Opaaradisa yaandjondji: Opolisi yi li mo nayi kungungula
• ...Uutoni okwi indile omalelo gondoolopa ge gi iyageke
Omupolisi mOshikango okwa lumatwa kokwaako konima sho omundjondji gwomahooli a li e shi ota fadhuka po
mokwiipopila nomayego ge.
Oshiningwanima osha ningwa moshanga shomutenya gwEtitatu sho ohauto ontokele yoLand Cruiser ya adha aalandithi yomahooli ethele poongamba dhaNamibia nAngola pOshikango.
Nziyanziya sho ohauto ya kankama, aapolisi oya nuka mo mohauto, nomoosekonde, ontsi oya tsimi ‘okambishi taka tidha ombuku’. Iilyo yetanga lyopolisi oya tidha aalandithi yomahooli, nelalakano okuyuga ko omandini gomahooli.
Aalandithi oyi ihanene oombinga adhihe dhevi, nomolwa oondjila oombwinayi moshitopolwa, oyendji oya fadhukile mevi lya waalye pokati kaNamibia nAngola. Yalwe oya gwaya ondhalate ya teka kombinga yokoongamba dhAngola.
Oonyala mothingo
Mevi lya waalye, aandjondji otaa telagana, yaa na mbudhi ya sha. Ehekevi, li na uulambo uuludhe, tau zi olwiithi ndoka lwa ninga oluzigi. Aapolisi yaNamibia itaa vulu okukwata po aafekelwa kombinga ndjiya yondhalate, onkene ohaa tala ko owala noonyala mothingo. Yaa na mbudhi yasha, aapolisi yAngola ohaa tsikile niinakugwanithwa yawo yoshito.
Okutala komandini ga humbatwa komulandithi kehe, omuntu oto tengeneke kutya konyala oolitela omayovi omathele gatano ohadhi taambathanwa pokati kaNamibia nAngola momalandithilo ngaka gomahooli.
Okuza mpoka, omahooli ohaga landithilwa konima yomakuma moNamibia moka aakwashigwana haa kala momikweyo ya lande. Aaniihauto inaa tila aapolisi. Momukweyo gwiitaasi yomahooli mbika otamu monika iihauto yondilo, ya tegelela aalandithi ya galuke shampa aapolisi ya shuna, oohauto dhOpolisi ohadhi nu omahooli ngaka. “Nayo yene oya nika uulingilingi! Ohaa [yugu ko] omandini, ihe ihaye ga landa. Ano, ohaye tu pe gamwe tu ya landithile,” omulandithi gumwe a ti.
Okulandithila omahooli momagumbo
Oomeme yamwe oya kwiinina uunona wawo. Aalumentu naakiintu oyendji ya zala iikutu yi na oontongo dhomahooli oya humbata omandini gawo, taa taambathana omahooli noku nwetha iihauto. Aalandithi ohaa popi pashimbolo nelalakano ya ngwangwaneke aapolisi. Ohaa landithile omahooli momagumbo gawo.
Uumati uyali owa kuutumba lwopopepi. Kamwe oki ikwata ombandamutse , ongo ka limbililwa konakuyiwa. Oka pula ngele otwa hala omahooli. Oko komongundu yoyendji ya pula epulo ndyoka. Oke tu lombwele kutya megumbo moka ha ka pungula omandini gako oli li popepi po mpoka, noku li ulika.
Aanamapya naaniimuna momudhingoloko oya kokola oondjila momapya gawo moka aaniihauto haa landa nokunwetha omahooli ga yakwa. Shino ohashi kwathele aalandithi yaa mangwe po.
“Omolwashike itamu mu landa omahooli? Katu na nkene. Otu na okunyangadhala tu tule omboloto poshitaafula. Ondi inekela aapolisi itaa galuka oshoka onda vulwa okunguungula,” kamwe komuumati osho ka ti manga ta ka sizimike omutse gwako ka thetheleke po. Manga ‘Mbushe miilonga’ ta talatala ko.
Ka thithikila, okamati oka ti: “Itaa vulu okumanga ndje po ngashingeyi. Kandi nasha tashi ulike ote landitha. Omahooli oge li megumbo moka. Ohe kongo ookastoma nokudhi fala hoka”.
Olugodhi lwa kindja
Epangelo lyaNamibia olya kala nokukambadhala okuhulitha po endjondjo lyomahooli, ndjoka lya tsikila natango – tali yi moshipala elanditho lyomahooli lyopaveta.
“Aapolisi ohaye tu tidha. To edhililwa mokakuma omasiku gatatu e to mangululwa konale. Shino Kashi shi sha kutse. Oto vulu okutsikila okungeshefa konima yokuza mokakuma. Uudhigu owu li owala pokudhengwa, to edhililwa mokakuma nokuza mokakuma,” omulandithi omukwawo ngoka a kutha ombinga moonkundathana a ti.
Aalandithi oya ti ohaa landitha endini lyoolitela 25 koN$250. Naamboka ya hala okunwetha MoAngola momwene moSanta Clara otaa vulu oku shi ninga shampa ya futu oshimaliwa shokutaagulukila moshilongo oshikwawo. Kakele, shika ohashi vulu okunukwa po pakufuta ombumbo.
MoNamibia, ondando yomahooli gopetrola N$22.30 molitela, omahooli godiesela 50ppm ooN$21.77, nodiesela 10ppm ooN$21.97.
“Oto vulu okunwetha otenga yu udha muuhauto uushona ngaashi oteksi koN$180. NooLand Cruiser otadhi vulu okunwetha otenga yu udha niimaliwa inayi adha koN$500. Ihe piitaasi yomahooli moNamibia, owa pumbwa hanga N$2 000 wu nwethe okahauto okashona noN$5 000 moohauto oonene. Oondando ndhika odho dhingi,” omulandithi gumwe a ti sho tayi a ka landithe. Mondjilakati, okwa kankam nokugwedha po: “Elanditho itali vulu okutulwa paveta. Natse aalandithi yokiikololo otu shi shi shika”.
Ya mbangolota
Iitaasi yomahooli oyindji mOmafo nOndobe moshikandjohog Helao Nafidi oya pata.
Jafet Nakanue, mwene gwoshiitaasi shomahooli EJ Service Station mOshikango, okwa ti okwiimanga kumwe naPuma ya longele kumwe, meuvathano lyoomvula 25, nokwa kala mongeshefa yokunwetha omahooli oomvula inadhi adha 10. Okwa venisile owala mo2016 sho a patulula oshitaasi shomahooli, okwa hokolola.
Nakanue okwa ti ngoka omumvo gwa tetekele endjondjo lyomahooli ,nolya ‘sitha po’ iitaasi oyindji yomahooli momudhingoloko.
“Mo2016, onda landithile oopelesenda 100. Oomvula dha landula ko odha kala iihuna. Onkalo oya nayipala.”
Pethimbo lyomukithi gwoCovid-19, okulanditha omahooli okwa hwepopala oshoka oongamba odha li dha pata , ihe mbalambala okulanditha okwa tameke taku shongola natango sho aandjondji ya galukile miilonga, Nakanue ta ti.
Onkalamwenyo oya li ya kukuta nokwa li a laleke aaniilonga yamwe miilonga.
“Ngele ondando oya gwedhwela manga ndi na omahooli motenga, ote vulu okulandwa noku mona okamaliwa. Uupyakadhi aalandi otaa nwetha okanamundonda. Mo2016, otenga oya li hayi pu momasiku gatatu gane, noto mbesitelulula omahooli. Ngashingeyi, omwedhi otagu idhenge po,” okwa hokolola neyeme.
Nakanue okwa ti okwa landitha po ombinga yoshitaasi shomahooli kuPuma opo a hupe, ihe natango shika inashi kwatha sha.
“Otatu hupu shokadhila. Otu na oongunga. Otatu lili. Kape na ookastoma noka pe na ekwatho. Otatu mbangolotithwa, nokonima yomasiku otandi ka thigala po oonyala dhowala.”
Ota pula omolwashike itaa vulu okulanditha omahooli gAngola poshitaasi she shomahooli, ta ti ookastoma ndhoka dha hala ‘omahooli ga dhindwa’ otadhi vulu okuga landa.
Potundi 18:00, oshitaasi shomahooli oshi ipyakidhila. Haku wiwila kwetango taku ya imbi. Oshikando shimwe, omvula oya puuka, ihe okulanditha okwa pula komeho.
mokwiipopila nomayego ge.
Oshiningwanima osha ningwa moshanga shomutenya gwEtitatu sho ohauto ontokele yoLand Cruiser ya adha aalandithi yomahooli ethele poongamba dhaNamibia nAngola pOshikango.
Nziyanziya sho ohauto ya kankama, aapolisi oya nuka mo mohauto, nomoosekonde, ontsi oya tsimi ‘okambishi taka tidha ombuku’. Iilyo yetanga lyopolisi oya tidha aalandithi yomahooli, nelalakano okuyuga ko omandini gomahooli.
Aalandithi oyi ihanene oombinga adhihe dhevi, nomolwa oondjila oombwinayi moshitopolwa, oyendji oya fadhukile mevi lya waalye pokati kaNamibia nAngola. Yalwe oya gwaya ondhalate ya teka kombinga yokoongamba dhAngola.
Oonyala mothingo
Mevi lya waalye, aandjondji otaa telagana, yaa na mbudhi ya sha. Ehekevi, li na uulambo uuludhe, tau zi olwiithi ndoka lwa ninga oluzigi. Aapolisi yaNamibia itaa vulu okukwata po aafekelwa kombinga ndjiya yondhalate, onkene ohaa tala ko owala noonyala mothingo. Yaa na mbudhi yasha, aapolisi yAngola ohaa tsikile niinakugwanithwa yawo yoshito.
Okutala komandini ga humbatwa komulandithi kehe, omuntu oto tengeneke kutya konyala oolitela omayovi omathele gatano ohadhi taambathanwa pokati kaNamibia nAngola momalandithilo ngaka gomahooli.
Okuza mpoka, omahooli ohaga landithilwa konima yomakuma moNamibia moka aakwashigwana haa kala momikweyo ya lande. Aaniihauto inaa tila aapolisi. Momukweyo gwiitaasi yomahooli mbika otamu monika iihauto yondilo, ya tegelela aalandithi ya galuke shampa aapolisi ya shuna, oohauto dhOpolisi ohadhi nu omahooli ngaka. “Nayo yene oya nika uulingilingi! Ohaa [yugu ko] omandini, ihe ihaye ga landa. Ano, ohaye tu pe gamwe tu ya landithile,” omulandithi gumwe a ti.
Okulandithila omahooli momagumbo
Oomeme yamwe oya kwiinina uunona wawo. Aalumentu naakiintu oyendji ya zala iikutu yi na oontongo dhomahooli oya humbata omandini gawo, taa taambathana omahooli noku nwetha iihauto. Aalandithi ohaa popi pashimbolo nelalakano ya ngwangwaneke aapolisi. Ohaa landithile omahooli momagumbo gawo.
Uumati uyali owa kuutumba lwopopepi. Kamwe oki ikwata ombandamutse , ongo ka limbililwa konakuyiwa. Oka pula ngele otwa hala omahooli. Oko komongundu yoyendji ya pula epulo ndyoka. Oke tu lombwele kutya megumbo moka ha ka pungula omandini gako oli li popepi po mpoka, noku li ulika.
Aanamapya naaniimuna momudhingoloko oya kokola oondjila momapya gawo moka aaniihauto haa landa nokunwetha omahooli ga yakwa. Shino ohashi kwathele aalandithi yaa mangwe po.
“Omolwashike itamu mu landa omahooli? Katu na nkene. Otu na okunyangadhala tu tule omboloto poshitaafula. Ondi inekela aapolisi itaa galuka oshoka onda vulwa okunguungula,” kamwe komuumati osho ka ti manga ta ka sizimike omutse gwako ka thetheleke po. Manga ‘Mbushe miilonga’ ta talatala ko.
Ka thithikila, okamati oka ti: “Itaa vulu okumanga ndje po ngashingeyi. Kandi nasha tashi ulike ote landitha. Omahooli oge li megumbo moka. Ohe kongo ookastoma nokudhi fala hoka”.
Olugodhi lwa kindja
Epangelo lyaNamibia olya kala nokukambadhala okuhulitha po endjondjo lyomahooli, ndjoka lya tsikila natango – tali yi moshipala elanditho lyomahooli lyopaveta.
“Aapolisi ohaye tu tidha. To edhililwa mokakuma omasiku gatatu e to mangululwa konale. Shino Kashi shi sha kutse. Oto vulu okutsikila okungeshefa konima yokuza mokakuma. Uudhigu owu li owala pokudhengwa, to edhililwa mokakuma nokuza mokakuma,” omulandithi omukwawo ngoka a kutha ombinga moonkundathana a ti.
Aalandithi oya ti ohaa landitha endini lyoolitela 25 koN$250. Naamboka ya hala okunwetha MoAngola momwene moSanta Clara otaa vulu oku shi ninga shampa ya futu oshimaliwa shokutaagulukila moshilongo oshikwawo. Kakele, shika ohashi vulu okunukwa po pakufuta ombumbo.
MoNamibia, ondando yomahooli gopetrola N$22.30 molitela, omahooli godiesela 50ppm ooN$21.77, nodiesela 10ppm ooN$21.97.
“Oto vulu okunwetha otenga yu udha muuhauto uushona ngaashi oteksi koN$180. NooLand Cruiser otadhi vulu okunwetha otenga yu udha niimaliwa inayi adha koN$500. Ihe piitaasi yomahooli moNamibia, owa pumbwa hanga N$2 000 wu nwethe okahauto okashona noN$5 000 moohauto oonene. Oondando ndhika odho dhingi,” omulandithi gumwe a ti sho tayi a ka landithe. Mondjilakati, okwa kankam nokugwedha po: “Elanditho itali vulu okutulwa paveta. Natse aalandithi yokiikololo otu shi shi shika”.
Ya mbangolota
Iitaasi yomahooli oyindji mOmafo nOndobe moshikandjohog Helao Nafidi oya pata.
Jafet Nakanue, mwene gwoshiitaasi shomahooli EJ Service Station mOshikango, okwa ti okwiimanga kumwe naPuma ya longele kumwe, meuvathano lyoomvula 25, nokwa kala mongeshefa yokunwetha omahooli oomvula inadhi adha 10. Okwa venisile owala mo2016 sho a patulula oshitaasi shomahooli, okwa hokolola.
Nakanue okwa ti ngoka omumvo gwa tetekele endjondjo lyomahooli ,nolya ‘sitha po’ iitaasi oyindji yomahooli momudhingoloko.
“Mo2016, onda landithile oopelesenda 100. Oomvula dha landula ko odha kala iihuna. Onkalo oya nayipala.”
Pethimbo lyomukithi gwoCovid-19, okulanditha omahooli okwa hwepopala oshoka oongamba odha li dha pata , ihe mbalambala okulanditha okwa tameke taku shongola natango sho aandjondji ya galukile miilonga, Nakanue ta ti.
Onkalamwenyo oya li ya kukuta nokwa li a laleke aaniilonga yamwe miilonga.
“Ngele ondando oya gwedhwela manga ndi na omahooli motenga, ote vulu okulandwa noku mona okamaliwa. Uupyakadhi aalandi otaa nwetha okanamundonda. Mo2016, otenga oya li hayi pu momasiku gatatu gane, noto mbesitelulula omahooli. Ngashingeyi, omwedhi otagu idhenge po,” okwa hokolola neyeme.
Nakanue okwa ti okwa landitha po ombinga yoshitaasi shomahooli kuPuma opo a hupe, ihe natango shika inashi kwatha sha.
“Otatu hupu shokadhila. Otu na oongunga. Otatu lili. Kape na ookastoma noka pe na ekwatho. Otatu mbangolotithwa, nokonima yomasiku otandi ka thigala po oonyala dhowala.”
Ota pula omolwashike itaa vulu okulanditha omahooli gAngola poshitaasi she shomahooli, ta ti ookastoma ndhoka dha hala ‘omahooli ga dhindwa’ otadhi vulu okuga landa.
Potundi 18:00, oshitaasi shomahooli oshi ipyakidhila. Haku wiwila kwetango taku ya imbi. Oshikando shimwe, omvula oya puuka, ihe okulanditha okwa pula komeho.
Comments
Namibian Sun
No comments have been left on this article