Aakalimo yomOtweya ya tembukile momagumbo gawo
Aakalimo yomomudhingoloko gwaOtweya mboka ya kala taya lumbu mootenda sha landula sho omagumbo gawo gawo ga hanagulwapo komulilo, ngashiingeyi oya tembukile momagumbo gomakuma ngoka ga tungwa kepangelo.
[email protected]
OMBAYE
Osha li enyanyu enene molukanda Otweya sho aakalimo yotango yeli o 50 ya tembukile momagumbo gawo omape mOmaandaha. Ehala ndyoka oya totwapo konima sho omulilo gwa hanagulapo omagumbo ga thika pe 153 nokufaalela omwenyo gwokanona kokamati komvula yimwe molukanda lwedhina Twaloloka.
Aakwashigwana teli 50 mekwathelo lyaayiyambi oshowo aanambelewa yokadhimamulilo mOmbaye oya tembuka mOmaandaha. Ongundu ndjika oya landulwa kongundu onkwawo yaakwashigwana yeli 50 mEtiyali oshowo yeli o 50 mboka ya tembuha mEtitatu.
Gumwe gwomaakalimo mboka Asnath Kangandi, ina vula okuholeka enyanyu lye. “ Onda nyanyukwa. tangi, tangi, tangi, ngashiingeyi otatu tembuka. Ongulohi yonena otatu lala momagumbo getu, itandi vulu okuholeka enyanyu lyandje.”
Ebenardine ‘Ousie Babsie’ Gawes okwa pandula epangelo ta popi kutya oya nyanyukwa na otaya pandula epangelo.
Ephraim Kathindi, omunambelewa koshikondo shookadhima omulilo okwa popi kutya okwa ningwa omutumba nokomitiye opo ku manithwe omusholondondo gaamboka taya pewa omagumbo.
Okwa popi kutya elelo lyondoolopa olya gandja omaloli opo ga vule okuyambidhidha mokututa iinima yaakwashigwana.
Evi mpoka pwa tungwa omagumbo oli li ehala lyaNHE nepangelo oli li moonkundathana naNHE opo evi ndyoka li ninge po lyepangelo. Epulo oli li mpoka ngele NHE otaka gandja evi ndyoka oshali nenge ote li landitha po.
Etokolo lya hugunina otali keetitha ondando yomagumbo yi londe pombanda.
Nonando ongaaka, oohandimwe yamwe po oya li yahala okuya moshipala etembu ndyoka taya popi kutya omusholondondo gwoonakutembuka ogwa lundululwa.
Florian Donatus Tegako, ngoka e li kansela okwa li a hala okuya moshipala etembu.
“Onda loloka okuuva omalundulilo kehe pamwe. Aantu otaya kuthwa owala momapandanda nokutulwa momushlondondo. Itatu vulu okukala tu na opoloyeka yopashigwana ihe okomitye oya hala okukala nonkondo yi vule nakansela. Olye ta ka kala noshinakugwanithwa shokuwapaleka ehalakano ndyoka? Itandi shi popile!”
Pahapu dhaTegako, okomitiye ya Otweya oshowo aanambelewa yamwe otaya kambadhala okulundulula omusholondondo.
“Otwa ningi omutumba oshiwike sha piti opo tu kandulepo omaupyakaadhi ngoka. Omusholondondo ngoka gwa li gwa ziminwa oshiwike sha piti hago guli po nena. Uunake tatu ka longa iinima nawa pwaahena uulingilingi? Otu na aantu mboka yakanitha omaliko gawo ihe otaya pingenwapo kaantu mboka ya kala owala omasiku gaali nenge gatatu moombashu omanga omulilo inagu holoka. Kashi li pauyuuki!”
Raymond Peterson, okuza kuuministeli wiilonga nomalwendo, ngoka eli omukomeho gwopoloyeka ndjoka okwa popi kutya omapopyo ngoka kage shi goshili.
Peterson okwa popi kutya omusholondondo ngoka ogwa ningwa po kwiikwatelelwa koonzapo dhuumwene dhoka dha li dha pewa mboka ya yonagulilwa po omahala gawo komulilo.
Okwa tsikile kutya yamwe mbka yali ya hupuko oya tungilwa omagumbo ga thika po 21, molwaashoka kaya li po pethimbo lyoshiponga nomatompelo kutya aahingi yomaaloli nenge yaadhika ya patelwa pondje yondoolopa omolwa oomangambeko gomalweendo ngoka ga li ga tulwapo omolwa ocorona.
Okwa tsikie kutya omusholondondo ogwa ningwapo kwiikwatelelwa komulandu gwopaliamende, nooyene yomagumbo oya li ya pewa oonzapo, uupyakadhi owuli mpaka kutya ngashiingeyi aakalimo yomegmbo limwe oya hala okupewa ayehe omagumbo, omanga elandulathano li li po kutya ngele owali naantu yane megumbo pethimbo lyomulilo ngoka mwene gwegumbo ota pewa egumbo limwe nokutembukila megumbo ndyoka ayehe pamwe naanegumbo lye.
Aakashigwana oye na oshinakugwanithwa shomakwatakanitho gomeya nolusheno. Olusheno otalu futwa N$520, omanga omeya taga futwa N$3 468.64, omwaalu ngoka tagu vulu okufutwa ko uule woomwedhi 12.
Moonkundathana dha piti noshikundaneki shErongo 24/7, Donatus okwa yelitha kutya omagumbo otaga futilwa oshimaliwa shooN$316.32 komwedhi uule woomvula 15, kumwe omwaalu guli po N$40 000 niishoshela yoopresenda 5 komvula.
OMBAYE
Osha li enyanyu enene molukanda Otweya sho aakalimo yotango yeli o 50 ya tembukile momagumbo gawo omape mOmaandaha. Ehala ndyoka oya totwapo konima sho omulilo gwa hanagulapo omagumbo ga thika pe 153 nokufaalela omwenyo gwokanona kokamati komvula yimwe molukanda lwedhina Twaloloka.
Aakwashigwana teli 50 mekwathelo lyaayiyambi oshowo aanambelewa yokadhimamulilo mOmbaye oya tembuka mOmaandaha. Ongundu ndjika oya landulwa kongundu onkwawo yaakwashigwana yeli 50 mEtiyali oshowo yeli o 50 mboka ya tembuha mEtitatu.
Gumwe gwomaakalimo mboka Asnath Kangandi, ina vula okuholeka enyanyu lye. “ Onda nyanyukwa. tangi, tangi, tangi, ngashiingeyi otatu tembuka. Ongulohi yonena otatu lala momagumbo getu, itandi vulu okuholeka enyanyu lyandje.”
Ebenardine ‘Ousie Babsie’ Gawes okwa pandula epangelo ta popi kutya oya nyanyukwa na otaya pandula epangelo.
Ephraim Kathindi, omunambelewa koshikondo shookadhima omulilo okwa popi kutya okwa ningwa omutumba nokomitiye opo ku manithwe omusholondondo gaamboka taya pewa omagumbo.
Okwa popi kutya elelo lyondoolopa olya gandja omaloli opo ga vule okuyambidhidha mokututa iinima yaakwashigwana.
Evi mpoka pwa tungwa omagumbo oli li ehala lyaNHE nepangelo oli li moonkundathana naNHE opo evi ndyoka li ninge po lyepangelo. Epulo oli li mpoka ngele NHE otaka gandja evi ndyoka oshali nenge ote li landitha po.
Etokolo lya hugunina otali keetitha ondando yomagumbo yi londe pombanda.
Nonando ongaaka, oohandimwe yamwe po oya li yahala okuya moshipala etembu ndyoka taya popi kutya omusholondondo gwoonakutembuka ogwa lundululwa.
Florian Donatus Tegako, ngoka e li kansela okwa li a hala okuya moshipala etembu.
“Onda loloka okuuva omalundulilo kehe pamwe. Aantu otaya kuthwa owala momapandanda nokutulwa momushlondondo. Itatu vulu okukala tu na opoloyeka yopashigwana ihe okomitye oya hala okukala nonkondo yi vule nakansela. Olye ta ka kala noshinakugwanithwa shokuwapaleka ehalakano ndyoka? Itandi shi popile!”
Pahapu dhaTegako, okomitiye ya Otweya oshowo aanambelewa yamwe otaya kambadhala okulundulula omusholondondo.
“Otwa ningi omutumba oshiwike sha piti opo tu kandulepo omaupyakaadhi ngoka. Omusholondondo ngoka gwa li gwa ziminwa oshiwike sha piti hago guli po nena. Uunake tatu ka longa iinima nawa pwaahena uulingilingi? Otu na aantu mboka yakanitha omaliko gawo ihe otaya pingenwapo kaantu mboka ya kala owala omasiku gaali nenge gatatu moombashu omanga omulilo inagu holoka. Kashi li pauyuuki!”
Raymond Peterson, okuza kuuministeli wiilonga nomalwendo, ngoka eli omukomeho gwopoloyeka ndjoka okwa popi kutya omapopyo ngoka kage shi goshili.
Peterson okwa popi kutya omusholondondo ngoka ogwa ningwa po kwiikwatelelwa koonzapo dhuumwene dhoka dha li dha pewa mboka ya yonagulilwa po omahala gawo komulilo.
Okwa tsikile kutya yamwe mbka yali ya hupuko oya tungilwa omagumbo ga thika po 21, molwaashoka kaya li po pethimbo lyoshiponga nomatompelo kutya aahingi yomaaloli nenge yaadhika ya patelwa pondje yondoolopa omolwa oomangambeko gomalweendo ngoka ga li ga tulwapo omolwa ocorona.
Okwa tsikie kutya omusholondondo ogwa ningwapo kwiikwatelelwa komulandu gwopaliamende, nooyene yomagumbo oya li ya pewa oonzapo, uupyakadhi owuli mpaka kutya ngashiingeyi aakalimo yomegmbo limwe oya hala okupewa ayehe omagumbo, omanga elandulathano li li po kutya ngele owali naantu yane megumbo pethimbo lyomulilo ngoka mwene gwegumbo ota pewa egumbo limwe nokutembukila megumbo ndyoka ayehe pamwe naanegumbo lye.
Aakashigwana oye na oshinakugwanithwa shomakwatakanitho gomeya nolusheno. Olusheno otalu futwa N$520, omanga omeya taga futwa N$3 468.64, omwaalu ngoka tagu vulu okufutwa ko uule woomwedhi 12.
Moonkundathana dha piti noshikundaneki shErongo 24/7, Donatus okwa yelitha kutya omagumbo otaga futilwa oshimaliwa shooN$316.32 komwedhi uule woomvula 15, kumwe omwaalu guli po N$40 000 niishoshela yoopresenda 5 komvula.
Comments
Namibian Sun
No comments have been left on this article