A tulwa miipandeko monkambadhala yokufuta ombumbo omunambelewa gwoACC
Okwa tulwa miipandeko omulumentu ngoka a li ta kambadhala okufuta ombumbo omunambelewa gwOkakomisi kOkukeelela Uulingilingi, mepingakanitho lyuukalata wombaanga wa gumwe gwomwaamboka ya tulwa miipandeko shi na sha nelyenge lyoFishrot.
Omukomeho gwoAnti-Corruption Commission (ACC) Paulus Noa okwa lombwele oNamibia Sun kutya omunambelewa omukonaakoni gwokakomisi okwa li a lombwelwa ta pewa oshimaliwa okuza komayalulo gombaanga ga gumwe gwomaafelelwa mboka ye li mondjeedhililo omolwa oshipotha shelyenge lyefuto lyoombumbo moshikondo shoohi, mepingakanitho nuukalata wombaanga.
Uukatala wombaanga waafelelwa mboka owa kwatwako onga oshitopolwa shomakonaakono ngoka taga ningwa moshipotha shoka.
Oominista nale Sacky Shanghala oshowo Bernardt Esau oyeli oshitopolwa shaamboka taku popiwa ya pewa oshimaliwa shoombumbo sha thika poomiliyona 150, mepingakanitho lyookota dhokukwata oohi shepangelo.
Yakwawo yalwe oJames Hatuikulipi, Tamson 'Fitty' Hatuikulipi, Ricardo Gustavo oshowo Pius Mwatelulo.
Mboka oya tulwa miipandeko momasiku 27 gaNovemba omvula ya piti, na oya kala mondjeedhililo.
Kakushiwike natango kutya olye gomwaamboka ye li mondjeedhililo a gandja elombwelo komufelekwa ngoka tulwa miipandeko ngashiingeyi opo a gandje ombumbo komunambelewa omukonaakoni gwokakomisi mepingakanitho lyuukalata wombaanga.
“Otwa tula miipandeko omuntu gumwe onguloshi yOmaandaha sho a kambadhala okugandja ombumbo komunambelewa omukonaakoni, opo omunambeelwa ngoka a kuthemo uukalata woombaanga wa gumwe gwomaafekelewa moombelelwa dhetu,” Noa a popi.
Omulumegu ngoka edhina lye inali vula okutumbulwa omanga ina holoka mompangu, okwa tegelelwa a holoke mompangu nena (ohela).
Okuli omuntu omutiyali ta tulwa miipandeko sho a kambadhala okuya moshipala omakonaakono moshipotha shoka.
Nigel van Wyk okuli mondjeedhililo konima sho a kambadhala okukutha po omaumbangi okuza megumbo lyaShanghala moKlein Windhoek.
Aatamanekwa mboka yahamano moshipotha shoka okwa tegelelwa ya holoke mompangu momasiku 20 gaFebruali.
Mboka oya ndopa iikando yontumba moonkambadhala opo oshipotha shawo shi ekelwehi kompangu nomaipopilo kutya inaya ninga epuko lya sha.
Momasiku gatatu gaJanuari nuumvo oya ndopa mOmpangu yoPombandeelela moshilongo, moka ya li ya ningi eindilo lyawo, nompangu oya tokola kutya oshipotha shawo inashi endelela.
OGONE TLHAGE
Uukatala wombaanga waafelelwa mboka owa kwatwako onga oshitopolwa shomakonaakono ngoka taga ningwa moshipotha shoka.
Oominista nale Sacky Shanghala oshowo Bernardt Esau oyeli oshitopolwa shaamboka taku popiwa ya pewa oshimaliwa shoombumbo sha thika poomiliyona 150, mepingakanitho lyookota dhokukwata oohi shepangelo.
Yakwawo yalwe oJames Hatuikulipi, Tamson 'Fitty' Hatuikulipi, Ricardo Gustavo oshowo Pius Mwatelulo.
Mboka oya tulwa miipandeko momasiku 27 gaNovemba omvula ya piti, na oya kala mondjeedhililo.
Kakushiwike natango kutya olye gomwaamboka ye li mondjeedhililo a gandja elombwelo komufelekwa ngoka tulwa miipandeko ngashiingeyi opo a gandje ombumbo komunambelewa omukonaakoni gwokakomisi mepingakanitho lyuukalata wombaanga.
“Otwa tula miipandeko omuntu gumwe onguloshi yOmaandaha sho a kambadhala okugandja ombumbo komunambelewa omukonaakoni, opo omunambeelwa ngoka a kuthemo uukalata woombaanga wa gumwe gwomaafekelewa moombelelwa dhetu,” Noa a popi.
Omulumegu ngoka edhina lye inali vula okutumbulwa omanga ina holoka mompangu, okwa tegelelwa a holoke mompangu nena (ohela).
Okuli omuntu omutiyali ta tulwa miipandeko sho a kambadhala okuya moshipala omakonaakono moshipotha shoka.
Nigel van Wyk okuli mondjeedhililo konima sho a kambadhala okukutha po omaumbangi okuza megumbo lyaShanghala moKlein Windhoek.
Aatamanekwa mboka yahamano moshipotha shoka okwa tegelelwa ya holoke mompangu momasiku 20 gaFebruali.
Mboka oya ndopa iikando yontumba moonkambadhala opo oshipotha shawo shi ekelwehi kompangu nomaipopilo kutya inaya ninga epuko lya sha.
Momasiku gatatu gaJanuari nuumvo oya ndopa mOmpangu yoPombandeelela moshilongo, moka ya li ya ningi eindilo lyawo, nompangu oya tokola kutya oshipotha shawo inashi endelela.
OGONE TLHAGE
Comments
Namibian Sun
No comments have been left on this article