Oskola yaSwapo ya yi naHausiku
Swapo a tindi omapopyo gepato lyoskola ndjoka
Konima yoomvula dha piti sho oskola yoSwapo Party ya patulula omiyelo dhawo lwotango, oya hulitha po iilonga omolwa omashongo ogendji.
Jemima Beukes
OVENDUKA
Gumwe ngoka a popi noshifokundaneki shoNamibian Sun okwa popi kutya epato lyoskola ndjoka olya etithwa kompumbwe yiiyemo neyambidhidho kali po okuza kelelo lyongundu konima nkene gumwe gwomaatotipo yoskola ndjoka, Marco Hausiku, a hulitha omvula ya piti.
Enenedhilaadhilo lyoskola ndjoka olya ningilwa pokongresa yoSwapo yomomvula yo 2002 na oya totwa po muMei gwomvula yo 2016 nelalakano lyokugandja omadheulo miikwapolotika nelelo kiilyo yongundu ndjoka, noskola oyali yi na aailongi ya thika po 200.
Sha landula eso lyaHausiku muAuguste gwomvula yo 2021, amushanga gwongundu Sophia Shaningwa okwa ningi omutumba naaniilonga moskola ndjoka oku kundathana kombinga yomukalo gwokuya komeho.
Shaningwa okwa kala amunashipundi gwelelo lyoskola.
“Amushanga okwa tsakanene naaniilonga na okwe ya lombwele kutya naya kaleke manga iinima ayihe. Okwe ya komutumba pamwe nomupeha gwe, Eunice Iipinge,” onzo yimwe ya popi.
Oskola oya kaleke oompangela dhoshituthipito shotango shaailongi konima shoHausiku a gombokelwa.
“Aailongi yotango oyali taya pewa oodiploma dhawo omanga mboka aatiyali yali taya pewa oonzapo omanga aailongi aatitatu mboka yali owala ya yi kootundi uule woshiwike ya tumwa ya shune komagumbo. Shoka tashi limbililike oosho elelo ndyoka lya li koshipundi oshikako shawo sha thiki pehulilo onkene niilyo yelelo oya limbililwa konkalo,” onzo ndjoka ya tsikile. Omunambelewa omupopiliko gwoSwapo, Hilma Nikanor okwa tindi kutya oskola oya hulithapo iilonga.
Gumwe gwomaandungiki moskola ndjoka, Dr Charles Mubita ngoka a fala oNamibian Sun molweendo poskola ndjoka okwa popi kutya ootundi otadhi pula komeho na okwa ukitha omapulo agehe kelelo lyoSwapo.
Nicanor okwa tindi kutya oskola oya pata ta popi kutya ke na ontseyo ngele ongundu oya li ya tokola okukaleka ootundi. “Oskola otayi tsikile. Ope na aailongi mboka inaya mana omailongo gawo onkene kandi wete uuyelele mboka wuli mondjila. Kandi na ontseyo yomatokolo ngoka ga ningwa kongundu.”
Oskola oyi na aaniilonga taya kalelele yeli yatano oshowo aandungiki yopakathimbo ye li yahetatu mboka haya mono oondjambi okuza kongundu na oye na uumbanda okuningila elelo lyongundu omapulaapulo kombinga yonkalo ndjoka.
Iipinge sho a ningilwa omapulo ina koleka nenge a tinde epato lyoskola.
Okwa popi kutya aantu ihaya penduka owala taya tokola okuya koskola ndjoka na ohaya hogololwa okupitila miitayi yongundu. Okupitila miitayi mbyoka aailongi omo haya mono omauyelele.
Okwa tindi woo okupopya kombinga yonkalo yopashimaliwa moka mu na oskola ndjoka, na okwa tindi woo kutya oshikako shelelo lyoskola ndjoka osha thika pehulilo.
“Ope ni ya lesha ombaapila tayi popi kutya oshikako shelelo lyoskola osha thika pehulilo? Mbyoka iinima owala yomomalukanda. Inamu landapo omaupyakadhi gaantu, naya shune kaaleli yawo yaka konge omauyelele. Owu shi ndje ihandi popi omalwaambo. Pamwe oye wete kutya oshifokundaneki otashi vulu okukandulapo omaupyakadhi gawo. Ngele oye shi kutya ongundu kayi na iimaliwa omolwashike taye ya kungoye? Ipula kutya okunyana ongundu? Otaya vulu okuya kungame yuukilila, ongame omupevi omunashipundi,” Iipinge a popi.
OVENDUKA
Gumwe ngoka a popi noshifokundaneki shoNamibian Sun okwa popi kutya epato lyoskola ndjoka olya etithwa kompumbwe yiiyemo neyambidhidho kali po okuza kelelo lyongundu konima nkene gumwe gwomaatotipo yoskola ndjoka, Marco Hausiku, a hulitha omvula ya piti.
Enenedhilaadhilo lyoskola ndjoka olya ningilwa pokongresa yoSwapo yomomvula yo 2002 na oya totwa po muMei gwomvula yo 2016 nelalakano lyokugandja omadheulo miikwapolotika nelelo kiilyo yongundu ndjoka, noskola oyali yi na aailongi ya thika po 200.
Sha landula eso lyaHausiku muAuguste gwomvula yo 2021, amushanga gwongundu Sophia Shaningwa okwa ningi omutumba naaniilonga moskola ndjoka oku kundathana kombinga yomukalo gwokuya komeho.
Shaningwa okwa kala amunashipundi gwelelo lyoskola.
“Amushanga okwa tsakanene naaniilonga na okwe ya lombwele kutya naya kaleke manga iinima ayihe. Okwe ya komutumba pamwe nomupeha gwe, Eunice Iipinge,” onzo yimwe ya popi.
Oskola oya kaleke oompangela dhoshituthipito shotango shaailongi konima shoHausiku a gombokelwa.
“Aailongi yotango oyali taya pewa oodiploma dhawo omanga mboka aatiyali yali taya pewa oonzapo omanga aailongi aatitatu mboka yali owala ya yi kootundi uule woshiwike ya tumwa ya shune komagumbo. Shoka tashi limbililike oosho elelo ndyoka lya li koshipundi oshikako shawo sha thiki pehulilo onkene niilyo yelelo oya limbililwa konkalo,” onzo ndjoka ya tsikile. Omunambelewa omupopiliko gwoSwapo, Hilma Nikanor okwa tindi kutya oskola oya hulithapo iilonga.
Gumwe gwomaandungiki moskola ndjoka, Dr Charles Mubita ngoka a fala oNamibian Sun molweendo poskola ndjoka okwa popi kutya ootundi otadhi pula komeho na okwa ukitha omapulo agehe kelelo lyoSwapo.
Nicanor okwa tindi kutya oskola oya pata ta popi kutya ke na ontseyo ngele ongundu oya li ya tokola okukaleka ootundi. “Oskola otayi tsikile. Ope na aailongi mboka inaya mana omailongo gawo onkene kandi wete uuyelele mboka wuli mondjila. Kandi na ontseyo yomatokolo ngoka ga ningwa kongundu.”
Oskola oyi na aaniilonga taya kalelele yeli yatano oshowo aandungiki yopakathimbo ye li yahetatu mboka haya mono oondjambi okuza kongundu na oye na uumbanda okuningila elelo lyongundu omapulaapulo kombinga yonkalo ndjoka.
Iipinge sho a ningilwa omapulo ina koleka nenge a tinde epato lyoskola.
Okwa popi kutya aantu ihaya penduka owala taya tokola okuya koskola ndjoka na ohaya hogololwa okupitila miitayi yongundu. Okupitila miitayi mbyoka aailongi omo haya mono omauyelele.
Okwa tindi woo okupopya kombinga yonkalo yopashimaliwa moka mu na oskola ndjoka, na okwa tindi woo kutya oshikako shelelo lyoskola ndjoka osha thika pehulilo.
“Ope ni ya lesha ombaapila tayi popi kutya oshikako shelelo lyoskola osha thika pehulilo? Mbyoka iinima owala yomomalukanda. Inamu landapo omaupyakadhi gaantu, naya shune kaaleli yawo yaka konge omauyelele. Owu shi ndje ihandi popi omalwaambo. Pamwe oye wete kutya oshifokundaneki otashi vulu okukandulapo omaupyakadhi gawo. Ngele oye shi kutya ongundu kayi na iimaliwa omolwashike taye ya kungoye? Ipula kutya okunyana ongundu? Otaya vulu okuya kungame yuukilila, ongame omupevi omunashipundi,” Iipinge a popi.
Comments
Namibian Sun
No comments have been left on this article