga ongoloneya gwoshitopolwa shaShana, kOmupresidende Hage Geingob.
APP
Omuhogololwa gwongundu yoAPP, omunamimvo 30 Asser Vincent. Vincent oku li omulandithi gwomomapandanda mOndangwa ngoka a popi kutya okuuviteko ekondjo lyakehe esiku lyaakalimo yomOndangwa.
Okwa popi kutya kehe esiku aanambelewa yelelo lyaNdangwa ohaya tidha momapandanda aalandithi mboka ye li owala aakwashigwana taya kongo uuhupilo mokulanditha.
“Ngele onda hogololwa onga kansela nena otandi ka tala unene kenkondopeko lyaanyasha oshowo aalandithi yomomapandanda. Otandi ka tala ketotepo lyokomitiye yaalandithi yomomapandanda momalukanda agehe mOndangwa, ndjoka tayi ka kala tayi ungaunga niikumungu yawo opo ya vule okulonga yo ya hupe,” Vincent a popi.
“Okutala nkene omalukanda getu geli, otandi ka kambadhala okweeta mo omayakulo yamuni, omandiki gelongo oshowo okukutha mo iimbuluma nuulingilingi.
Moshikandjohogololo otandi ka tala ketotepo lyoongudhi dheyambulepo lyoshikandjo.”
Vincent okwa popi kutya omahwahwameko ge oga li gwa ningwa pakutalelapo omagumbo nomagumbo unene momalukanda, naantu oya holola ohokwe mokumuhogolola.
PDM
Ongundu yoPDM oyiinekele omunamimvo 38 omukuthimbinga momaudhano na okuli omulongiskola, Johannes Martin.
Martin keshi omupe mopolotika molwaashoka okuli kansela melelo lyondoolopa yaNdangwa. Ongundu ndjoka oya ningi omahwahwameko pakuya momagumbo nomagumbo nomomasiku 25 gaMei oya li ya ningi oshigongi shawo shoka sha popithwa kOmupresidende gwongundu, McHenry Venaani.
Martin okwa uvaneke ta ka longa niikumungu mbyoka ya guma ondoolopa yaNdangwa uuna a hogololwa. Okwa popi kombinga yeyambulepo lyomalukanda, pakugandja omeya, olusheno nuundjuwo kaakalimo mboka. Okwa popi kutya otaka gandja iifuta yili pauyuuki kwaamboka taya ka gumwa komayambulepo gondoolopa na otaya pumbwa okukutha po omalukalwa gawo.
Otaka totapo woo ooskema dhoompito dhiilonga dhaanyasha, okukonga iimaliwa yokuyambulapo aalandithi yomomapandanda oshowo okukwathela momagumbo ngoka taga kwatelwa komeho kaanona.
OMUHOGOLOLWA IITHIKAMENA
Angelina Immanuel omunamimvo 27, ota kutha ombinga momahogololo ngoka onga omuhogololwa iithikamena, na oye owala omukiintu ta kutha ombinga.
Omukuthimbinga ngoka ota yambidhidhwa kehwahwameko lyoAffirmative Repositioning (AR). Immanuel okwa kala nokuninga omahwahwameko pakugongela pamwe aanyasha. Immanuel ota yambidhidhwa koyendji komapandja gomakwatathano gopamalungula. Immanuel okwa uvaneke taka lundulula Ondangwa nokuyi ningwa ehala ewanawa lyokukala. Otaka tala woo kiikumungu ya guma aakalimo mondoolopa ndjoka ngaashi ekondopeko lyaanyasha naakiintu, eyambulepo lyondoolopa, eyambulepo lyoopoloyeka dhopaliko niinima yilwe oyindji.
SWAPO
Swapo okwa ningi iigongi yomahwahwameko yi li itatu opo a hwahwameke aantu yomOndangwa ya hogolole Leonard Negonga. Negonga, 59, okwa li nale mayola gwondoolopa yaNdangwa, uule woomvula 10 nomonena okuli kansela melelo lyondooloa.
Swapo okwa uvaneke kutya Negonga otaka tameka mpoka Irimali a hulile. Ongundu oya popi kutya otayi ka kwatelwa komeho kekotampango lyongundu nomilandu dhongundu dhomutengenekwathaneko yomvula yo 2030, Harambee Prosperity Plan oshowo omilandu dhilwe.
COD
COD okwiinekele Mandume Andreas Tuhafeni oye a ninge omuhogololwa gwawo momahogololo ngoka. Ongundu oya popi kutya kayi na ohokwe okulombwela iikundaneki kombinga yehwahwameko lyomuhogololwa gwawo.
“Katu na einekelo miikundaneki yaNamibia molwaashoka ayihe oya kwatwako. Shoka hayi ningi okukutha uuyelele mutse noku wu fala kegumbo lyepangelo. Omuhogololwa gwetu okushiwike nale koshigwana na otu li nawa pwaahena iikundaneki.”
ILENI NANDJATO
Comments
Namibian Sun
No comments have been left on this article