Ndohotola a tindilwa ombooloha moshipotha shokuyaha ohonda ye kwali
• ...aakwanezimo anuwa ya gandja oshimaliwa shoodola N$50 000 koshihakanwa opo shi
kuthe mo oshipotha
Omwiilongi guunamiti nomwiidheuli ngoka ta tamanekelwa iipotha yonkambadhala yedhipago okwi ikala kutya ina kutha ombinga nande moonkambadhala dhaakwanezimo ye dhokugandja oshimaliwa koshihakanwa opo shi kuthe mo oshipotha.
Ompangu yaMangestrata gwaNdangwa oya tindile ombooloha omwiilongi guunamiti ohela ngoka ta tamanekelwa okuyaha ohonda ye kwali nomumati gwawo mOluno muSeptemba.
Pethimbo lyepulakeno lyombooloha, okwa hokololwa kutya aakwanezimo yomutamanekwa oya gandja oodola N$50 000 kusuwala yawo kwali, opo a kuthe mo oshipotha shika shonkambadhala yedhipago.
Hofni Natangwe Inkono (39), omwiilongi guunamiti omwiidheuli mOshipangelo shaWindhoek Central, ota tamanekelwa iipotha yonkambadhala yedhipago tayi leshwa pamilandu dhOveta yEkondjitho lyOmahepeko gomOmagumbo Oveta 4 yomo2003; onkambadhala yedhipago; eyonagulo lyomaliko tali leshwa pamilandu dhOveta yEkondjitho lyOmahepeko gomOmagumbo Oveta 4 yomo2003 nokuumba nenge okupungula ondjembo nuuhasha.
Molwa ondumbo, Inkono anuwa okwa yaha ohonda ye nale Sofia Ndashe nomumati gwe, Peter Iitula, omanga mbaka yaali ya li mokafleta kaNdashe.
Ndashe, omulongwapangi omunamimvo 29, okwa holele ompangu kutya oomvula ntano dhekwatathano lye lyopaihole naInkono odha li oondhigu nokwa hepekwa pamadhiladhilo. Ekwatathano ndika olya hulu mu Auguste nuumvo.
Inamu ehamekelwa omuntu
Omweeti gwiihokolola e lile po epangelo Wisdom Ndakondja okwa kondjitha ombooloha, ta ti iipotha mbika iinene notashi vulika omufekelwa a kwatathane noombangi moshipotha shika. Okwa ti wo kutya okupa Inkono ombooloha itaku kala muuwanawa woshigwana notashi vulu okukanithitha oshigwana omukumo moompangu dhetu.
Magistrata Nelao Ya France okwa tindile omufekelwa ombooloha noshipotha oshu undulilwa komasiku 25 Maarsa 2025, opo omakonakono gopolisi ga tsikile.
Inkono okwa kalelwa po komunaveta Slogan Matheus.
Shi ikolela kepeko lyopolisi lyomuSeptemba, Inkono anuwa okwa yi kokafleta hoka haka hiilwa kohonda ye kwali nokwa konkola pomweelo, ta ti kutya na egululwe. Ndashe okwa tindi, oshoka okwa li mondunda nomumati gwe. "Omufekelwa okwa kutha ondjembo nokutameka ta yaha oshihauto shomumati gwaNdashe, shoka sha li poondunda dhawo," opolisi ya ti.
Oombululu hamano dhooholo odhi wetike, omakende gohauto agehe gaafaalelwa oga tatuka, nooholo 12 odha adhika poshiningwanima. Kape na ngoka a yahwa moshiningwanima shika.
Ehokololo lye
Pangongo lyuumbangi wa gandja kompangu moshiwike shika, Inkono okwa ti oye ta sile oshimpwiyu uunona we uyali uushona, mboka wa kala naavali ye uuna waa li komihandjo (koskola).
Meindilo lye lyombooloha, ota ti kutya okweedhililwa kwe otaku kala niilanduli mbyoka tayi gumu iilonga ye ongwiilongi guunamiti omwiidheuli ngele ita ilopota kiilonga muule womasiku 30. Okwa ti kutya shika otashi ka ya moshipala okuvula kwe okukwatha aakwanezimo ye.
Kombinga yiiningwanima ya tetekele okumangwa po kwe, Inkono okwa hokolola kombinga yokutsakanena naNdashe pokambaa kontumba mOndangwa, ta ti Ndashe okwe ya puye, noku mu guma montulo nokutumbula oohapu dha nika iihole. Sho Inkono a yi mokandjugo, Ndashe anuwa okwe mu landulile mo noku mu hila mokwaako, shoka she eta opo Inkono a pule Ndashe kombinga yiinima yonale yomekwatathano lyawo.
“Okwa holola kutya lwanima okwe mu lombwele opo a ye kokafleta ke opo ya ka kundathane nawa oshinima shoka muule. Konima yokuthika pokafleta kaNdashe noku mu mona naIitula, [Inkono] okwa zimine kutya okwa tatula omakende gaali gohauto yIitula sho e yi yaha molwa ongeyo,” Omikanda dhomOmpangu tadhi lesha ngawo.
Omahokololo kombinga yoombumbo
Ndashe ota hokolola kutya Inkono okwa kala e mu lambagana mokambaa koClassic Lounge, ta kambadhala okupopya naye. Konima yokuza pokambaa naIitula, Inkono anuwa okwe ya pokafleta ke, nokukonkola nayi pomweelo nopomakende, naasho inaa yamukulwa, okwa tatula omakende gaali.
Ndashe okwa holole ompangu kutya oku uvu omitopelo dhondjembo, oshikuti shimwe shoka shu umbwa mokombitha nokoshihauto pondje, shoka she eta opo a holame nIitula molwa uumbanda.
Ndashe okwa holole wo ompangu kutya aakwanezimo yaInkono anuwa oya kambadhala oku mu pa oodola N$50 000 opo a kuthe mo oshipotha.
Inkono okwi ikala kutya ina kutha ombinga moonkambadhala dhaakwanezimo ye dhokunwetha mo oshihakanwa, opo shi kuthe mo oshipotha, ishewe ina ikala kutya aakwanezimo ye oya gandja oshimaliwa (ombumbo).
Ahende gwe ota ti Inkono ita ka fadhuka po nenge a mbandameke oombangi nota ti kutya omalombwelo gombooloha otaga kala ga kwata miiti notaga ka yamukula komaipulo agehe gaayeti yiihokolola.
Inkono okwa tseyithile ompangu kutya Ndashe okwa tula mo eindilo lyokukalwa kokule kuInkono, ndjoka te ki iyutha kulyo. Ondjindikila ndjika otayi mu indike paveta kaa kwatathane nenge kaa hedhe popepi naye.
Pethimbo lyepulakeno lyombooloha, okwa hokololwa kutya aakwanezimo yomutamanekwa oya gandja oodola N$50 000 kusuwala yawo kwali, opo a kuthe mo oshipotha shika shonkambadhala yedhipago.
Hofni Natangwe Inkono (39), omwiilongi guunamiti omwiidheuli mOshipangelo shaWindhoek Central, ota tamanekelwa iipotha yonkambadhala yedhipago tayi leshwa pamilandu dhOveta yEkondjitho lyOmahepeko gomOmagumbo Oveta 4 yomo2003; onkambadhala yedhipago; eyonagulo lyomaliko tali leshwa pamilandu dhOveta yEkondjitho lyOmahepeko gomOmagumbo Oveta 4 yomo2003 nokuumba nenge okupungula ondjembo nuuhasha.
Molwa ondumbo, Inkono anuwa okwa yaha ohonda ye nale Sofia Ndashe nomumati gwe, Peter Iitula, omanga mbaka yaali ya li mokafleta kaNdashe.
Ndashe, omulongwapangi omunamimvo 29, okwa holele ompangu kutya oomvula ntano dhekwatathano lye lyopaihole naInkono odha li oondhigu nokwa hepekwa pamadhiladhilo. Ekwatathano ndika olya hulu mu Auguste nuumvo.
Inamu ehamekelwa omuntu
Omweeti gwiihokolola e lile po epangelo Wisdom Ndakondja okwa kondjitha ombooloha, ta ti iipotha mbika iinene notashi vulika omufekelwa a kwatathane noombangi moshipotha shika. Okwa ti wo kutya okupa Inkono ombooloha itaku kala muuwanawa woshigwana notashi vulu okukanithitha oshigwana omukumo moompangu dhetu.
Magistrata Nelao Ya France okwa tindile omufekelwa ombooloha noshipotha oshu undulilwa komasiku 25 Maarsa 2025, opo omakonakono gopolisi ga tsikile.
Inkono okwa kalelwa po komunaveta Slogan Matheus.
Shi ikolela kepeko lyopolisi lyomuSeptemba, Inkono anuwa okwa yi kokafleta hoka haka hiilwa kohonda ye kwali nokwa konkola pomweelo, ta ti kutya na egululwe. Ndashe okwa tindi, oshoka okwa li mondunda nomumati gwe. "Omufekelwa okwa kutha ondjembo nokutameka ta yaha oshihauto shomumati gwaNdashe, shoka sha li poondunda dhawo," opolisi ya ti.
Oombululu hamano dhooholo odhi wetike, omakende gohauto agehe gaafaalelwa oga tatuka, nooholo 12 odha adhika poshiningwanima. Kape na ngoka a yahwa moshiningwanima shika.
Ehokololo lye
Pangongo lyuumbangi wa gandja kompangu moshiwike shika, Inkono okwa ti oye ta sile oshimpwiyu uunona we uyali uushona, mboka wa kala naavali ye uuna waa li komihandjo (koskola).
Meindilo lye lyombooloha, ota ti kutya okweedhililwa kwe otaku kala niilanduli mbyoka tayi gumu iilonga ye ongwiilongi guunamiti omwiidheuli ngele ita ilopota kiilonga muule womasiku 30. Okwa ti kutya shika otashi ka ya moshipala okuvula kwe okukwatha aakwanezimo ye.
Kombinga yiiningwanima ya tetekele okumangwa po kwe, Inkono okwa hokolola kombinga yokutsakanena naNdashe pokambaa kontumba mOndangwa, ta ti Ndashe okwe ya puye, noku mu guma montulo nokutumbula oohapu dha nika iihole. Sho Inkono a yi mokandjugo, Ndashe anuwa okwe mu landulile mo noku mu hila mokwaako, shoka she eta opo Inkono a pule Ndashe kombinga yiinima yonale yomekwatathano lyawo.
“Okwa holola kutya lwanima okwe mu lombwele opo a ye kokafleta ke opo ya ka kundathane nawa oshinima shoka muule. Konima yokuthika pokafleta kaNdashe noku mu mona naIitula, [Inkono] okwa zimine kutya okwa tatula omakende gaali gohauto yIitula sho e yi yaha molwa ongeyo,” Omikanda dhomOmpangu tadhi lesha ngawo.
Omahokololo kombinga yoombumbo
Ndashe ota hokolola kutya Inkono okwa kala e mu lambagana mokambaa koClassic Lounge, ta kambadhala okupopya naye. Konima yokuza pokambaa naIitula, Inkono anuwa okwe ya pokafleta ke, nokukonkola nayi pomweelo nopomakende, naasho inaa yamukulwa, okwa tatula omakende gaali.
Ndashe okwa holole ompangu kutya oku uvu omitopelo dhondjembo, oshikuti shimwe shoka shu umbwa mokombitha nokoshihauto pondje, shoka she eta opo a holame nIitula molwa uumbanda.
Ndashe okwa holole wo ompangu kutya aakwanezimo yaInkono anuwa oya kambadhala oku mu pa oodola N$50 000 opo a kuthe mo oshipotha.
Inkono okwi ikala kutya ina kutha ombinga moonkambadhala dhaakwanezimo ye dhokunwetha mo oshihakanwa, opo shi kuthe mo oshipotha, ishewe ina ikala kutya aakwanezimo ye oya gandja oshimaliwa (ombumbo).
Ahende gwe ota ti Inkono ita ka fadhuka po nenge a mbandameke oombangi nota ti kutya omalombwelo gombooloha otaga kala ga kwata miiti notaga ka yamukula komaipulo agehe gaayeti yiihokolola.
Inkono okwa tseyithile ompangu kutya Ndashe okwa tula mo eindilo lyokukalwa kokule kuInkono, ndjoka te ki iyutha kulyo. Ondjindikila ndjika otayi mu indike paveta kaa kwatathane nenge kaa hedhe popepi naye.
Comments
Namibian Sun
No comments have been left on this article