Oshituthi shOmagongo tashi dhanenwa mOndonga muMei
Oshituthi shokomumvo shOmagongo otashi ka dhanwa mesiku eti-25 lyaMei 2024 pOmbala pOnambango moshitopolwa shaShana.
Omukwaniilwa gwOndonga, Fillemon Shuumbwa Nangolo, ngoka oshikando she shotango ta dhanene oshituthi shomagongo ongomukwaniilwa okwa tseyitha kutya shika oshikando oshitiyali mOndonga tamu dhanenwa oshituthi okuza petameko lyasho mo2015 nohashi dhanwa kOmalelo gopamuthigululwakalo gahetatu gokOnooli taga paathana ompito yokutyapula omagongo.
Nakusa Omukwaniilwa Immanuel Kauluma Elifas okwe shi dhanene tango mOndonga mo2016. Nakusa president Hage Geingob okwa li poshituthi shika.
Nahas Angula omunashipundi gwokakomitiye taka unganeke oshituthi shika okwa tseyithile iikundaneki mOmaandaha kutya oshituthi otashi lalakanene okutyapula omithigululwakalo dhAawambo nokuhanganitha Aanamibia.
Angula okwa ti Nangolo okwa hogolola oshituthi shomagongo shonuumvo shi lalakanene uukumwe pokati kiigwana moNamibia nokugamenena omithigululwakalo dhetu okupitila moku longa( kwatela mo) naagundjuka.
Elelo lyOpamuthigululwakalo lyaNdonga olya hiya Omupresidente Nangolo Mbumba, oominista nomalelo gopamithigululwakalo, oongoloneya yiitopolwa 14, aakwanepangelo, aakaleliposhilongo, aanangeshefa, aatoolikundana noshigwana shi holoke.
“Eholokopo lyoye moshituthi shika itali simaneke owala omithigululwakalo dhAawambo ihe otali ulike uukumwe noshinakugwanithwa shetu shopamuhanga tu yambidhidhe epangelo moonkambadhala dho okukwatela mo ayehe yomihoko dha yooloka”, okwa ti.
Oshituthi osha thanekwa shi tameke mo24 Mei nokuhula mo26 Mei neegululo pambelewa mo25 Mei 2024 potundi o-10 yongula.
Angula okwa ti iikandjo ayihe mOndonga oya tegelelwa yi yunge oontanda dhawo pombala.
“Kaakwashituthi ya hala okunyanyukwa nokumona iikwamuthigululwakalo. Otapu ka kala omainyanyudho osho wo emwenyeko kaahikingalo noongundu dhopamuthigululwakalo omutenya nuusiku,” okwa ti.
Angula okwa ti ope na iipindi kontu ( iikulya niikunwa), mboka ye na ehalo lyoku ka pindika otaa tsuwa omukumo ya ninge omaindilo guutala wokulandithila pakukwatathana nElelo lyOpamuthigululwakalo lyaNdonga komauyelele ga gwedhwa po.
Omukwaniilwa gwOndonga, Fillemon Shuumbwa Nangolo, ngoka oshikando she shotango ta dhanene oshituthi shomagongo ongomukwaniilwa okwa tseyitha kutya shika oshikando oshitiyali mOndonga tamu dhanenwa oshituthi okuza petameko lyasho mo2015 nohashi dhanwa kOmalelo gopamuthigululwakalo gahetatu gokOnooli taga paathana ompito yokutyapula omagongo.
Nakusa Omukwaniilwa Immanuel Kauluma Elifas okwe shi dhanene tango mOndonga mo2016. Nakusa president Hage Geingob okwa li poshituthi shika.
Nahas Angula omunashipundi gwokakomitiye taka unganeke oshituthi shika okwa tseyithile iikundaneki mOmaandaha kutya oshituthi otashi lalakanene okutyapula omithigululwakalo dhAawambo nokuhanganitha Aanamibia.
Angula okwa ti Nangolo okwa hogolola oshituthi shomagongo shonuumvo shi lalakanene uukumwe pokati kiigwana moNamibia nokugamenena omithigululwakalo dhetu okupitila moku longa( kwatela mo) naagundjuka.
Elelo lyOpamuthigululwakalo lyaNdonga olya hiya Omupresidente Nangolo Mbumba, oominista nomalelo gopamithigululwakalo, oongoloneya yiitopolwa 14, aakwanepangelo, aakaleliposhilongo, aanangeshefa, aatoolikundana noshigwana shi holoke.
“Eholokopo lyoye moshituthi shika itali simaneke owala omithigululwakalo dhAawambo ihe otali ulike uukumwe noshinakugwanithwa shetu shopamuhanga tu yambidhidhe epangelo moonkambadhala dho okukwatela mo ayehe yomihoko dha yooloka”, okwa ti.
Oshituthi osha thanekwa shi tameke mo24 Mei nokuhula mo26 Mei neegululo pambelewa mo25 Mei 2024 potundi o-10 yongula.
Angula okwa ti iikandjo ayihe mOndonga oya tegelelwa yi yunge oontanda dhawo pombala.
“Kaakwashituthi ya hala okunyanyukwa nokumona iikwamuthigululwakalo. Otapu ka kala omainyanyudho osho wo emwenyeko kaahikingalo noongundu dhopamuthigululwakalo omutenya nuusiku,” okwa ti.
Angula okwa ti ope na iipindi kontu ( iikulya niikunwa), mboka ye na ehalo lyoku ka pindika otaa tsuwa omukumo ya ninge omaindilo guutala wokulandithila pakukwatathana nElelo lyOpamuthigululwakalo lyaNdonga komauyelele ga gwedhwa po.
Comments
Namibian Sun
No comments have been left on this article