Eyambidhidho lyaailongi kuNSFAF li indjipalekwa
Uuministeli welongo lyopombanda noshiketha shokuyambidhidha aailongi moNamibia (NSFAF) oya tseyitha eindjipalo noopelesenda 50 meyambidhidho pashimaliwa lyaailongi momumvo gwelongo 2024.
Lya tseyithwa pambelewa mEtitatu kuminista Dr Itah Kandjii-Murangi nomukuluntupitithi ta kwathele gwoNSFAF Kennedy Kandume, ontengenekothaneko yOshiketha oya gwedhelwa okuza pobiliona N$1.6 okuya poobiliona N$2.5. "Opamwe nambushe miilonga muuministeli wiimaliwa, Ipumbu Shiimi, otwa longo neitulomo omumvo gwa zi ko tu kwashilipaleke otwa konga oonzo dha pumbiwa ku thitikwe omwaka gweyambidhidho pashimaliwa," Kandjii-Murangi a ti.
Etokolo lyokugwedhela oshimaliwa shokuyambidhidha aailongi kiiputudhilo yopombanda olya etwa kokwiindjipala noonkondo, naalongwa aape ya li 10 600 mo2013 noye li 23 785 mo2024.
Kandjii-Murangi okwa gwedha po nuumvo, epangelo otali gandja okamaliwa kokwiikwatha (kaa ke shi kofuto yoskola) kaalongwa ayehe ya adha iipumbiwa yiiputudhilo yopombanda noshowo yomandiki gopaungomba. "Opo tu kwathe shili pauyuuki," okwa ti, "aailongi ayehe kiiputudhilo yelongo lyopombanda nomadheulo naa talike ko sha faathana – inaku talwa kiiputudhilo yawo."
Okwa ti aalongwa aape naakulu taa kwathelwa ku NSFAF otaa ka mona N$10 000 opo yi ikwathe esiku nesiku. Shika, okwa ti, etameko lyeyakulo li thike pamwe lyaailongi miiputudhilo ayihe, ta ti omwaalu nguka otagu ka koka sigo N$17 000 omumvo tagu ya.
Shi ikolela ku Kandume, NSFAF okwa koka noonkondo momukokomoko goomvula, okwa holola kutya oshiketha osha yambidhidha aailongi 176 310 muule woomvula omulongo dha piti. Shoka osha ulike epungulolongitho lyoshimaliwa shoobiliona N$17.5 melongo lyopombanda, okwa ndhindhilike.
Lya tseyithwa pambelewa mEtitatu kuminista Dr Itah Kandjii-Murangi nomukuluntupitithi ta kwathele gwoNSFAF Kennedy Kandume, ontengenekothaneko yOshiketha oya gwedhelwa okuza pobiliona N$1.6 okuya poobiliona N$2.5. "Opamwe nambushe miilonga muuministeli wiimaliwa, Ipumbu Shiimi, otwa longo neitulomo omumvo gwa zi ko tu kwashilipaleke otwa konga oonzo dha pumbiwa ku thitikwe omwaka gweyambidhidho pashimaliwa," Kandjii-Murangi a ti.
Etokolo lyokugwedhela oshimaliwa shokuyambidhidha aailongi kiiputudhilo yopombanda olya etwa kokwiindjipala noonkondo, naalongwa aape ya li 10 600 mo2013 noye li 23 785 mo2024.
Kandjii-Murangi okwa gwedha po nuumvo, epangelo otali gandja okamaliwa kokwiikwatha (kaa ke shi kofuto yoskola) kaalongwa ayehe ya adha iipumbiwa yiiputudhilo yopombanda noshowo yomandiki gopaungomba. "Opo tu kwathe shili pauyuuki," okwa ti, "aailongi ayehe kiiputudhilo yelongo lyopombanda nomadheulo naa talike ko sha faathana – inaku talwa kiiputudhilo yawo."
Okwa ti aalongwa aape naakulu taa kwathelwa ku NSFAF otaa ka mona N$10 000 opo yi ikwathe esiku nesiku. Shika, okwa ti, etameko lyeyakulo li thike pamwe lyaailongi miiputudhilo ayihe, ta ti omwaalu nguka otagu ka koka sigo N$17 000 omumvo tagu ya.
Shi ikolela ku Kandume, NSFAF okwa koka noonkondo momukokomoko goomvula, okwa holola kutya oshiketha osha yambidhidha aailongi 176 310 muule woomvula omulongo dha piti. Shoka osha ulike epungulolongitho lyoshimaliwa shoobiliona N$17.5 melongo lyopombanda, okwa ndhindhilike.
Comments
Namibian Sun
No comments have been left on this article