Uuvudhiya tau ipulitha yamwe molwa edhimbuluko ‘lyEsiku lyEmanguluko’
Ombelewa yoshikandjohogololo Uuvudhiya oya dhiladhila okudhana Esiku lyEmanguluko lya tokelwa mu6 Juli, hanga oomwedhi ne konima yedhimbuluko lyopashigwana lya dhimbulukiwa moshilongo ashihe, olya nyanwa kuyamwe moshiwike shika onga oshikonga shomahogololo gaanambelewa yongundu tayi pangele.
Oshituthi, shoka sha li shi na okukala ko mu Apilili, osha undulilwa kOlyomakaya goshiwike shika momukunda Ndiimana; kakele, ombilive ya monika ku Namibian Sun - yesiku 11 Juni- oya ulike kutya oshu undulilwa natango kuga6 Juli.
Shi ikolela koshivuto shopolohalama sha ya okawi nokawi, omupevi prima minista nominista yiilonga niiyenditho John Mutorwa okwa tegelelwa a kale omupopi omunene gwesiku.
Okuza sho ehiyo lyoshituthi sha tokelwa lya andjagana nomalungula, aasheki oya holola omaiuvo kutya omolwashike tashi dhanwa konyala oomwedhi ne okuza mu21 Maalitsa.
Yamwe oya dhiladhila kutya ethimbo lyoshituthi olya puka, taya ti omahogololo gopaupelesitende nogiilyo yOmutumba gwOpashigwana go2024 taga ka kala ko muNovemba, aakwanepangelo naanapolitika otaa longitha oompito dha tya ngeyika ya likole iitsa yopapolitika.
“Ngele owa tala monakuziwa, kapwa li omauvaneko ogendji ga ningilwa aantu, ihe ngele owa tala kushoka aakwanepangelo taa uvanekele aantu nuumvo, oto mono shili elalakano okulikola iitsa yopapolitika,” omupopepi ngoka a tokola kaa popiwe kedhina a ti.
Ehumokomeho, hapolitika
Sho ya kwatathaniwa ya tye ko, aanawino yopapolitika Ndumba Kamwanyah naFredrico Links oya ti kape nasha sha puka kombinga yoshituthi tashi dhimbulukwa sha lata, shoka sha li montengenethaneko. Kakele, oya, dhiladhila kutya iituthi nayi tale komalalakano gepangelo, komilandu nokehumokomeho- hakopolitika.
“Ngele oshituthi otashi longithwa ongompito yomahwahwameko gopapolitika, otashi kala sha puka, ihe ngele okuhanganitha oshigwana nokupopya ehumokomeho, kape nasha sha puka,” okwa hokolola.
Sho a pulwa kombinga yeundulilo komeho etiyali lyoshituthi, kamunsela gwoshikandjohogololo Uuvudhiya Timoteus Shivute okwa ti esiku epe olya hogololwa oshoka Mutorwa ita kala po Olyomakaya ngaka.
“Omukalondjigilile okudhana iituthi yoludhi nduka, ihe oshikando shika, omuyenda gwetu – ngoka a hiwa ongomupopi omunene gwesiku – oku na iinakugwanithwa yilwe,” okwa fatulula.
Okutila powalawala
Pokati mpoka, okwa kwashilipaleke kutya oshituthi itashi ka kala kombinga yopolitika.
“Otatu kondjele ehumokomeho li ye miikandjohogololo yetu. Oshituthi shika kashi nasha nopolitika. Otatu popi owala ehumokomeho. Otu na oshindji okulombwela [Mutorwa] ongominista yiilonga niiyenditho.”
Sho a pulwa ngele ompito otayi ka longithwa okumonena ongundu tayi pangele aayambidhidhi(omawi), Shivute okwa ti mboka ye na omaipulo ngoka oya ‘ tila powalawala’.
[email protected]
Oshituthi, shoka sha li shi na okukala ko mu Apilili, osha undulilwa kOlyomakaya goshiwike shika momukunda Ndiimana; kakele, ombilive ya monika ku Namibian Sun - yesiku 11 Juni- oya ulike kutya oshu undulilwa natango kuga6 Juli.
Shi ikolela koshivuto shopolohalama sha ya okawi nokawi, omupevi prima minista nominista yiilonga niiyenditho John Mutorwa okwa tegelelwa a kale omupopi omunene gwesiku.
Okuza sho ehiyo lyoshituthi sha tokelwa lya andjagana nomalungula, aasheki oya holola omaiuvo kutya omolwashike tashi dhanwa konyala oomwedhi ne okuza mu21 Maalitsa.
Yamwe oya dhiladhila kutya ethimbo lyoshituthi olya puka, taya ti omahogololo gopaupelesitende nogiilyo yOmutumba gwOpashigwana go2024 taga ka kala ko muNovemba, aakwanepangelo naanapolitika otaa longitha oompito dha tya ngeyika ya likole iitsa yopapolitika.
“Ngele owa tala monakuziwa, kapwa li omauvaneko ogendji ga ningilwa aantu, ihe ngele owa tala kushoka aakwanepangelo taa uvanekele aantu nuumvo, oto mono shili elalakano okulikola iitsa yopapolitika,” omupopepi ngoka a tokola kaa popiwe kedhina a ti.
Ehumokomeho, hapolitika
Sho ya kwatathaniwa ya tye ko, aanawino yopapolitika Ndumba Kamwanyah naFredrico Links oya ti kape nasha sha puka kombinga yoshituthi tashi dhimbulukwa sha lata, shoka sha li montengenethaneko. Kakele, oya, dhiladhila kutya iituthi nayi tale komalalakano gepangelo, komilandu nokehumokomeho- hakopolitika.
“Ngele oshituthi otashi longithwa ongompito yomahwahwameko gopapolitika, otashi kala sha puka, ihe ngele okuhanganitha oshigwana nokupopya ehumokomeho, kape nasha sha puka,” okwa hokolola.
Sho a pulwa kombinga yeundulilo komeho etiyali lyoshituthi, kamunsela gwoshikandjohogololo Uuvudhiya Timoteus Shivute okwa ti esiku epe olya hogololwa oshoka Mutorwa ita kala po Olyomakaya ngaka.
“Omukalondjigilile okudhana iituthi yoludhi nduka, ihe oshikando shika, omuyenda gwetu – ngoka a hiwa ongomupopi omunene gwesiku – oku na iinakugwanithwa yilwe,” okwa fatulula.
Okutila powalawala
Pokati mpoka, okwa kwashilipaleke kutya oshituthi itashi ka kala kombinga yopolitika.
“Otatu kondjele ehumokomeho li ye miikandjohogololo yetu. Oshituthi shika kashi nasha nopolitika. Otatu popi owala ehumokomeho. Otu na oshindji okulombwela [Mutorwa] ongominista yiilonga niiyenditho.”
Sho a pulwa ngele ompito otayi ka longithwa okumonena ongundu tayi pangele aayambidhidhi(omawi), Shivute okwa ti mboka ye na omaipulo ngoka oya ‘ tila powalawala’.
[email protected]
Comments
Namibian Sun
No comments have been left on this article