Omanyutu eshongo enene mOhangwena – Ndeitunga
Epangelo lyaJapan tali yambidhidha oshitopolwa shi kale niikulya ya gwana
Ngoloneya gwoshitopolwa shaHangwena Sebastian Ndeitunga okwa holola elimbililo lye kaavu 300 moshitopolwa, nomaso 20 ge etwa konkalo ndjika.
Ngoloneya gwoshitopolwa shaHangwena Sebastian Ndeitunga okwa holola elimbililo lye molwa omwaalu gwaavu yomanyutu moshitopolwa tagu londo noonkondo, aavu ngashingeyi 270 noonakusa 18.
Ndeitunga okwa popi ndhika mEtitano lyoshiwike sha zi ko pethimbo lyoshituthi shegandjo lyomatungo pambelewa shoka sha kwatelwa komeho komulalelipo-shilongo gwaJapan moNamibia, Hisao Nishimaki.
Okwa li ta yamukula ketseyitho lyopoloyeka US$500 000, ya yambidhidhwa pashimaliwa lyepangelo lyaJapan melongelokumwe noWorld Food Programme (FWP) moNamibia, ndyoka tayi ka tulwa miilonga uule woomwedhi hamano miitopolwa Kunene naHangwena, okuza mu Kotoba sigo Maarsa 2025.
“Opoloyeka ndjika otayi kala ekwatho enene kOshitopolwa shaHangwena, sho omanyutu ga kolekwa kutya go omukundu omunene, oshoka oonakusa 18 oya si nuumvo Ashoke komanyutu,” Ndeitunga a ti.
Okwa ti elalakano lyotango lyopoloyeka okukwashilipaleka kutya aantu ya gumwa koshikukuta, unene aanona, mboka ye li moshiponga oshinene shokukwatwa komanyutu miitopolwa Kunene nOhangwena, oye na iikulya yi na iitungithilutu.
Ndeitunga okwa li ta popi pegandjo lyomatungo goonguluskola nokandunda kokupungula hoka ka tungwa payambidhidho lyepangelo lyaJapan poprimaskola Ndadi Primary School momukunda Omalapapa moshikandjohogololo shaMundaungilo.
"Ongoshitopolwa, otu li melago sho aasamaria aanamutimahenda, ngaashi Ombelewakaleliposhilongo yaJapan moNamibia nEhangano lyIikulya mUuyuni, otage tu yambidhidha, unenene nuumvo sho oshitopolwa sha taalelwa koshikukuta oshidhigu,” Ndeitunga a ti.
Ngoloneya okwa ti ngele oonakumona uuwanawa oya longitha nawa omakwatho ngaka, opolohalama otayi ka kwathela mokutopola iikulya ya gwanena oshitopolwa.
Etsomukumo
Ndeitunga okwa longitha ompito opo a tseyithile minista yelongo Anna Nghipondoka kutya, okutsa omukumo aaniilonga, kehe oskola ompe tayi tungwa, unenene kiitopolwa yokuushayi, napu kale omagumbo gaalongi nuundjugo wu li nawa.
“oshinima sha faathana nashi ningwe uuna taku tungwa uuklinika nomandiki guundjolowele; napu kale omagumbo gaaniilonga yuundjolowele,” okwa ti.
Mokuyamukula, Nghipondoka okwa holola kutya kakele kepangelo tali dhenge omuthindo kelongo nokuninga omapungulolongitha omanene mulyo uule woomvula 34 dhemanguluko, omashongo opo ge noga pumbwa ekwatho natango lyoshimaliwa opo ga potokonoke.
Minista gwelongo okwa pandula epangelo lyaJapan mokuyambidhidha oonkambadhala dhuuministeli mokutungitha oonguluskola dhi li nawa molwa uuwanawa wuunona uuNamibia.
Ndeitunga okwa popi ndhika mEtitano lyoshiwike sha zi ko pethimbo lyoshituthi shegandjo lyomatungo pambelewa shoka sha kwatelwa komeho komulalelipo-shilongo gwaJapan moNamibia, Hisao Nishimaki.
Okwa li ta yamukula ketseyitho lyopoloyeka US$500 000, ya yambidhidhwa pashimaliwa lyepangelo lyaJapan melongelokumwe noWorld Food Programme (FWP) moNamibia, ndyoka tayi ka tulwa miilonga uule woomwedhi hamano miitopolwa Kunene naHangwena, okuza mu Kotoba sigo Maarsa 2025.
“Opoloyeka ndjika otayi kala ekwatho enene kOshitopolwa shaHangwena, sho omanyutu ga kolekwa kutya go omukundu omunene, oshoka oonakusa 18 oya si nuumvo Ashoke komanyutu,” Ndeitunga a ti.
Okwa ti elalakano lyotango lyopoloyeka okukwashilipaleka kutya aantu ya gumwa koshikukuta, unene aanona, mboka ye li moshiponga oshinene shokukwatwa komanyutu miitopolwa Kunene nOhangwena, oye na iikulya yi na iitungithilutu.
Ndeitunga okwa li ta popi pegandjo lyomatungo goonguluskola nokandunda kokupungula hoka ka tungwa payambidhidho lyepangelo lyaJapan poprimaskola Ndadi Primary School momukunda Omalapapa moshikandjohogololo shaMundaungilo.
"Ongoshitopolwa, otu li melago sho aasamaria aanamutimahenda, ngaashi Ombelewakaleliposhilongo yaJapan moNamibia nEhangano lyIikulya mUuyuni, otage tu yambidhidha, unenene nuumvo sho oshitopolwa sha taalelwa koshikukuta oshidhigu,” Ndeitunga a ti.
Ngoloneya okwa ti ngele oonakumona uuwanawa oya longitha nawa omakwatho ngaka, opolohalama otayi ka kwathela mokutopola iikulya ya gwanena oshitopolwa.
Etsomukumo
Ndeitunga okwa longitha ompito opo a tseyithile minista yelongo Anna Nghipondoka kutya, okutsa omukumo aaniilonga, kehe oskola ompe tayi tungwa, unenene kiitopolwa yokuushayi, napu kale omagumbo gaalongi nuundjugo wu li nawa.
“oshinima sha faathana nashi ningwe uuna taku tungwa uuklinika nomandiki guundjolowele; napu kale omagumbo gaaniilonga yuundjolowele,” okwa ti.
Mokuyamukula, Nghipondoka okwa holola kutya kakele kepangelo tali dhenge omuthindo kelongo nokuninga omapungulolongitha omanene mulyo uule woomvula 34 dhemanguluko, omashongo opo ge noga pumbwa ekwatho natango lyoshimaliwa opo ga potokonoke.
Minista gwelongo okwa pandula epangelo lyaJapan mokuyambidhidha oonkambadhala dhuuministeli mokutungitha oonguluskola dhi li nawa molwa uuwanawa wuunona uuNamibia.
Comments
Namibian Sun
No comments have been left on this article